Kate Beckett

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
Stana Katic

La Kate Beckett (17 de november del 1979) l'è vun di personagg principai de la serie TV Castle, interpetaa da la Stana Katic. L'è 'na detective de la division omicidi de la Polizia de New York e, da granda lettriss di sò romanz, la se troeuva a collaborà cont el Richard Castle dopo avè vist on omicidi compagn de vun d'on sò romanz.

Biografia[Mudifega | mudìfica 'l sorgènt]

Donna de grand valor, l'entra in Polizia per descrovì la verità in su la mort de la mader, cas irresolt. Lilinscì la incontra el Richard Castle, dopo che 'l sindegh de New York el ciama per jutàlla a resolv on cas compagn de quell de vun in di sò liber.

Castle[Mudifega | mudìfica 'l sorgènt]

El Castle el se innamora de la Beckett, tant da avègh dedicaa el sò noeuv personagg Nikki Heat, che poeu el gh'ha on roeul determinant in d'ona puntada indova on maniach el proeuva a coppàlla per el personagg. Intant el Castle el proeuva a descovrì pussee in su la mort de la mader, cas misterios anmò vert in quell moment, che 'l gh'aveva denter di poliziott.

La mort de Montgomery[Mudifega | mudìfica 'l sorgènt]

A la fin de la terza stagion la Beckett la descovriss che 'l sò capo, Roy Montgomery, l'era coinvolt in del cas che l'ha portaa a l'omicidi de la sò mamma. Però lu per salvàlla di omen, i so vegg amis, che voeuren coppàlla el se sacrifega. Al sò funeral parla la Beckett, che però la vegn colpida de on cecchin. E lilinscì el Castle, prima casciaa via de lee, ghe deciara el sò amor e ghe domanda de restà con lu e de morì minga.

Dopo vess squasi morta de arrest del coeur, la vegn operada e salvada di medegh, ma l'ha avuu 'n amnesia e donca la recorda no la deciarazion del Castle.

Dopo tri mes senza ciamàll, la torna al Distrett, indova però gh'è ona capa assee severa, ma la sutta a indagà per di vij travers, semper cont el jutt del Castle, tornaa in Polizia grazia a la sò amicizia cont el Sindegh. Però pocch dopo dis al psicolegh de la polizia de recordàss tuscoss de quell che l'è suceduu.

El morosattà cont el Castle[Mudifega | mudìfica 'l sorgènt]

In d'on cas de furt de 'n oeuvra d'art la riva 'na perita de l'assicurazion che l'è 'na bella tosa che la intriga subit el Castle. Lee la vegn proppi gelosa, tant de provà a ostacolà la collaborazion in tra la perita e la Polizia voruda de la sò capa.

Quand che la perita, ex ladra d'art anca lee, la vegn sospettada, el Castle el gh'ha de distràlla per permett a la Beckett de pequisì la sò camera, e quand che lee la voeur andàgh con lu per fàj sortì la basa innanz a lee, che inveci de scappà el ghe vosa dré.

A la fin, quand che la perita la va via la Beckett ghe dis che 'l Castle l'ha semper creduu in la soa innocenza, ma lee la bandona el Castle e 'l ghe dis che lee la roba no i ròbb di alter, in riferiment a la sò attività de ladra, pussee etica in del robà di oeuver sequestraa, per esempi.

Dopo de 'n cas che se troeuven manetaa cont ona tigher arent, se lancen on mugg de frecciatin, e a la fin la Beckett ghe dis al Castle che la prossima voeulta el voeur fàll senza la tigher. Ciarament Castle l'era sorpres per l'affermazion de la Beckett.

Dopo avè vist in diretta a la television 'n attentaa terroristegh, el Castle, su consili de la mader, el proeuva a deciaràss cont lee, ma l'è interrott de 'n detective che l'ha trovaa 'na noeuva pista per resoeulv l'attentaa, ma dopo, longh l'interrogatori de 'n sospettaa, l'ammett innanz del Castle de regordàss tuscoss de quand che gh'hann sparaa al coeur, donca anca la sò deciarazion d'amor, e lu el scappa via del departiment de polizia, trist. In del midemm period la parla cont la dottora legal del sò departiment che 'l ghe dis che l'è strana e che la gh'ha de deciaràss anca lee, ma la voeur no per pagura de perd l'amicizia cont el Castle. Ma quand che lu el riva in Ferrari cont di donn lee la dis nagott. La refuda anca 'n appontament cont on bell poliziott ingles per lu, ma quand che 'l va con vuna di donn de la Ferrari lee la reciama l'ingles.

