Wikipedia:Grott

De Wikipedia
Salta a la navigazzion Và a cercà

Discusiù archivìade

Derva ona discussion noeuva

Abolizzion Grafia Moderna[modifica 'l sorgent]

Bona sira, in teoria, la Wikipedia in Lombard la gh'ha dent, in di grafie ametude, la Urtugrafia muderna, 'na grafia unipersonal in del stil fonetegh, cont un carater special. A pensi che 'l sibia mej toeulla via di standard acetad e convertì i poch articoi scrivud inscì in LOCC o in d'un oltra grafia, se 'n pensee? --Sciking (dìm tuscoss) 20:25, 27 Oto 2021 (CEST)[rispond]

Son d'acord. Tirarem a man de noeuv el discors anca per el wikizzionari, indove che la grafie moderna l'è acetada come ortografia panlombarda insema a la Noeuva Ortografia Lombarda e Scriver Lombard, ma sconsijada.--Gat lombart (ciciarade) 22:09, 28 Oto 2021 (CEST)[rispond]
Decorde anca mé a tirar-la via. Per mé al saress de far anca per ol Wikizionare... --Glz19 (ciciarade) 00:15, 30 Oto 2021 (CEST)[rispond]

Sondagg avert in sul wikizzionari[modifica 'l sorgent]

wiktionary:lmo:Wikizzionari:Sondagg/Sondagg_del_31_-_10_-_2021_-_22:18--Gat lombart (ciciarade) 23:26, 31 Oto 2021 (CET)[rispond]

wiktionary:lmo:Wikizzionari:Sondagg/Sondagg del 1 - 11 - 2021 - 12:46 --Gat lombart (ciciarade) 14:19, 1 Nov 2021 (CET)[rispond]

Noeuv dialcat[modifica 'l sorgent]

Ve segnali la me parpoeusta de fà 'n noeuv sistema de categorizazzion pussee ciar per grafia e dialet. Se 'n pensee? --Sciking (dìm tuscoss) 18:51, 29 Oto 2021 (CEST)[rispond]

Son d'acord, assosenn util, ance per ruzà a scriver quei che se vanten del so dialet; te segnali anca el sistema de classificazzion di dialet del wikizzionari, dessorapù te segnali che l'è possibil anca classificà i utenti a segonda del so dialet cont el modell "babellmo" https://lmo.wikipedia.org/wiki/Modell:Babellmo se te see bon de creà i catergorie cont el templeit. MI soo no la manera de fàll.
Gh'hoo dad on ogiada a la toa classificazzion, mi faria no la categoria Lombard de mezz perchè l'è minga ona categoria de dialet de la stassa natura, vun l'è on incros con l'emilian, alter cont el ladin ecetera; e poeu Lombard de mez l'è minga ciar se l'è che 'l voeur dì, in sul wikizzionari se ciamen "dialet de incrosadura", che a bon cunt la gh'avariss de vess ona categoria che la tira dent di element di alter categorie, per esempi l'olterpadan l'è lombard ocidental de incrosadura con l'emilian. In fra el lombard ocidental te gh'heet de sgiontà de sicur el "Vigevanes" e anca el "Novares". In quant al rest gh'he minga tanta diferenza in fra la toa classificazzion e quella del wikizzionari, lilinscì gh'è anca el vallasines e 'l trezzes, che però a inn compagn del brianzoeul, hoo vist che t'hee metud insema el "ciavenasch" cont el "Mesolcines" e te se seet desmentagat el Calanchin, inveci in sul wikizzionari el "Mesolcines" el stà cont el "Calanchin" e 'l "Ciavenasch" cont el "Valtelines", ona scerna diferenta. --Gat lombart (ciciarade) 22:22, 29 Oto 2021 (CEST)[rispond]
El noares el gh'è, hoo mitud i to proposte. Per i dialet de incrosadura, se podaria fà 'na dobia classifegazzion... --Sciking (dìm tuscoss) 23:00, 29 Oto 2021 (CEST)[rispond]
Ghe sariss on alter dialet de incrosadura, l'è quell e de la zona de Omegna, comunque ho sbajad a dit, el gh'ha minga de sens a tegnì insema l'Alt Valtelin cont el Ciavenasch, putost cont el Bregajot o deperlù. Comach e bass tesines i podearissen stà insema seconda mi siben che gh'è ona question territorial de division in fra i stat. --Gat lombart (ciciarade) 23:48, 29 Oto 2021 (CEST)[rispond]
I tesines al sann de parlà lombard, ma ghe pias nò el nòst rebellot coi grafie, dònca ghe lassaria 'na categorìa :). El ciavennasch el sarà separad, alora... --Sciking (dìm tuscoss) 18:55, 30 Oto 2021 (CEST)[rispond]
Mé sont miga trop decorde a dovrar una categorizazion insé fina... Me spiege: l'è vira qe adess la plu part dei articoi de la lmo.wiki i è fait e finids d'una persona apena, ma ind una wiki piena de utents i modifege i è stratifegade una sora a l'oltra. A marcar insé i dialets al deventeress però complicad, per qei qe i cognoss miga la varietaa dovrada per la pajina, far dei modifege. De soraplu, al res'cia de dar l'impression de framentazion esajerada de la lengua. Mé saress per lassar domà l'indicazion de la grafia (almanc per i do panlombarde). Se prope s'vœl specifegar, come "via de mez", s'pœderess tegnir i division plu grosse (it.wiki: ocidental, oriental, alpin, de mezdé) domà per una question de "coerenza" stilistega (es. mi vs , perdid vs perdud, a'm parla vs parlom, etc)... Ma anca qeste i è opinabele --Glz19 (ciciarade) 14:46, 31 Oto 2021 (CET)[rispond]

