Václav Havel

De Wikipedia
Lumbard ucidental Quest articol chì l'è scrivuu in lombard, grafia milanesa.
Vedrína
Vedrina
Vedrina
Quest articol chì l'è in la Vedrina de la Wikipedia Vedrina
MgA. Václav Havel, GCB, dr. h. c. mult.

President de la Cechia
Ol durar del mandad 2 de febrar 1993 –
2 de febrar 2003
Predecessor Carega fàda su
Sucessor Václav Klaus

President de la Cecoslovacchia
Ol durar del mandad 29 dicember 1989 –
20 luj 1992
Predecessor Gustáv Husák (Marián Čalfa ad interim)
Sucessor Jan Stráský (ad interim)

Informazion jenerale
Partid politeg Forum Civich
Tendenza politega Liberalism
Firma Firma de MgA. Václav Havel, GCB, dr. h. c. mult.
«Te diventet minga on dissident inscì perchè on di te decìdet de ciappà 'sta carrera inusuala. Te set mittuu dent del tò sens de responsabilità personala, combinaa cont on insemma compless de circostanz estern»
(V.Havel)

El Václav Havel (IPA: [ˈvaːt͡slav ˈɦavɛl] scolta , Praga, 5 ottober 1936 – Hrádeček, 18 dicember 2011) a l'è staa on statista, drammatorgh e saggista cecch, ultim president de la Cecoslovacchia titolar e primm de la Cechia.

Protagonista de la Revoluzion de Velluu e de la transizion de la Cecoslovacchia vers on Stat democràtich, l'ha sostegnuu e menaa innanz di politegh de liberalism social, insemma a di idej de umanitarism, de anticonsumism, de ambientalism e a favor de la democrazia diretta.

Member fondator del Forum Civich finna al sò desligàss, l'è restaa independent finna a la mort, anca se l'ha supportaa la Lianza Civica Democratica dal 1990 al 1998 e dal 2004 a la soa mòrt l'ha sostegnuu el Partii Verd Cecch, on partii centrista, liberalista verd e europeista.

Biografia[Modifega | modifica 'l sorgent]

Gioventura[Modifega | modifica 'l sorgent]

Havel el nass in d'ona familia de intellettuaj e imprenditor. El sò bobà, Václav Maria Havel, l'éra on regista e proprietari di terrazz Barrandov e 'l sò nono de part de Božena Vavrečková, la mader, a l'éra ambassador de la Cecoslovacchia.

In del 1954 el se diploma intant che 'l fa el garzon in d'on laboratori de chìmica. Vist che l'éra dissident a l'è mìnga accettaa in di facoltà umanistich e 'l scerniss economia a l'Università Tecnega Ceca de Praga, che però el molla dòpo du agn. In del 1964 el sposa Olga Havlová, anca lee impegnada in la dissidenza.

Teater[Modifega | modifica 'l sorgent]

«Se te voeuret vedè i tò oeuver giraa in la manera che ti'j heet scrivuu, deventa President»
(Havel in del 1990)

Dòpo avè faa el servizzi militar in tra el 1957 e 'l 1959 a České Budějovice, Havel, influenzaa de l'ambient de la soa familia, el decid de andà dent in del mond teatral. El lavora prima al Teater ABC e poeu al Teater Zábradlí, intant che 'l studia art.

In del 1963 el publega Zahradni slavnost, oeuvra che 'l ghe da ampi recognossiment internazional, seguida pocch dòpo de l'ampi success Vyrozumění, mostraa in del 1968 al The Public Theater de New York. Dopo del 1968, a causa de la soa partecipazion a la primavera de Praga i sò oeuver a hinn bandii del teater cecoslovacch e 'l ghe vieten de sortì a l'ester per vedèj.

Politega[Modifega | modifica 'l sorgent]

Dissidenza[Modifega | modifica 'l sorgent]

Havel in del 1965

Dopo de la Primavera de Praga e durant de la conseguenta invasion socialista de la Cecoslovacchia Havel l'ha juttaa la Resistenza cont i sò cunt faa in su la radio libera. A l'è dònca bandii del teater e 'l deventa pussee attiv a nivell politich.

