Tranvia Berghem-Albin

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Vedrína
Vedrina
Quest articol chì l'è assee ben faa Vedrina
Tranvia Berghem-Albin
Ranica fermata tram 02.JPG
El tram a Laranga
Tipolojia linea tranviaria
Stats
Flag of Italy.svg
Italia
Territore
Provincia di Bergamo-Stemma.png
Bergem
Prencepe Berghem
Fin Albin
Vertura 24 april 2009
Operador TEB
Sit ofiçal www.teb.bergamo.it/user/homepage.aspx
Veture Tram TEB 001-014
Scartament scartament normal
N. stazion e fermade 16
Lungeza 12,5 km
Passajer 10 000 per dé
3 650 000 l'ann
Traçad
istruzion 

La Tranvia Berghem-Albin (ciamaa anca T1 o Tram di Vall) l'è 'na metrotranvia che la conliga Bergom a la città de Albin e che la serviss la città e la Val Seriana inferior, recuperada del vegg sedimm de la ferrovia de la Val Seriana. A l'è gestida di Tramvie Elettriche Bergamasche

Storia[Mudifega | mudìfica 'l sorgènt]

Longh la prima mità del secol quell de 20 Albin a l'era conligada al capoloeugh cont dò relazion in su ferr: La Tranvia Berghem-Albin, in sed promiscua cont la strada provincial e attiva in tra el 1912 e 'l 1953 e la ferrovia de la Val Seriana, attiva in tra 'l 1884 e 'l 1967.

Progett de recostruzion[Mudifega | mudìfica 'l sorgènt]

El fabricaa viaggiator de la Ferrovia de la Val Seriana

Giamò de la fin de la ferrovia de la Val Seriana la Provincia la voreva on servizzi sostitutiv. In del 1971 la domanda de ciappà tucc i edifizzi e i pertinenz che sarien no staa doperaa del servizzi automobilistich, ma la domanda la va minga a bon fin.

In del 1990 el Parlament europee, sollecitaa del verd Giancarlo Salvoldi, 'l approeuva ona domanda per reportà el straport su rodaia in Val Seriana e Brembana. L'ann dopo la Provincia la derva ona commission tecnega per fàll.

In del 1992 el Comitato interministeriale per la programmazione economica nel trasporto el dis che 'l sistema a guida vincolada de Berghem a l'è vun di prioritari de fà su e de finanzià, dopo de 'na domanda de la Region Lombardia, che 'l aveva giamò finanziaa 1 miliard de Lire. L'ann dopo la legg 579 la permett de dà a la Provincia el sedimm per fà su una metropolitana o 'na metrotranvia.

In del 1995 el Comitato Interministeriale per la Programmazione Economica el stanzia 52 miliard de Lire per el progett, presentaa in del 1997 e approvaa in del 2000 del Ministeri, che 'l stanzia alter 75 miliard.

El 17 de luj del 2000 a l'è istituida la società Tramvie Elettriche Bergamasche, del comun e de la Provincia. L'ann dopo la TEB la derva el band per la costruzion del primm tratt de la tranvia, che l'è assegnaa al Consorzio Cooperative Costruzioni de Bologna. La tratta per Albin l'ha voruu pussee temp: Approvaa a Berghem in del 2000 e in Lombardia in del 2003, el Ministeri l'ha faa 'me appalt integraa, daa a la società vincitora al midemm prezz.

El 10 de giugn 2002 a l'è posada la prima preja ma l'ann dopo a l'è fermaa el progett per di problema economich de la ditta de costruzion, che in del 2005 la falliss. In del febrar 2006 a l'è refada la gara e l'è riassegnada a 'na Sociazion Temporanea de Impres fada de la Claudio Salini, la Locatelli Lavori, l'IPA Precast, la Gemmo e la SIEG cont la direzion de la Metropolitana Milanese.

Vertura e esercizzi[Mudifega | mudìfica 'l sorgènt]

Tram a Torr Boldon

El 24 de april 2009 a l'è inauguraa el tratt in tra Berghem e Alzan e l'è vert dal dì dopo. El 10 de giugn a l'è verta la tratta intera finna a Albin.

La gestion a l'è provvisoriament assegnada a TEB in attesa de 'na gara, accord poeu reconfermaa finna a che la Provincia la decid de fà 'na gara.