(rienter) [@ Glz19] de fat, a l'è facoltativ, e i template scrivarann "lombard" e basta, al massim i macro-categorie. La categorizazzion la serviss domà, per esempi, per marcà di vos partide in manera specifega e per permeter de regoeuj dacc util. Mi, per esempi, havevi fad un proget per l'università con la Wikipedia lombarda, e la categorizazzion fada inscì l'havaria jutad fiss. --Sciking (dìm tuscoss) 19:06, 3 Nov 2021 (CET)[rispond]

Vera l'è on problema se ghe va denter on quaivun d'alter a fà di modifiche cont el so dialet.--Gat lombart (ciciarade) 19:59, 3 Nov 2021 (CET)[rispond]
In del cas, se toeu via la classifegazzion o la se slarga. A l'è un cas rari. --Sciking (dìm tuscoss) 21:45, 3 Nov 2021 (CET)[rispond]
Se l'è possibil i templeit di dialet i gh'hann de vesser pussee curt in manera de podè cambià dialet d'on paragraf con l'alter senza ocupà trop spazzi. --Gat lombart (ciciarade) 22:08, 3 Nov 2021 (CET)[rispond]
A gh'è sgiamò el template de cambi dialet, ma el dopera nissun. A pensi che, quand che ghe sarà el problema di dialet che se mes'cen, se podarà vedé cossa fà --Sciking (dìm tuscoss) 22:41, 3 Nov 2021 (CET)[rispond]
Sive dree a scriver-l anc'pò mé. A meter i template dialet in mez ai pajine al vegn fo' doma casot (e l'è prope brœt de veder) --Glz19 (ciciarade) 22:44, 3 Nov 2021 (CET)[rispond]

Nònes e solander[modifica 'l sorgent]

Alora, in teoria, per adess, sem la Wikipedia che la gh'ha de ospità i vos in 'sti idioma del Trentin e gh'è di utent che inn interessad. L'è patent, però, che inn no lombard compagn, al soo no, di pos'ciavin e che gh'è 'na quai probabilità che, prima o poeu, sibien recognossud 'me lengov autonom.

Donca, a voeuri fà una proposta: de fà su un proget aposta per lor, insci che, se otegnen una soa Wikipedia un dì, poden spostà tusscoss a la svelta. Podarann, per capìss, scriver i so vos per esempi in d'una sotapagina tipo Wikipedia:Wikipedia in nones e solander/pagina.