Per viv el lavora in birreria e 'l scriv Audience in su l'esperienza, vuna di oeuver cont la figura de Ferdinand Vaněk, distribuida in del Stat 'me samizdat, che l'ha renforzaa el roeul de Havel 'me leader di dissident e l'ha ispiraa di àlter scrittor a doperà Vaněk.

In del 1977 a l'è vun di esponent del moviment Charta 77, nassuu per rinforzà i diritt uman dòpo de l'arrest de la band underground ceca The Plastic People of the Universe e in del 1979 l'ha fondaa comitaa per la defesa di processaa ingiustament, che 'l se impegna a nivell nazional e internazional per i diritt de l'omm.

Per quèst a l'è staa mandaa in preson pussee de 'na voeulta. In del 1978 a l'è condanaa a 14 mes per "danneggià l'interess del Stat", cont la pena sospesa, ma poeu a l'è condanaa per sovversion e 'l sta in preson dal magg 1979 al febrar 1983, dòpo 'na fórta pression internazionala per el sò relasc e 'na forta polmonitt. L'è staa a longh sorveliaa de la polizia secreta Státní bezpečnost. L'esprienza in tra la preson, i process e la persecuzion han menaa a on poo de sagg e scricc, i pussee famos El Poder di Senza Poder, del 1978, e i Letter a Olga, dedicaa a la miee.

In del 1982 el Samuel Beckett el scriv l'oeuvra teatral Catastrophe, dedicada a l'Havel presonee politich.

Presidenza[Modifega | modifica 'l sorgent]

Cecoslovacchia[Modifega | modifica 'l sorgent]
Spilletta del 1989 in favor de Havel

Dopo di event de la Revoluzion de Velluu che menen al borlà del regimm comunista a l'è elegiuu, in del 1990, President de la Cecoslovacchia a l'unanimità de l'Assemblea Federala, ancamò in man comunista ma fortement influenzada del Marián Čalfa, avocatt slovacch e legislator del Partii Comunista convint de la necessità de 'na transizion democratica e successor 'me primm minister del Ladislav Adamec, dòpo avè insistii a longh in su la necessità de on desveggiàss civich autònom foeura di istituzion. El vincc, el midemm ann, el Premi per la Libertà de l'Internazionala liberala.

In quel ann a gh'è i primm elezion liber de 44 agn, e 'l Forum Civich, insemma al Publich Contra la Violenza, sò omolegh slovacch, el vincc e 'l permètt a Havel de restà President.

El supporta, in del 1992, l'unità de la Cecoslovacchia e, quand che la Slovacchia la deciara l'independenza, el se dimett per vèss no President in del moment de la Desligazion.

El contesta, soratutt, la mancanza de on referendum in sul tema, roba, per lu, indegna de on Stat democratich, e 'l facc che la fuss stada trattada domà 'me 'na materia tecnica senza sentì la vos di gent, che la se esprimeva nanca in di strad. L'ha però respettaa el vorè dij Parlament e l'è staa content per la manera pacifica che l'ha menaa a la separazion.

Cechia[Modifega | modifica 'l sorgent]

In del 1993 a l'è elegiuu President de la Cechia, cont men de poder rispett a prima ma cont ona fórta autorità morala, pussee fórta a l'ester che in Cechia. In tra i sò att ch'han faa controversia on'amnistia, fada per liberà i presonee politich ma che, per tanc, l'ha volzaa el crimen in del Paes, e di deciarazion contra l'espulsion di Sudett de la Cecoslovacchia.

In del 1996 la moeur la sò miee e 'l ghe troeuven on cancher al polmon. El desmett per quell de fumà. In del 1997 el se sposa cont la Dagmar Veškrnová e 'l ann dopo ghe troeuven ancamò el tumor.

A l'è vun di principai artefiz de la trasformazion de la NATO de lianza anti Patt de Varsavia a quell che l'è incoeu.

Havel in del 2010 a Národní třída per regordà la Revoluzion de Velluu

L'è rielegiuu President in del 1998. In del midemm ann el gh'ha de fà ona colostomia a Innsbruck dopo che 'l sò colon el se s'ceppa in vacanza in Austria.

In del 2003 el sò avversari de longa data Václav Klaus a l'è elegiuu President e la Margaret Thatcher la reserva on omagg special a l'Havel.