El percors 'l attraversa i zon de du alter gestor del straport publich: La zona finna a Alzan a l'è de Azienda Trasporti Bergamo, quella dopo de Consorzio Bergamo Trasporti Est. Cont la vertura completa Albin e Nember a hinn giontaa in la zona urbana e hinn accetaa i biliett sia de ATB sia de SAB Autoservizi.

Dopo del primm ann de esercizzi a l'è sortii che 'l 99% di cors la gh'ha men de 5 megnuu de ritard e 'l 98% men de 2. In del 2011 han viaggiaa in media 8'300 personn al di cont ona ponta de 12'400. El 47% de la domanda a l'era reservada ai dò capoligna.

In del 2014 han viaggiaa in su la linia 3,4 milion de passegee; in del 2017 hinn diventaa 3,7 e 'l bilancc de la società TEB l'è staa saraa per la prima volta in positiv.[1]

Progett futur[Mudifega | mudìfica 'l sorgènt]

A hinn staa nonziaa dò noeuv lign:[1]

  • La linia T2, de fà in del sedimm de la ferrovia de la Val Brembana, che la conligarà Berghem a Villa d'Almè. I ent locai han giamò firmaa i patt in del magg 2016 per ona linia de 9,2 km con 12 stazion, per on finanziament de 103 milion cont 11 tram
  • La linia T3, urbana, che la conligaria via Corridoni e il Noeuv Ospedal Papa Gioann XXIII

L'è anca in progett on slongament de la linia T1 da Albin a Vertova.[1]

Caratteristich[Mudifega | mudìfica 'l sorgènt]

Tram al capoligna de Berghem FS

L'è ona metrotranvia a binari dobbi in sed completament reservada longa 12,5 km cont el scartament standard. Hinn doperaa sia i rodaj a gora sia i Vignoles e l'è alimentada a 750 volt in corrent continua. La gh'ha 30 incros, tucc cont l'aserviment semaforich. El 35% de la sed tranviaria el gh'ha l'erba.

El servizzi el gh'ha ona cadenza de 15 megnuu, che borlen a 7-8 in ponta e 30 in di festiv.

Percors[Mudifega | mudìfica 'l sorgènt]

Anca se adattaa al dobbi binari tranviari la recalca el percors de la ferrovia, anca el capoligna arent a la stazion de Berghem. I intersezion a hinn staa semaforizzaa e hinn staa giontaa di noeuv fermaa in ambit urban 'me Borgh Palazz, San Fermo e Redona. De chi, a Torr Boldon, on raccord el mena al deposit social.

A l'è donca superada Ranica e l'è servida Alzan, Nèmber e Pradalonga per poeu rivà ad Albin, capoligna, in la veggia stazion de la ferrovia.

Material rotabil[Mudifega | mudìfica 'l sorgènt]

In su la linia a hinn doperaa di AnsaldoBreda Sirio cont design squadraa faa de Pininfarina, el Tram TEB 001-014 cont 62 post settaa e 177 in pee. Per la manutenzion la TEB la gh'ha on veicol ibrid strada-rodaia che l'è doperaa anca per dacquà i zonn de verd de la rodaia.

Bibliografia[Mudifega | mudìfica 'l sorgènt]

  • Claudio Cleri, Bergamo e il tram delle valli, "iTreni", settembre 2009, n. 318, pp. 25–29.
  • Paolo Beria, Alex Borlini, Roberto Maja, Il nuovo tram di Bergamo. Una valutazione ex-post, in Territorio, vol. 59, 2011, pp. 30-37, DOI:10.3280/TR2011-059005.
  • Paolo Beria, Alex Borlini, Il nuovo tram di Bergamo. Valutazione ex-post delle stime di domanda e dell’analisi costi benefici, Milano, TRASPOL Working Paper TWP1/2011, 2011. Disponibile su www.traspol.polimi.it
  • Giulio Leopardi, Carlo Ferruggia; Luigi Martinelli, Treni & Tramvie della bergamasca, 2ª ed., Clusone, Ferrari Editrice, 2005, ISBN 88-89428-10-4.
  • Stefano Bernardi, La nuova metrotranvia Bergamo-Albino, in Ingegneria ferroviaria, nº 11, 2009, pp. 1001-1009.

Vos correlaa[Mudifega | mudìfica 'l sorgènt]

Riferiment[Mudifega | mudìfica 'l sorgènt]

  1. 1,0 1,1 1,2 (IT) I bergamaschi si sono innamorati del tram, bergamopost.it.

Olter progett[Mudifega | mudìfica 'l sorgènt]