Poeu, desgià che l'idea che sien di dialet lombard a l'è no inscì balossa, se gh'hann di vos che gh'è no in su la nosta enciclopedia podarann stà in sul namespace principal, fina che inn sostituide.

Se 'n pensee? --Sciking (dìm tuscoss) 22:31, 30 Oto 2021 (CEST)[rispond]

[@ Sciking] forsi l'è possibil otegnì de la wikimedia fondation cont ona domanda a phabricator di spazzi di nom de sgionta senza tirà in ball el spazzi di nom de Wikipedia. inscì te podarisset fà "Nones:Milan"--Gat lombart (ciciarade) 23:56, 30 Oto 2021 (CEST)[rispond]
Per mé al saress assee (e mei) un template dialet fait aposta per lor, tirar in pee una sota-Wikipedia al me sœmea inutilment complicad. Se ge sarà besogn de tegnir bone i vox jamò scriite, al sarà assee indar ind la so categoria per trovar-le tute --Glz19 (ciciarade) 22:39, 30 Oto 2021 (CEST)[rispond]
[@ Glz19] el problema l'è che se 'sti dialet chì a inn trop distant del lombard, num sem minga bon de capii, e 'l ven dificil segutà ona vos scrivuda de lor perchè gh'è minga la comprensibilità infra i dialet, prerogativa d'ona lengua --Gat lombart (ciciarade) 23:41, 30 Oto 2021 (CEST)[rispond]
Me par un resonament de bon sens. --Eldomm (ciciarade) 22:43, 30 Oto 2021 (CEST)[rispond]
El problema inscì a l'è che gh'è no partizzion in tra i vos. Se lor voeuren per esempi la vos in su Milan, in nones, a l'è un problema. Se podaria fà Milan/Nones, ma inscì la vos a l'è cuntada do voeulte. Con 'sto sistema chi, inveci, nissuna vos a l'è cuntada do voeulte. --Sciking (dìm tuscoss) 22:47, 30 Oto 2021 (CEST)[rispond]
La vos la gh'ha de vesser domà voeuna perchè la lengua l'è voeuna, o se tira in pee ona sota-wikipedia ma l'è ona soluzzion foeura di protocoi opur lor gh'hann de andà al ladin o tirà in pee ona wikipedia deperlor.--Gat lombart (ciciarade) 23:45, 30 Oto 2021 (CEST)[rispond]

(Rienter) la quistion a l'è che l'è no ciar se la lengua l'è vuna... --Sciking (dìm tuscoss) 15:58, 31 Oto 2021 (CET)[rispond]

Ciao Mike, ciao anca a tucc i olter amis. Alora, per come la vedi mì (l'hoo sgiamò dit foeura de chì) el nones e 'l solander a inn minga di dialet del lombard. A bon cunt, ona bona azzion se nega mai, donca a pensi che a podom andagh adree a la tò proposta del proget reservad. --Eldomm (ciciarade) 22:42, 30 Oto 2021 (CEST)[rispond]

I lengov di wikipedia a inn compartide a segonda di codes ISO de la lengua, doncà a ospità in la lengua lombarda Nones e Solander l'è ona roba foeura di protocoi, a men che vegnen considerad 'me di dialet de incrosadura, ma second mi a inn trop distant del lombard. El par che 'sti dialòet chì sien di dialet minga codificad de incrosadura in fra Ladin, Romancio e Lombard. POdarissom toeu contat anca con al wikipedia Romancia.--Gat lombart (ciciarade) 23:37, 30 Oto 2021 (CEST)[rispond]

El descor a l'è che, in teoria, el se sa nò se lor inn o men lombard. A l'è no foeura de protocoll, ma ne met in d'una situazzion un poo particolar, l'è anca vera che sem vuna di comunità "regionai" pussee grand che ghe sien in Italia e, forsi, in Europa, e che donca de sigur podom fàll senza fadìga. --Sciking (dìm tuscoss) 15:58, 31 Oto 2021 (CET)[rispond]

El wikizzionari l'è avert[modifica 'l sorgent]

El wikizzionari in lengua lombarda l'è avert; a inn averte i elezzion di aministrador e bot. I gh'hann dirit de voto domà quei che i hann sgiamò lavorad in del wikizzionari. --Gat lombart (ciciarade) 15:19, 31 Oto 2021 (CET)[rispond]

Elezioni del comitato di redazione della carta del movimento[modifica 'l sorgent]

Buongiorno a tutti,

le elezioni del comitato di redazione della carta fondamentale del movimento si sono concluse e i risultati sono stati pubblicati su Meta.