Post-presidenza[Modifega | modifica 'l sorgent]

Dopo de la soa presidenza Havel el s'è concentraa in sui diritt uman e in su la politega europea e l'ha semper avuu el respett di sò concittadin, tant de vess nominaa, in del 2005, el terz cecch pussee important de la storia, el primm de la lista a vèss in vita.

Dal 2004 a l'è deventaa on supporter del Partii Verd Cecch, e l'è restaa inscì finna a la soa mort.

L'ha poeu faa ancamò teater in del 2007, cont l'oeuvra Odcházení, publegada in del 2008. El sò lavor final a l'è staa The Pig, or Václav Havel's Hunt for a Pig. L'era member del Consili Europee de la Tolleranza e la Reconciliazion e de la Fondazion in memoria di vittim del comunism. L'ha supportaa anca l'ideja de on Parlament di Nazion Unii e l'ha fondaa ona sociazion per i diritt uman.

Mort[Modifega | modifica 'l sorgent]

Manifest "Havel per semper" in del 2014

Havel a l'è mort el 18 de dicember 2011 a 75 agn a Hrádeček, in la soa cà de campagna, 'na settemana dopo vess staa vist cont el Dalai Lama in seggia a rodell. El primm minister Petr Nečas l'ha mittuu el lutt nazional dal 21 al 23 de dicember, dì nonziaa del President Václav Klaus per i funeral del Stat. El funeral a l'è staa faa a la Cattedral de San Vito, celebraa de l'Arcivescov de Praga Dominik Duka e del vegg amis de Havel Václav Malý. In del funeral a hinn staa sbaraa 21 colp de cannon 'me salud per l'ex President, che l'è staa poeu celebraa in privaa de la familia al crematori e l'è staa mittuu al foppon Vinohrady in la soa cappella de familia. El 23 a l'è staa faa el Concert in Onor de Václav Havel.

Reazion[Modifega | modifica 'l sorgent]

Memorial el dì de la soa mort

In di or de la soa mort la pupart di leader internazionai l'ha daa el sò cordoeuj a la Cechia e la Angela Merkel l'ha ciamaa Havel "on gran europee" e Lech Wałęsa l'ha dii che boeugnaria dàgh el Premi Nobel per la Pas. El Partii Comunista de Boemia e Moravia l'ha criticaa la figura de Havel. El 5 de ottober 2012 a l'è deciduu, dopo de 'na petizion online, de ciamà l'Aeroport de Praga cont el sò nomm.

Regord[Modifega | modifica 'l sorgent]

Havel a l'è assee regordaa in Cechia e, anca, in Slovacchia. L'anniversari de la soa mort, el 18 de dicember, a l'è regordaa cont el mettés di calzon pussee curt de la misura giusta, dovuu al facc che despess l'Havel, anca in di occasion formaj, el se vestiva de besasc, senza granda cura per i scern. La città de Noeuva York l'ha proclamaa el 28 de settember, dì de San Venceslaa, 'me "Václav Havel Day".

On poo de città han aderii al progett di Havel's Place, di spazzi artistich publegh ispiraa a l'oeuvra de l'Havel e faa su de on tavolin e dò segg.

Attività teatral[Modifega | modifica 'l sorgent]

«La sincerità e l'amor deven prevarì in su la bosia e l'oeudi»
(Havel)

Havel l'ha scrivuu 22 dramma teatraj. La pupart di sò dramma a hinn ambientaa in la vita de la Cecoslovacchia, ai pres cont la dittatura, la burocrazia e la corruzion, ispiraa a la soa vita de dissident.

Vun di sò invenzion pussee important a l'è staa el ciclo de Vaněk, che l'ha ispiraa anca di alter scrittor.

La soa ideja centrala, in del teater ma anca in la vita, a l'éra el viv in la verità.

