Strapòrt a Milan

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
Vedrína
Vedrina
Quest articol chì l'è assee ben faa Vedrina

1leftarrow.pngVos principala: Milan.

On tram, simbol per celenza del traspòrt publegh meneghin, de nòcc, sora la via Tomas Grossi. In sul sfond l l'è possibel vedè la Galeria Vittori Emanuel II.

Milan, capitala de la Lombardia, la gh'ha ona red strapòrt che la serv tuta la cittaa ma che la conliga anca cont la sò granda area metropolitana e 'l rest de la penisola.

El sistema di strapòrt publegh de la cittaa de Milan a l'è componnuu d'ona red de 4 lign metropolitan, ona longa red di tram, on servizzi feroviari suburban faa-sù de 11 lign, on estenduu servizzi feroviari regional, ona red de filobus componnuda de 4 lign, ona red de corrier estenduda per pussee de 800 km[1], on sistema autostradal componnuu da 10 tra autostrad e tangenziaj e trii aeropòrt (rispettivament el segond, el terz e 'l quart de l'Italia per numer de passegger[2]). Besògna ricordà, olter, che 'l sistema del strapòrt sora el ferr de l'area milanesa a l'è 'l primm d'Italia per estension, sia se se ciappen i red vuna per voeulta sia se se ciappen tucc insemma.

I origen de quest compless sistema tornen in sù al 1801, inquand l'Eugeni de Beauharnais ha pientaa-sù on servizzi che 'l consisteva de noeuv carròcc che podeven straportà quatter persònn ogniduna[3]. In del 1861, sòtta el Regn d'Italia, a l'è stada creada la Societaa Anonima di Omnibus[4][5] e, da quel temp, la red l'ha sugutaa a slongass, per portà poeu, dapos agn e agn de parpost, a l'avertura de la red metropolitana in del 1964 e del passant feroviari in del 1997[6][7].

La red de strapòrt a l'è gestida da vott operator: ATM, Trenord, AirPullman, Autoguidovie (cont i sotta-division Brianza Trasporti e Sudest Trasporti) , NET, STAV, PMT, Movibus e LINE[8].

Stòria[Mudifega | mudìfica 'l sorgènt]

El primm servizzi de strapòrt publegh a Milan a l'è de vess cercaa adree al 1801, operaa da carocc traa da cavaj[3]. Depos el spostament de la capitala del Regn Italian in del 1805, varii servizzi de traspòrt national e internazional a hinn staa pientaa-sù, tucc operaa cont di carocc, per Viena, Marseja e tant alter cittaa italian[3]. I strapòrt sora i navili a eren anca on mezz de strapòrt important a chel temp[3].

La prima linia de corrier a l'è stada pietada-sù in del 1827 e la conligava Milan a Lòd. La prima ferovia, per Monscia, a l'è stada inaugurada in del 1840[9].

Gestor[Mudifega | mudìfica 'l sorgènt]

Biliett magnetegh de l'ATM.

Comè gemò antizipaa, i gestor del traspòrt publegh milanes a hinn varii.

A hinn staa faa i fondament de l'Azienda Trasporti Milanesi, in sigla ATM, in del 1931, cont el nomm de Azienda Tranviaria Municipala. El se ocupa de la gestion de la red metropolitana, di tram, di filobus e del spostator de gent MeLA[10]. El gestiss, olter, la red urbana e interurbana di corrier anca ona quaj linia, dividuu in lòtt, a l'è subafittaa a divers gestor: el lòtt 1 a AirPullman[11], el lòtt 2 a Brianza Trasporti, el lòtt 3 a Nord-Est Trasporti[12], el lòtt 4 a Milano Sud-Est Trasporti, el lòtt 5 a STAV[13] e PMT e 'l lòtt 6 a Movibus[14].

Trenord, in origen Trenitalia LeNord, a l'è nassuu in del 2009, sora iniziativa de Trenitalia e di Ferovii Nord. El se ocupa de tutt el strapòrt publegh local feroviari de l'area milanesa e 'l gestiss, donca, el servizzi feroviari regional, el servizzi feroviari suburban e 'l servizzi feroviari reoportual Malpensa Express[15].

Chesta azienda, olter, insemma a l'ATM, el gestiss in on'associazion temporania de impres la linia S5 del servizzi feroviari suburban[16][17].

