Wikipedia:Cume andà in vedrína

Prima da meritàss 'l banner {{varda che bèl}}, un articul 'l gh'ha d'andà adree a certi criteri.

Criteri per vess cunsideraa per la Vedrína

1. L'articul 'l gh'ha da parlà d'un quajcoss d'enciclupedich, secónda i regul de la Wikipedia. Trè no via del temp cercanda da giuntàgh di infurmazión a di articul che i henn no vus enciclupedich.
2. L'articul 'l gh'ha da vess cumplet. Un articul cumplet l'è un articul che 'l ghe cala mia i infurmazión principal e che 'l gh'ha anca un quaj detali.
3. L'articul 'l gh'ha da vess staa revisiunaa almanch un pari de volt, pussibilment da püssee d'un druvat. Nissön l'è bón da scriv un articul perfet da per lü.
4. L'articul 'l gh'ha da vegh almanch una categuria, e 'l gh'ha da vess piazzaa suta la categuria aprupriada.
5. I ültim revisión i duvarissen vess di mudufich minur (chi riguarden rob cume i erur urtugrafich, o un quaj ligam rut).
6. Tüt i termin impurtant i gh'hann de vegh un ligam e duvariss vessegh mia de ligam russ. De solit, un termin impurtant l'è culegaa a un ligam dumà la prima volta che 'l salta fö int 'l test.
7. L'articul 'l gh'ha da vegh almanch una sumijanza, che la gh'ha da vess in ton cun 'l tema de l'articul. I sumijanz i gh'hann da vegh la so bela legenda che la spiega 'sè ch'i rapresenten.
8. L'articul 'l gh'ha da vegh mia de messagg ch'i disen che gh'è de bisogn da metegh man. Messagg del gener i henn quij cume i template {{da netà}} e {{sbozz}}. L'articul 'l duvariss no vegh de bisogn da 'sti template chì.
9. I infurmazión che i henn ciapaa da liber, periodich o olter püblicazión i gh'hann da vess cità 'me che se dev. I citazión i se fann cun i scurciöl <ref>..</ref><references/>.