L'amor cont el Castle[Mudifega | mudìfica 'l sorgènt]

Grazia al jutt del psicolegh de la Polizia, la capiss che la res'cia debon de perd el Castle, che dopo ses mes de attesa el podaria avègh trovaa 'n altra strada, vist i sò noeuv frequentazion in tra i donn e i poliziott.

Quand che el Castle el va cont on poliziott violent che 'l sping on indagaa a cuntà 'na balla lee, volontariament, el ghe da di proeuv che scagionen l'imputaa e donca, grazia al sò jutt, resolven debon el cas.

In del frattemp, pocch dopo avègh squasi desmentegaa el sò tentaa omicidi, in d'on alter cas se troeuva el DNA del sò aggressor, e 'l Castle impaurii proeuva a fàgh cava via el cas, per paura che la moeur.

In del midemm period Castle el ghe confessa el sò amor e 'l facc de 'vègh tegnuu sconduu la pista perchè lu la ama, ma lee la se inversa per el facc e donca resien, e lu el ghe dis che l'è finida, perchè 'l voeur mia vidè la Kate trasà la soa vita per 'na causa.

El noeuv tentativ de sassini[Mudifega | mudìfica 'l sorgènt]

E de facc el midemm di la vegn taccada, e squasi buttada giò de 'n palazz e salvada del Castle. Sospenduda del servizzi, la se dimett de agent. E la va a cà del Castle, per dìgh che in quell moment lu l'era el sò unich pensee e che anca lee voreva lu. Donca la quarta stagion la finiss cont on basin spassionaa.

El primm dì che ciolen vegnen interrott, dopo avè consumaa, de la mader del Castle, che la voeur dì al Castle che la Alexis l'ha ciappaa la ciocca e donca la gh'ha de scappà in fretta e furia, dopo avèlla sconduda in l'armoar, e poeu vann a fà l'amor a cà de la Kate, ma vegnen interrott de 'n alter detective che voeur proteggij. E donca scomincen a indagà per capì indova l'è finii l'omm che 'l voeur coppà lee e quell che, grazia al Montgomery, l'è dré a proteggéla.

El troeuven, squasi mort, cont i document brusaa in del sò camin. Ma dopo de la recerca vegnen catturaa de l'assassin, tal Maddox, che i ha legaa in d'on palazz, ma vegnen salvaa de l'alter agent sospenduu del servizzi. La cambra poeu la s'cioppa per on sistema de protezion, che 'l coppa el sassin e 'l fà a tocchei el dossier, tocchei che poeu vegnen unii de noeuv per provà a ciappà di informazion che menen a la descoverta de 'n cunt bancari, che 'l partegnia a 'n Senator, vegg procurator de Stat a New York, e che per lor l'avaria ciappaa di tangent e che 'l voeur scond el tutt per candidàss President.

A la fin la va de 'sto senator per fà 'n accord de spantegà no i document in cambi de vess al segur, e 'l ghe fa on taj, che 'l lassarà on segn, per fàghel recordà. I sò amis pensen che lee la voeur mazzà el senator, e donca la cerchen, per calmàss quand che capissen che l'è suceduu nagott de gramm.

La frequentazion[Mudifega | mudìfica 'l sorgènt]

Scomincen a frequentass privatament, senza fàll savè ai collegh. On di che vann a 'na cà lontana del Castle, lee la se sbiotta denanz de lu ma on corp mort el finiss in la soa piscina, e la polizia local la scambia per 'na donnascia, per poeu menaj via quand che 'l Castle el voeur a tutt i cost indagà in su l'omicidi in la sò cà. El collega Ryan el descovrissen grazia a 'n testimon in comun de l'indagin, ma el scerniss de sta citto innanz ai alter polee.

Però quand che tornen descovriss che 'l Castle l'è inzigaa in d'on cas, e i sò omen i gh'ha de menàll via. Lee 'l voeur jutàll, ma i polee descovrissen cont i dacc che 'l gh'aveva 'na relazion e che 'l aveva architetaa 'n omicidi compagn de quell, e lee l'è in granda difficoltà, anca se poeu se descovriss che l'è stada 'na granda macchinazion fada de 'n vegg killer che la Polizia de New York l'ha mai trovaa. E quand che 'l vegn portaa via di fals poliziott, la se preoccupa fiss, anca se poeu la descovriss che hinn di agent del Castle e donca la va a trovàll in biblioteca, primm canton che lee l'ha manetaa lu.

A la fin troeuven i proeuv per scagionà el Castle e parten per el distrett, ma vegnen ferma de 'na vittura e poeu la gh'è stada 'na sparatoria e 'l killer la ciappa, e 'l Castle, eroicament, el ciappa l'arma de la Beckett per sparà al sassin e salvàlla.

Vos corelaa[Mudifega | mudìfica 'l sorgènt]