Quader general[Mudifega | mudìfica 'l sorgènt]

Metropolitana, spostator de gent e tram[Mudifega | mudìfica 'l sorgènt]

Metropolitana de Milan[Mudifega | mudìfica 'l sorgènt]

Mappa de la red.

La metropolitana de Milan ha scominciaa a funzionà el 1º de november 1964, cont l'avertura de la prima banda de la linia 1, depos sett agn de lavô[6]. Cinch agn dopo, in del 1969, a l'è stada dervida la linia 2[18] e in del 1990, dopo noeuv agn de lavô, la linia 3[19]. In fin, in del 2013, a la red la s'è aggiònta la linea 5[20]; la linia 4, incoeu, a l'è dree a vess fada-sù e la derverà minga prima del 2022[21].

Assa portanta de la red de strapòrt publegh de la cittaa, cont circa 1 milion e 200 mila passegger al dì e 420 milion de passegger a l'ann, la metropolitana a l'è componnuda de 4 lign per on total de 100 km e 113 stazion[22], e donca a l'è la metropolitana pussee longa e traffegada de la Lombardia e de l'Italia, intra i primm des de l'Europa e i primm trenta del mond[23]. I ligh a hinn identificaa cont on numer e on color, che 'l vegn doperaa anca in di mapp, sora i tren e per l'allestiment di stazion. Olter, la segnaletega e l'allestiment de la metropolitana, progettaa dal Franch Albini e 'l Bob Noorda, a hinn staa premiaa in del 1964 cont el premi Compass d'or[24].

La metropolitana, olter a quattà on bel tocch del territòri del comun de Milan, el se slonga anca in di comum de la cittaa metropolitana, in particolar in de la zona nòrd-est: a hinn, infatt, 22 i chilometer e 19 i stazion foeura i confin del comun de Milan[22][25]. De sòtta ona tabella che la gh'ha dent tutt i caratteristegh principaj de ògni linia:

Linia Percors Inaugurazion Longhezza Stazion Passegger al dì
Milano linea M1.svg Sest 1° Magg FSRò Fera / Bisceglie 1964 27,0 km 38 363 mila
Milano linea M2.svg Piazza Biagrass / Assagh Milanofiori ForumCologn Nord / Gessaa 1969 40,4 km 35 542 mila
Milano linea M3.svg San DonaaComasina 1990 16,6 km 21 223 mila
Milano linea M5.svg BignamiSan Sir Stadi 2013 12,9 km 19 173 mila

MeLA[Mudifega | mudìfica 'l sorgènt]

El MeLA, acronim de Metropolitana Lingera Automatega, a l'è un sistema ettometregh del tipo spostator de gent[26], realizzaa per conligaa l'ospedaa San Raffaee de Milan cont la red de strapòrt publegh de la cittaa. La linia, dervida el 12 de luj 1999[26], a l'è longa circa 600 meter e la gh'ha duu stazion: vuna pasmà l'ospedaa, l'altra arent la stazion de la Cassina Goeubba de la linia M2, a cui a l'è conligada[10]. A l'è gestida da l'ATM[10] e a l'è disegnada, anca, sora la mappa ofiziala de la metropolitana[27].

Red di tram[Mudifega | mudìfica 'l sorgènt]

Rete urbana d'incoeu.
Exquisite-kfind.png Per savenn pussee, varda l'articol red di tram de Milan.

La red di tram de Milan a l'è stada pientada-sù el 8 de luj 1876, cont l'avertura de la linia interurbana Milan-Monscia; a l'è staa però domà in del 1881 che a l'è staa dervida la prima linia urbana[28]. In del 1893, a s'è passaa da la trazion animal a chella elettrega e, in di agn depos, la red a l'è vegnuda granda, fin a rivà a la massima estension in de la prima mitaa del noeuvecent. In del segond depos-guerra, tutavia, cont anca la nassita di progett per ligne metropolitan noeuv, la red a l'è andada vers ona discesa pedega[28].

La red la se componn de 17 lign urban e vuna interurbana[29], ongiduna indicada cont on numer divers. Olter, cont on'estension totala de 170 km[30], la red milanesa a l'è la red di tram pussee longa de la Lombardia e de l'Italia.