Galleria fotografica[Modifega | modifica 'l sorgent]

Oeuver de teater[Modifega | modifica 'l sorgent]

Liber[Modifega | modifica 'l sorgent]

Liber per fiolitt[Modifega | modifica 'l sorgent]

Collezion de poesia[Modifega | modifica 'l sorgent]

  • Čtyři rané básně (Quatter Poema del Mattin)
  • Záchvěvy I & II, 1954 (Quivers I & II)
  • První úpisy, 1955 (Prima cambiala)
  • Prostory a časy, 1956 (Spazzi e temp)
  • Na okraji jara (cyklus básní), 1956 (Al bord de la primavera (ciclo poetich))
  • Antikódy, 1964 (Anticodes)

Film[Modifega | modifica 'l sorgent]

  • Odcházení, 2011, ispiraa a l'omonim dramma tragicomich

Onorficenz[Modifega | modifica 'l sorgent]

Onorificenz cech[Modifega | modifica 'l sorgent]

Gran Maester e Collar de l'Orden del Leon Bianch - nastrin per uniform ordinaria Gran Maester e Collar de l'Orden del Leon Bianch
— 1994
Gran Maester e Cavaliee de I Class de l'Orden de Tomáš Garrigue Masaryk - nastrin per uniform ordinaria Gran Maester e Cavaliee de I Class de l'Orden de Tomáš Garrigue Masaryk
— 2003

Onorificenz cecoslovacch[Modifega | modifica 'l sorgent]

Cavaliee de I Class de l'Orden del Leon Bianch - nastrin per uniform ordinaria Cavaliee de I Class de l'Orden del Leon Bianch
— 1990
Cavaliee de I Class de l'Orden de Milana Rastislava Štefánika - nastrin per uniform ordinaria Cavaliee de I Class de l'Orden de Milana Rastislava Štefánika
— 1990

Onorificenz forestee[Modifega | modifica 'l sorgent]