Il Team Movement Strategy and Governance ringrazia tutti coloro che hanno partecipato. --Civvi (WMF) (ciciarade) 16:54, 1 Nov 2021 (CET)[rispond]

DialCat 2: che lengua se parla?[modifica 'l sorgent]

Alora, per i noeuv template, ghe sarà de mudà el marcà de la varietà. Come ve disevi, la categorizazzion fina la servirà domà per i categorie e no per i template. Donca, pensavi de organizàlla inscì:

  1. Per i template di grafie panlombarde, se scriv (come incoeu) domà che l'è lombard
  2. Per i template di grafie locai, se catarà foeura 'n sistema de bonsens, ispirad a quell che gh'è incoeu: per esempi, per i grafie foneteghe se lassa el macro-dialet, menter che se podarà fà 'n zich pussee de distinzion per i grafie locai (per esempi la LSI, in tra i dialet del Tesin e quej del Grison o per la milanesa)

Se 'n pensee? --Sciking (dìm tuscoss) 19:16, 3 Nov 2021 (CET)[rispond]

Per mé al va ben --Glz19 (ciciarade) 22:37, 3 Nov 2021 (CET)[rispond]
[@ Sciking] Proposta: perqè scriver qe l'è in lombard per i grafie panlombarde? Qesta l'è la wiki lombarda... Lasseress domà Qest articol qì l'è scrivud cond la SL/NOL --Glz19 (ciciarade) 09:38, 5 Nov 2021 (CET)[rispond]

Registrazzion per havégh ona pagina de proeuva cont la pronuncia in del wikizzionari[modifica 'l sorgent]

(Riferiment: wiktionary:lmo:Wikizzionary:Bar#Benvenutə !) Se vorii sostegnì el proget del bot "lengua libre" gh'è bisogn prima de tut de tirà in pee ona pagina de proeuva, o ben de sgiontà ona pronuncia in d'ona pagina del wikizzionari. A gh'è bisgon che vun el registri la soa vos con la pronuncia d'ona parolla in don file de la forma lmo-parolla.ogg, lmo-parolla.wav ecc, indove scrivii la parolla inveci de parolla. El file el gh'ha de vesser caregad in su Wikimedia Commons--Gat lombart (ciciarade) 10:24, 5 Nov 2021 (CET)[rispond]

Unifegada?[modifica 'l sorgent]

A pensi che ciamà i grafie foneteghe 'me "unifegade" a l'è 'na bella barzeleta, desgià che meten insema nagot. A gh'hem de trovàgh un noeuv nom. I me proposte a inn:

  1. Fonetega
  2. Ransgiada (Desgià che 'sti grafie inn stade creade de la Wikipedia...)
  3. Anca domà "Grafia insubrega" e "Grafia oriental"

Se 'n pensee? Gh'havii di alter idee? --Sciking (dìm tuscoss) 20:52, 7 Nov 2021 (CET)[rispond]

De qell qe hoo capid la Urtugrafia insübrica ünificada l'è staita creada del jornal La Vus de l'Insübria, donca a'm g'havress de ciamar-la "Urtugrafia de La Vus de l'Insübria". Divers ol discors per qella orientala, qe l'è una creazion dei wikipedista (anca se basada in sui grafie "moderne" del bergamasc e del bressan); per qella dovreress "Ortograféa fonétega per ol lombàrt orientàl" (o "rangiàda") --Glz19 (ciciarade) 18:40, 17 Nov 2021 (CET)[rispond]

Dialet di template[modifica 'l sorgent]

Per i noeuv template di dialet, per vialter a l'è mej che sibien scrivud in d'una grafia panlombarda o in la grafia del template? --Sciking (dìm tuscoss) 13:26, 11 Nov 2021 (CET)[rispond]