I tram istess a hinn consideraa on simbol de Milan[31]; intra i tram, i pussee caratteristegh de la red a hinn i inscì ciamaa tipo 1928 (serie 1500) faa-sù enter el 1928 e 'l 1932 in 502 esemplari e, incoeu, in circolasion in 163 unitaa[28][32].

Lign urban[Mudifega | mudìfica 'l sorgènt]

La red di tram a l'è componnuda de 17 lign urban:

Lign interurban[Mudifega | mudìfica 'l sorgènt]

Strapòrt feroviari[Mudifega | mudìfica 'l sorgènt]

Milan a l'è on noeud important per el trafegh feroviari di passegger e di mercanzii. In de la cittaa a gh'è ona quaidona di lign feroviari principaj d'Italia: la Milan-Turin, la Milan-Venezia, la Milan-Genoa e la Milan-Bologna; a l'è, olter, el pont de partenza di duu lign alpin del Sempion e del Gottard e a l'è anca servida da duu lign a alta velocitaa, la Turin-Milan e la Milan-Bologna. A l'è important anca tutt el trafegh pendolar che 'l gira intorna a la cittaa[33].

I trii stazion pussee important de la cittaa, Milan Central, Milan Cadòrna e Milan Pòrta Garibaldi, a hinn, rispettivament, la prima, la segonda e la terza stazion pussee trafegaa de la Lombardia e a fann-sù, insiemma, on noeud feroviari de pussee de 170.000.000 passegger a l'ann[34][35].

Servizzi feroviari suburban[Mudifega | mudìfica 'l sorgènt]

La stazion de Pòrta Garibaldi, indue se incontra el maggior numer de lign suburban, 9 sora 12.
Mappa del servizzi suburban.

Milan la gh'ha on estes servizzi feroviari suburban, nassuu el 12 de desember 2004, depos l'avertura de l'oltema stazion che la mancava del passant feroviari, Pòrta Tosa[36][37]. Propri el passant chì a l'è el coeur de chest servizzi[36] si tratta, infatti, di una linea ferroviaria sotterranea, lunga 9 km e passante sotto la città da nord-ovest a est,[37]: chì a riven la maggior part di lign del servizzi e, donca, la freguenza di tren denter l'infrastrutura a l'è bassa fin a ses megnuu[38].

Ciamaa despess lign S[36][37], el servizzi el permett de conligaa i varii center urban de l'area metropolitana milanesa cont el center cittaa, inscì da permett i interscambi cont la red metropolitana e i mezz de la superficia (tram, filobus e corrier)[36][39][40].

Componnuu da 12 lign, el serv 125 stazion, el gh'ha ona longhezza totala de pussee de 400 km e 'l vegn doperaa da circa 165.000 personn al dì[40] (e donca a l'è el servizzi feroviari suburban pussee estes de tuta la Lombardia e l'Italia). A l'è gestii tutt da Trenord, fada ecezion per la linia S5, gestida in associazion temporanea di impres cont ATM[16][17]. El servizzi a l'è disegnaa, anca se in ona manera pussee sempliz, sora i mapp de la metropolitana, indue a l'è indicaa cont el color bloeu[27].

Linia Percors Inaugurazion Longhezza Stazion
Linia S1 SaronnLod 2004 55,4 km 25
Linia S2 (Marian ↔) SevesRogored 2004 34,7 km 20
Linia S3 SaronnMilan Cadorna 2004 23,6 km 13
Linia S4 CamnaghMilan Cadorna 2004 21,2 km 13
Linia S5 VaresTrevij 2004 92,6 km 31
Linia S6 NoaraLimit-Pioltell (↔ Trevij) 2004 83,5 km 25
Linia S7 LecchMilan Porta Garibaldi (via Multee) 2014 57 km 22
Linia S8 LecchMilan Porta Garibaldi (via Carnaa) 2009 49,9 km 13
Linia S9 SaronnAlbairaa-Vermezz 2004 64 km 23
Linia S11 Ciass 2008 63,9 km 18
Linia S12 Bovisa-PolitecnichMeregnan 2016 22,4 km 12
Linia S13 Bovisa-PolitecnichPavia 2011 32 km 13

Servizzi feroviari regionaj[Mudifega | mudìfica 'l sorgènt]

Milan a l'è anca al center d'on compless sistema de lign regionaj che la conlighen cont el rest de la Lombardia. I lign se desferenzien enter: "regionaj", che fermen in tutt i fermaa e 'l sò nomm a l'è cont la sigla R[41], e "regio express", che fermen domà in ona quaj stazion e 'l sò nomm a l'è cont la sigla RE[42]. A chest duu categorii si gionten, infin, i regionaj svelt, che gh'hann la sigla RV e attiv sora i lign Milan-Bologna, Milan-Genoa e Milan-Turin, che fermen domà in di stazion pussee important[41].

