Le Frecce

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Vedrína
Vedrina
Quest articol chì l'è assee ben faa Vedrina

Le Frecce (I Fresc in lombard) a hinn ona categoria de servizzi di treni de la Trenitalia doperada dal 2008 e che dal giugn 2012 l'ha sostituii i categorij Eurostar Italia AV e Eurostar City Italia e che l'è deventada l'unich nomm doperaa de Trenitalia per i sò servizzi de ponta a longa percorrenza.

Storia[Mudifega | mudìfica 'l sorgènt]

In del 1997 a l'è introdotta la categoria Eurostar Italia 'me brand per el servizzi ad alta velocità de la Trenitalia, ma dal 2006 'sti treni a hinn pubblicizzaa semper pussee cont di alter nomm.

Dal giugn 2012 sta categorizzazion l'è offizialment scassada in favor di Fresc, a soa voeulta spartii in Frecciarossa, Frecciargento e Frecciabianca, cont l'obietiv de creà on unich sistema 'me in di alter Stat europee 'me l'InterCityExpress todesch, l'Alta Velocidad Española spagnoeula e l'Train à Grande Vitesse franzes.

Frecciarossa[Mudifega | mudìfica 'l sorgènt]

Exquisite-kfind.png Per savenn pussee, varda l'articol Frecciarossa.
On treno Frecciarossa

El servizzi Frecciarossa a l'è faa cont i ETR 1000 che viaggen a 360 km/h e cont i ETR 500 che viaggen a 300 km/h.

I Frecciarossa a hinn dotaa del Portale Frecce, ossia de l'intratteniment a bord, del Wi-Fi liber, presa de corrent per ogni post, du post per disabil e ona toalett per carrozza pussee vuna per disabij cont fasciatoj.

I Frecciarossa viaggen in sui lign a volta velocità e per di tratt brev in su di lign tradizionai 'me Rangh C e fann i tratt:

  • Turin - Milan - Reggio Emilia AV - Bologna - Fiorenza - Roma - Napoli - Salerno Centrala
  • Venezia - Padova - Bologna - Fiorenza - Roma - Napoli - Salerno Centrala
  • Trieste/Udine - Venezia - Padova - Vicenza - Verona - Bressa - Milan - Turin
  • Milan - Reggio Emilia AV - Bologna - Rimini - Ancona - Pescara - Foggia - Bari

Frecciargento[Mudifega | mudìfica 'l sorgènt]

Exquisite-kfind.png Per savenn pussee, varda l'articol Frecciargento.
Treno Frecciargento

El Frecciargento a l'è faa di treni che viaggen al massim a 250 km/h ossia i ETR 600/ETR 610 e i ETR 485.

I Frecciargento a hinn dotaa del Portale Frecce, ossia de l'intratteniment a bord, del Wi-Fi liber, presa de corrent per ogni post, du post per disabil e ona toalett per carrozza pussee vuna per disabij cont fasciatoj.

Viaggen sia in su l'alta velocità sia in sui lign tradizionai, indova hinn pussee svelt grazia al pendolament. Viaggen in sui tratt:

  • Roma - Fiorenza - Bologna - Padova - Venezia - Udine/Trieste
  • Napoli - Roma - Fiorenza - Bologna - Verona - Berghem/Bolzan
  • Roma - Caserta - Benevento - Foggia - Barletta - Bari - Brindisi - Lecce
  • Roma - Napoli Afragola - Salerno Centrale - Paola - Lamezia T. - Rosarno - Villa S.G. - Reggio Calabria
  • Roma - Fiorenza - Bologna - Modena - Carpi - Mantova
  • Roma - Firenze C.di Marte - Pisa - La Spezia - Genova
  • Roma - Bari

Frecciabianca[Mudifega | mudìfica 'l sorgènt]

Exquisite-kfind.png Per savenn pussee, varda l'articol Frecciabianca.
Frecciabianca

I Frecciabianca a hinn faa cont material ordinari E.414 che viaggen a 200 km/h e cont i ETR 460 e ETR 470 che viaggen a 250 km/h.

I Frecciargento a hinn dotaa del Wi-Fi liber, presa de corrent per ogni post, du post per disabil e ona toalett per carrozza pussee vuna per disabij cont fasciatoj.

I Frecciabianca viaggen domà in sui lign tradizionai ma permetten ai center minga servii de l'AV de 'vègh on servizzi comfortevol e de qualità e hinn in servizzi in sui lign:

  • Turin/Milan/Venezia - Costa Adriatica
  • Roma - Grosseto - Campiglia M.ma (-Piombino - Porto - Elba) - Pisa - La Spezia - Genova - Milan/Turin
  • Roma - Napoli - Salerno Centrala - Sapri - Paola - Lamezia T. - Vibo - Rosarno - Gioia Tauro - Villa S.G. - Reggio Calabria
  • Roma - Falconara M.ma - Pesaro - Rimini - Ravenna

Freccialink[Mudifega | mudìfica 'l sorgènt]

Freccialink a l'è on servizzi integraa Treno+Bus che 'l conliga cont el Bus di località turistich senza covertura ferroviaria ai stazion pussee important cont i confort tipich di Fresc comé el Wi-Fi e cont on design arent al Frecciarossa.

I conligament a hinn:

  • Siena – Firenze S. Maria Novella
  • Perugia – Firenze S. Maria Novella
  • Matera – Potenza – Salerno
  • Cremona – Bressa
  • Sorrento – Napoli
  • Piombino Marittima – Piombino – Firenze S. Maria Novella
  • Gallipoli – Lecce
  • Cortina – Venezia

Vos corelaa[Mudifega | mudìfica 'l sorgènt]