Quella del templeit.--Gat lombart (ciciarade) 22:03, 11 Nov 2021 (CET)[rispond]
Anc'pò per mé --Glz19 (ciciarade) 18:42, 17 Nov 2021 (CET)[rispond]

Grafie senza storia[modifica 'l sorgent]

Per mi, besogna spostà i grafie che gh'hann no 'na storia del namespace principal a di pagine de jut, che ne definissen i regolle. De facc, di grafie compagna de quella oriental unifegada s'ij sem inventad e 'l gh'ha no tant de sens che gh'habien una vos.

Istess, i grafie cont una storia, a pensi che l'è mej partì la part storega e tecnega de quella de jut a l'utent. Se 'n pensee? --Sciking (dìm tuscoss) 21:20, 12 Nov 2021 (CET)[rispond]

L'unega grafia "inventada" restaita l'è qella orientala... Con part tecnega cossa intendet? Perqè a la fin la plu part dei vox de grafia l'è componida de la spiegazion dei cerne ortografege, se ta ge tiret vià qella, al resta poc o negot... --Glz19 (ciciarade) 19:03, 17 Nov 2021 (CET)[rispond]
De sigur una qualc vox in sui grafie (pense a esempe a qella del Ducad) la saress de sistemar, co'l jontar la part storega etc. --Glz19 (ciciarade) 19:05, 17 Nov 2021 (CET)[rispond]
Te gh'hee reson anca tì... Te gh'hee pari de fàlla ti quella del Ducad? --Sciking (dìm tuscoss) 13:43, 18 Nov 2021 (CET)[rispond]

Wikimedista Lombard de l'ann[modifica 'l sorgent]

La nòsta Wikipedia la gh'ha nò 'na tradizzion di Barnstar compagna de quella de la Wikipedia in italian, ma pensi che "per el sò lavorà per el Wikizzionari, strument assee important per la lengua lombarda e util per quej che scriven in su la Wikipedia", gh'hem de dàgh al [@ Gat lombart] el titol de Wikimedista Lombard de l'ann 2021. Se 'n pensee? --Sciking (dìm tuscoss) 02:03, 14 Nov 2021 (CET)[rispond]

A favor[modifica 'l sorgent]

Contra[modifica 'l sorgent]

  • ...
  • ...
  • ...

Coment[modifica 'l sorgent]

  • ...
  • ...
  • ...

Regolament unegh votazzion[modifica 'l sorgent]

Desgià che la comunità l'è vegnuda pussee granda, a sarìa ben meter un minim de 80 edit, de che la metà in del NS principal, e 1 mes in su la Wikipedia per tucc i votazzion che gh'hann di criteri pussee bass. L'è ciar che 'l var no per i robete o per i discussion a consens.

Se 'n pensee? --Sciking (dìm tuscoss) 17:45, 14 Nov 2021 (CET)[rispond]

Inanz de tut gh'è sgiamò on sondagg avert in sul wikizzionary che 'l'è 'dree per borlà perchè nissun el partecipa wiktionary:lmo:Wikizzionari:Sondagg/Sondagg_del_1_-_11_-_2021_-_12:46. De tute i manere el criteri a segonda del spazzi di nom l'è dificil de vesser aplicad, parlèm domà de temp e de modifiche sgenerai. Gat lombart (ciciarade) 19:44, 14 Nov 2021 (CET)[rispond]
Per mé al va ben tute do i possibilitaa (NS o adoma modifege in jeneral). Per veder i modifege ind ol NS principal g'è l'edit count, presempe qest qé l'è ol mè: [1]. Per cambiar utent, l'è assee cambiar l'ultema part del link (opur sqiçar back ind la pajina e scriver ol nom utent de circar ind la tabella qe la vegn fo') --Glz19 (ciciarade) 10:45, 17 Nov 2021 (CET)[rispond]
[@ Gat lombart] ti la te va ben con 'sto criteri? --Sciking (dìm tuscoss) 20:41, 20 Nov 2021 (CET)[rispond]
Mi desferenziariss minga infra i spazzi di nom, ma domà per fà el mester pussee sempliz, siben che 'l criteri l'è sgiust. De tucce i manere sont d'acord col criteri. --151.20.0.73 09:34, 21 Nov 2021 (CET)[rispond]
D'Acord--Gat lombart (ciciarade) 12:00, 21 Nov 2021 (CET)[rispond]