I lign, a ecezzion di regionaj svelt che a hinn operaa da Trenitalia, a hinn gestia, comè i lign S, da Trenord[42][43]:

Servizzi feroviari nazionaj e internazionaj[Mudifega | mudìfica 'l sorgènt]

La stazion Centrala, principal noeud feroviari milanes.

Milan a l'è conligada ben anca cont el rest de l'Italia e de l'Europa.

In Italia, Milan a l'è vun di noeud de l'alta velocitaa feroviaria, si come a l'è servii di Frecciarossa de Trenitalia e da italo. de Nuovo Trasporto Viaggiatori[44][45]. La principala stazion per l'alta velocitaa a l'è la stazion Centrala, che incoeu a l'è anca la segonda stazion pussee trafegada de l'Italia[35][46]. Olter, anca in di stazion de Pòrta Garibaldi, Rogored e Rò Fera se fermen i tren a alta velocitaa[44][45].

I principaj destin a hinn Turin, Bològna, Firenz, Romma e Napoli, insemma a Genoa, Venezia e Triest[44][47].

In camp internazional, i principaj destin a hinn Berna, Lugan, Zenevra, Zurigh, Paris, Marseja, Viena e Monach de Baviera[48]; chest perchè a gh'hinn di relazion gestii da Thello, che 'l se ocupa di conligament intra l'Italia e la Franza, i Ferovi Federai Svizzer, per i conligament cont Berna, Lugan, Zenevra e Zurigh, i Österreichische Bundesbahnen, per i conligament cont Vienna, e i Deutsche Bahn, per i conligament cont la Germania[48].

Conligament cont i reopòrt[Mudifega | mudìfica 'l sorgènt]

Milan a l'è conligada al sò principal reopòrt, el reopòrt de la Malpensa, cont on servizzi feroviari ciamaa Malpensa Express[49]. El servizzi, attivaa in del 1999 e gestii da Trenord[50], è disponibil in duu relazion: Malpensa-Milan Cadorna putost che Malpensa-Milan Central, chest'ultema cont fermada in mezz pasmà Pòrta Garibaldi; el temp de percorrenza, a segond de la relazion scernida, la va di 30 ai 45 megnuu[49].

Resguard al reopòrt de Bergom-Ore, a s'è parlaa tant de fà-sù on possibel conligament del terminal reoportual cont la red feroviaria, tutavia, al dì d'incoeu, el se fa nagott nanmò[51].

Strapòrt di reoplan[Mudifega | mudìfica 'l sorgènt]

Reopòrt[Mudifega | mudìfica 'l sorgènt]

Veduda da l'alt del reopòrt de la Malpensa.

La cittaa de Milan a l'è servida da trii reopòrt; a chest el se gionta anca el reopòrt de Bress, che 'l vegn doperaa domà per reson turistegh.

El reopòrt de la Malpensa, che 'l se troeuva in de la provincia de Vares dent el parch natural lombard de la Vall del Ticin, a l'è el scal reoportual pussee grand de la cittaa e de la Lombardia, e anca el segond reopòrt pussee trafegaa de l'Italia[2]. El se troeuva 45 km dal center de cittaa, ma a l'è conligaa da on servizzi feroviari aposta, ciamaa Malpensa Express, ativ dal 1999[50], che 'l part di stazion de Milan Cadorna putost che da la Centrala[49]. Anca ona quaj societaa de corrier fann avant e indree intra el reopòrt e 'l center de Milan. La Malpensa la gh'ha duu terminaj: el terminal 2, chell original, e 'l terminal 1, dervii in del 1998 e dotaa de trii satellit[52].

El reopòrt de Linaa, situaa in del comun de Peschera Borromee, e pussee de precis in de la frazion de Linaa, a l'è 'l segond scal reoportual de la cittaa per numer de passegger e 'l terz de l'Italia[2]. A l'è lontan domà 7 km dal center[53], e 'l se pò rivaa chì cont on servizzi de corrier e, in futur, da l'stazion cont el nòmm istess de la linia 4 de la metropolitana de Milan. El gh'ha domà on terminal.