Collar de l'Orden del liberador San Martín (Argentina) - nastrin per uniform ordinaria Collar de l'Orden del liberador San Martín (Argentina)
— 1996
Medalia per i scienze e per i art (Austria) - nastrin per uniform ordinaria Medalia per i scienze e per i art (Austria)
— 2005
Gran Collar de l'Orden Nazional de la Cros del Sud (Brasile) - nastrin per uniform ordinaria Gran Collar de l'Orden Nazional de la Cros del Sud (Brasile)
— 1990
Cavaliee de Gran Cros de l'Orden del Rio Branco (Brasile) - nastrin per uniform ordinaria Cavaliee de Gran Cros de l'Orden del Rio Branco (Brasile)
— 1996
Compagn Onorari de l'Orden del Canada (Canada) - nastrin per uniform ordinaria Compagn Onorari de l'Orden del Canada (Canada)
«Figura de riferimento intellettuale e rispettata in Europa centrale, Vaclav Havel ha esemplificato i principi che i canadesi tengono in massima considerazione. La sua fede incrollabile negli ideali democratici è stata trasmessa nei suoi drammi e saggi che hanno attirato l'attenzione internazionale alla lotta cecoslovacca. Inoltre, la sua difesa de la resistenza pacifica e la sua perseveranza sono stati fonte de ispirazione. Il primo presidente de la Republega Ceca indipendente, ha curato i preparativi per l'integrazione del suo paese nell'Unione europea e nell'Organizzazione del Trattato Nord Atlantico (NATO). Ha anche promosso el rispetto dei diritti umani e l'importanza del dialogo internazionale sulla scena mondiale.»
— nominato l'8 maggio 2003, investito el 3 marzo 2004[1]
Collar de l'Orden de la Cros de la Terra Mariana (Estonia) - nastrin per uniform ordinaria Collar de l'Orden de la Cros de la Terra Mariana (Estonia)
— 1996
Cavaliee de Gran Cros de l'Orden de la Legion d'Onor (Francia) - nastrin per uniform ordinaria Cavaliee de Gran Cros de l'Orden de la Legion d'Onor (Francia)
— 1990
Commendator de l'Ordre des Arts et des Lettres (Francia) - nastrin per uniform ordinaria Commendator de l'Ordre des Arts et des Lettres (Francia)
— 2001
Orden de San Giorg de la Vittoria (Georgia) - nastrin per uniform ordinaria Orden de San Giorg de la Vittoria (Georgia)
— 10 ottobre 2011
Class speciala de la Gran Cros de l'Orden al Merit de Germania (Germania) - nastrin per uniform ordinaria Class speciala de la Gran Cros de l'Orden al Merit de Germania (Germania)
— 2000
Collar de l'Orden de Hussein ibn' Ali (Giordania) - nastrin per uniform ordinaria Collar de l'Orden de Hussein ibn' Ali (Giordania)
— 1997
Gran Cordon de l'Orden de la Stella de Giordania (Giordania) - nastrin per uniform ordinaria Gran Cordon de l'Orden de la Stella de Giordania (Giordania)
Cavaliee de Gran Cros decoraa de Gran Cordone de l'Orden al merit de la Republega Italiana (Italia) - nastrin per uniform ordinaria Cavaliee de Gran Cros decoraa de Gran Cordone de l'Orden al merit de la Republega Italiana (Italia)
«Di iniziativa del Presidente de la Republega»
— 27 marzo 2002[2]
Commendator de Gran Cros con Collar de l'Orden di Tre Stelle (Lettonia) - nastrin per uniform ordinaria Commendator de Gran Cros con Collar de l'Orden di Tre Stelle (Lettonia)
— 1999
Cavaliee de Gran Cros de l'Orden de Vytautas el Grande (Lituania) - nastrin per uniform ordinaria Cavaliee de Gran Cros de l'Orden de Vytautas el Grande (Lituania)
— 1999
Cavaliee de l'Orden de l'Aquila Bianca (Polonia) - nastrin per uniform ordinaria Cavaliee de l'Orden de l'Aquila Bianca (Polonia)
— 18 ottobre 1993
Cavaliee de l'Orden de l'Ecce Homo (Polonia) - nastrin per uniform ordinaria Cavaliee de l'Orden de l'Ecce Homo (Polonia)
— 2006
Gran Collar de l'Orden de la Libertà (Portogallo) - nastrin per uniform ordinaria Gran Collar de l'Orden de la Libertà (Portogallo)
— 20 febbraio 1991
Cavaliee de Gran Cros de l'Orden del Bagno (Regno Unito) - nastrin per uniform ordinaria Cavaliee de Gran Cros de l'Orden del Bagno (Regno Unito)
— 1996
Member de I Class de l'Orden de la Doppia Cros Bianca (Slovacchia) - nastrin per uniform ordinaria Member de I Class de l'Orden de la Doppia Cros Bianca (Slovacchia)
— 2003
Orden de la Libertà de la Republega de Slovenia in Or (Slovenia) - nastrin per uniform ordinaria Orden de la Libertà de la Republega de Slovenia in Or (Slovenia)
— 1993
Collar de l'Orden de Isabella la Cattolica (Spagna) - nastrin per uniform ordinaria Collar de l'Orden de Isabella la Cattolica (Spagna)
— 7 luglio 1995[3]
Premi Princip di Asturie per la comunicazione e l'umanistica (Spagna) - nastrin per uniform ordinaria Premi Princip di Asturie per la comunicazione e l'umanistica (Spagna)
— 1997
Cavaliee de I Class de l'Orden de la Stella Brillanta (Taiwan) - nastrin per uniform ordinaria Cavaliee de I Class de l'Orden de la Stella Brillanta (Taiwan)
— 2004
Orden de Stat de la Republega de Turchia (Turchia) - nastrin per uniform ordinaria Orden de Stat de la Republega de Turchia (Turchia)
— 2000[4]
Orden de Jaroslav el Sagg de II Class (Ucraina) - nastrin per uniform ordinaria Orden de Jaroslav el Sagg de II Class (Ucraina)
— 2006
Cavaliee de Gran Cros con Collar de l'Orden al Merit de la Republega ungheresa (Ungheria) - nastrin per uniform ordinaria Cavaliee de Gran Cros con Collar de l'Orden al Merit de la Republega ungheresa (Ungheria)
— 2001
Medalia Presidenzial de la Libertà (Stati Uniti) - nastrin per uniform ordinaria Medalia Presidenzial de la Libertà (Stati Uniti)
— 2003
Laurea Honoris Causa - nastrin per uniform ordinaria Laurea Honoris Causa
— Institut d'études politiques de Paris (2009)

Not[Modifega | modifica 'l sorgent]

  1. (EN)Sito web del Governatore Generale del Canada: dettaglio decorato.
  2. Sito web del Quirinale: dettaglio decorato.
  3. Bollettino Ufficiale de Stat
  4. Visit of Václav Havel in Ankara - History. Precidency of Republic of Turkey, 2008-15-14. URL consultad in data 31 luglio 2013.

Riferiment[Modifega | modifica 'l sorgent]

Bibliografia[Modifega | modifica 'l sorgent]

Vos corelaa[Modifega | modifica 'l sorgent]