Fà su 'na pagina per i regolle aprovade[modifica 'l sorgent]

Incoeu i regolle de la Wikipedia a inn un poo un rebellot de trovà. L'è vera che inn poche, ma pensavi che 'l sarìa ben fà una pagina cont el "bolletin di regolle" de l'enciclopedia, inscì de havégh no de scavà in di varie edizzion del Grot, ciar de interpretà in concordanza coi cinch pilaster. Se 'n pensee? --Sciking (dìm tuscoss) 13:44, 18 Nov 2021 (CET)[rispond]

Al saress prope un bell mester --Glz19 (ciciarade) 16:30, 19 Nov 2021 (CET)[rispond]
Fad Fad! Wikipedia:Bolletin di regolle --Sciking (dìm tuscoss) 21:13, 19 Nov 2021 (CET)[rispond]

Noeuv DialCat e GrafCat: richiesta de consens[modifica 'l sorgent]

De 'sti dì hem sistemad un frach de roba relativa a la classifegazzion dialetal de la Wikipedia, hem tolt via la pupart di template de la veggia ministrazzion e gh'è domà 'n quaj articol (3/400) che l'è scrivud in di grafie che se poden pu doperà e che gh'hem de sistemà.

Per fornì 'sto percors, gh'hem domà de aprovà i noeuve linie guida User:Sciking/DialCat e User:Sciking/GrafCat. El ve va ben? --Sciking (dìm tuscoss) 17:24, 18 Nov 2021 (CET)[rispond]

Politega per titol e categorie[modifica 'l sorgent]

In l'ambit del renoeuvament dialetal, vorevi insubì 'na noeuva politega per i titol e i categorie:

  1. I titol gh'hann de vesser scrivud in la grafia de la vos, e se gh'hann de fà di redirect se gh'è de besogn
  2. I categorie gh'hann de vesser scrivude in d'una grafia panlombarda e domà ecezzionalment se podarann doperà di alter grafie

Se 'n pensee? --Sciking (dìm tuscoss) 20:59, 19 Nov 2021 (CET)[rispond]

D'Acord--Gat lombart (ciciarade) 22:43, 19 Nov 2021 (CET)[rispond]
Per mé al va ben --Glz19 (ciciarade) 22:49, 19 Nov 2021 (CET)[rispond]

Il futuro del sondaggio sui desideri della comunità[modifica 'l sorgent]

Magic Wand Icon 229981 Color Flipped.svg

S'ciao

Noi che organizziamo il sondaggio sui desideri della comunità vorremmo invitarti a una riunione online. Si terrà Martedì 30 November alle 18:00 Europe/Rome su Zoom e durerà un'ora. Clicca qui per partecipare.

Programma

  • Modifiche al sondaggio sui desideri della comunità 2022. Aiutaci a decidere.
  • Diventa ambasciatore del sondaggio sui desideri della comunità. Aiutaci a diffondere notizie sul tuo wiki.
  • Domande e risposte

Formato

La riunione non sarà registrata né trasmessa in streaming. Le note che prenderemo saranno pubblicate senza attribuzione su Meta-Wiki. La presentazione (tutti i punti del programma eccetto la parte delle domande e risposte) si terrà in inglese.

Saremo in grado di rispondere a domande in italiano, inglese, francese, polacco, spagnolo e tedesco. Se vuoi fare domande in anticipo, scrivile sulla pagina di discussione del sondaggio sui desideri della comunità o inviale a sgrabarczuk@wikimedia.org.

L'host della riunione sarà Natalia Rodriguez (manager del Community Tech team).

Link di invito

Speriamo che parteciperai! SGrabarczuk (WMF) (msg) 21:17, 26 Nov 2021 (CET)[rispond]