L'reoport de Bergom-Ore, che 'l se troeuva in de la provincia de Bergom in del comun de Ore, a l'è 'l scal dedicaa a voj di compagnii aer a bon mercaa, e a l'è anca el quart reopòrt pussee trafegaa de l'Italia[2]. A l'è lontan 50 km dal center de Milan e, infatt, el vegn ciamaa d'ona quaj compagnia reopòrt de Milan-Bergom putost che reopòrt de Milan-Ore. El gh'ha domà on terminal. Chest reopòrt chì a l'è conligaa a Milan con domà di corrier, ma, in futur, el se podarà rivà chì anca con i tren[54].

Idroscaj[Mudifega | mudìfica 'l sorgènt]

Milan la gh'ha anca on idroscal che 'l se troeuva a est del center cittaa, tacaa al reopòrt de Milan-Linaa, in del comun de Segraa. Faa-sù a la fin di agn '20 e inauguraa in del 1930, inquand l'idrovolant a l'era comè on reoplan de linia che 'l fa i grand distanz, incoeu el vegn doperaa, depos el declin de l'idrovolant, comè post de attivitaa ricreativ e sportiv[55]. L'idroscal ha, infatt, ospitaa pussee d'ova voeulta i campionaa mondiaj, europee e talian de canottagg e canòa/kayak[55].

Soranomminaa, de spess, el "mar de Milan"[55], in futur, el se poderaa rivaa lì cont la stazion Linaa Reopòrt de la linia 4 de la metropolitana de Milan.

Strapòrt stradaj[Mudifega | mudìfica 'l sorgènt]

Autostrad[Mudifega | mudìfica 'l sorgènt]

Red autostradala de la cittaa metropolitana de Milan.

Per la sò posizion, Milan a l'è on important noeud stradal e autostradal, perchè a l'è el pont de raccordi de la granda trasversala padana est-ovest cont la dorsala taliana nòrd-sud. El sistema autostradal de Milan a l'è componnuu da ses autostrad: l'autostrada A1, ciamada anca autostrada del Sô, che la conliga Milan a Napoli passand a travers Bologna, Firenz e Romma. Cont ona longhezza totala de 759,4 km, a l'è l'autostrada taliana pussee longa e l'assa longitudinala principala de la red autostradala taliana; l'autostrada A4, ciamada anca cont el sò soranomm Serenissima, che la traversa da ovest a est tuta la pianura padana, da Turin a Sistiana, visin a Triest; l'autostrada A7, che la conliga Milan cont Genoa; l'autostrada A8, che la conliga Milan cont Vares; l'autostrada A9, che la conliga Milan cont Comm e 'l confin cont la Svizzera e l'autostrada A35, soprannominada BreBeMi, che la conliga Milan cont Bressa senza passà per Bergom, cont on percors che 'l se troeuva pussee a sud respett a l'autostrada A4.

A chest se giunten anca l'autostrada A36, ciamada autostrada Pedemontana Lombarda che a l'è dree a vess fada-sù, e 4 tangenziaj: l'autostrada A50 o tangenzial Ovest de Milan, l'autostrada A51 o tangenzial Est de Milan, l'autostrada A52 o tangenzial Nòrd de Milan e l'autostrada A58 o tangenzial Est Esterna de Milan (cont l'acronim TEEM).

Nonostant la longhezza de la sò red autostradala e stradala, Milan, in del 2015, a l'era la cittaa pussee trafegada in Lombardia e la quinta in Italia, dopo Palerm, Romma, Mesina e Napoli (segond la lista de TomTom), menter a l'è la pussee trafegada in Lombardia e in Italia segond la lista de Inrix[56][57]. Olter, a l'è staa stimaa che i milanes, semper in del 2015, hann passaa in coa 52 or a l'agn (cinch or de men respett al 2014).[57]

Red di corrier[Mudifega | mudìfica 'l sorgènt]

Corriera in piazzal Lorett.

La red di corrier in de la cittaa metropolitana de Milan a l'è gestida da pussee de vun gestor. Chest, che gestissen divers part del territòri o comun de la cittaa metropolitana, a hinn ATM, AirPullman, Autoguidovie (cont i sotta-division Brianza Trasporti e Sudest Trasporti) , NET, STAV, PMT, Movibus e LINE[8].

In di nòcc, di 10 or de la sira ai 2 or de la nòcc, a l'è attiv on servizzi de 14 lign, ciamaa radiobus de quarter, che 'l serviss divers quarter; i lign di quest servizzi, gestii da l'ATM a hinn indicaa cont ona lettera Q, che 'l voeur dì quarter, seguida d'on numer[58]. Quest servizzi 'l mett a disposizion per ògni nòcc vuna o pussee vittur, ògniduna che la pò moeuvess domà dent on quarter.

Dal 2011, in di nòcc, tucc i dì, a l'è attiv on alter servizzi componnuu da 17 lign che a fann el percors istess di lign pussee important del dì[59]. Chest lign a hinn indicaa cont ona lettera N seguida d'on numer; a gh'hinn anca trii lign che fann el percors istess di lign M1, M2 e M3 de la metropolitana e che a hinn denominaa NM1, NM2 e NM3[59].

Red di filobus[Mudifega | mudìfica 'l sorgènt]

Filobus in via Tonale.

La red di filobus milanesa la s'è desviluppada a partì di agn trenta, cont el pientament, in del 1933, de la linia 81 che la conligava piazza Spotorno cont piazza Derghen[60][61]. In di agn depos la red la s'è desveluppada a la svelta, fin a la prima mitaa di agn 70, inquand, depos vess rivada a la massima longhezza de 140 km, la red a l'è stada, per la maggior part, bandonada e sostituida da corrier normaj[61].

La red, che a l'è l'unega red di filobus attiva in Lombardia, a l'è componnuda de 4 lign e, cont un'estension totala de 40 km, a l'è vuna di pussee longh in Italia:[61]

Ciclism urban[Mudifega | mudìfica 'l sorgènt]

Stazion del BikeMi.

Nonostant el territòri de Milan a l'è in ona pianura, nanmò in tropp a doperen la bicicleta comè mezz de strapòrt a Milan, in particolar se confrontaa cont alter cittaa europee[62]; comonque, a hinn staa faa di grand progress in di ultem agn e la red di pist ciclabii, infatt, la suguta a cress.

A Milan a hinn present anca trii servizzi de biciclet condividuu: vun in del comun de Milan, on alter in di comun de Cernusch, Pioltell e Carugaa, e on alter in del comun de Magenta. El primm, ciamaa BikeMi, a l'è gestii da Clear Channel e ATM e a l'è stas attivaa in del 2008; el gh'ha 4.050 biciclet e 216 stazion e 'l vegn doperaa, de media, da 15.890 personn al dì[63]. A l'è attiv di 7 or de la matinna a la mezzanocc, cont di slongament de orari in ocasion de event speciaj. A gh'hinn trii tip de abbonament: giornalier, settimanal putost che mensil; olter, i primm 30 megnuu de uso a hinn gratis[64]. El segond, invece, a l'è ciamaa MeglioInBici e a l'è gestii di comun de Cernusch, Pioltell e Carugaa, che l'hann creaa insemma a la Fondazion Cariplo; el gh'ha 60 biciclet e 8 stazion. Chel servizzi chì a l'è attiv di 7 or de la matinna a i vundes or de la sira e l'unech abbonament possibel a l'è annua; la prima ora d'uso a l'è gratis[65][66]. L'ultem servizzi a l'è chell attiv in del comun de Magenta, pientaa-sù in del 2012, e che 'l se ciama C'entro in bici[67].

Macchin condividuu[Mudifega | mudìfica 'l sorgènt]

A Milan, a hinn attiv anca di servizzi de macchin condividuu gestii da vari gestor comè ACI (GirACI), Eni ("Enjoy"), Car2Go, Share ‘NGO, DriveNow ed FN (E-Vai)[68][69]; fin al 17 de november 2015, a l'era attiv anca el servizzi de Twist, incoeu sospeduu[70]. In total, a Milan, a hinn 60 mila i abbonaa e 1.500 i vittur destinaa al servizzi chì. Milan a l'è, donca, la prima cittaa in Lombardia, in Italia e in Europa per la condivision di macchin[71]. El servizzi gestii da l'ACI a l'era prima gestii da l'ATM cont el nòmm de GuidaMi[72] .

Curiositaa[Mudifega | mudìfica 'l sorgènt]

On'"anomalia" la caraterizza i us lenguistigh milanes resguard ai nòmm di mezz publegh. Infatt, el gener gramategal daa ai divers lign a l'è divers per i tram (de gener maschil) e i corrier e filobus (de gener femminil). Chesto uso el torna in sù a quand, prima del 1969, i lign di tram a eran contradestinguu da numer (e donca a eran "maschij": el 15, el 23 ecc.), menter i lign di corrier a eren contradestinguu da letter (e donca "femminij": la A, la N, ecc.). A partì dal 1969 el sistema a l'è staa mudaa e incoeu tucc i lign a hinn ciamaa cont i numer, ma el gener che l'era staa daa ai lign a l'è restaa inguaa anca inquand a l'è staa cambiaa el significant (la A a l'è deventada la 50, la N a l'è deventada la 61, ecc.): inscì a l'è nassuda chesta particolaritaa[73][74].

Nòt e alter progett[Mudifega | mudìfica 'l sorgènt]

Commons-logo.svg
Wikimedia Commons
al gh'a dent roba culegada a:
  1. Carta della mobilità 2014 (PDF), atm-mi.it, pp. 17-18. URL consultato il 10 gennaio 2015.
  2. 2,0 2,1 2,2 2,3 Statistiche 2014, assaeroporti.com. URL consultato il 9 gennaio 2015.
  3. 3,0 3,1 3,2 3,3 Storia dei Trasporti Lombardi, p. 11-16
  4. Storia dei Trasporti Lombardi, p. 31
  5. fondata il 28 giugno 1861 e approvata con Regio Decreto il 25 agosto dello stesso anno
  6. 6,0 6,1 La storia della linea 1, metropolitanamilanese.it. URL consultato il 6 gennaio 2015.
  7. «In treno dalla Bovisa a Porta Venezia». Corriere della Sera, 16 dicembre 1997. Indiriss Internet de la nutissia in data 20 gennaio 2015.
  8. 8,0 8,1 Lotti - Orari, percorsi, fermate, cittametropolitana.mi.it.
  9. Storia dei Trasporti Lombardi, p. 19-20
  10. 10,0 10,1 10,2 Metro Ospedale San Raffaele, atm-mi.it. URL consultato il 7 gennaio 2015.
  11. Chi siamo, airpullmanspa.com. URL consultato il 20 gennaio 2015.
  12. Chi siamo, nordesttrasporti.it. URL consultato il 20 gennaio 2015.
  13. STAV Spa, consorzio-cal.it. URL consultato il 20 gennaio 2015.
  14. Azienda, movibus.it. URL consultato il 20 gennaio 2015.
  15. L'azienda, trenord.it. URL consultato il 20 gennaio 2015.
  16. 16,0 16,1 Quali abbonamenti sono assegnati alla linea S5?, trasporti.regione.lombardia.it. URL consultato l'11 gennaio 2015.
  17. 17,0 17,1 Linea Ferroviaria S5, atm.it. URL consultato l'11 gennaio 2015.
  18. Linea 2, metropolitanamilanese.it. URL consultato il 18 gennaio 2015.
  19. Linea 3, metropolitanamilanese.it. URL consultato il 18 gennaio 2015.
  20. Linea 5, metropolitanamilanese.it. URL consultato il 18 gennaio 2015.
  21. Via libera alla M4, progetto ritoccato, ma l'assessore al Bilancio si dissocia (PDF), La Repubblica, 29 dicembre 2014. URL consultato il 18 gennaio 2015.
  22. 22,0 22,1 L'opera che ha fatto di Milano una grande metropoli. Le quattro linee, 111 stazioni e 100 km di sviluppo, metropolitanamilanese.it. URL consultato il 3 maggio 2015.
  23. La rete metropolitana di Milano è modesta o inadeguata rispetto alle altre d’Europa e del Mondo?, metropolitanamilanese.it. URL consultato il 18 gennaio 2015.
  24. I 50 anni della metro «Rossa» Il viaggio inaugurale, Corriere della Sera, 14 aprile 2014. URL consultato il 18 gennaio 2015.
  25. A hinn situaa foeura di confin del comun de Milan i stazion de la linia M2 situaa sora el ramm vers Cològn (Cològn Sud, Cològn Center e Cològn Nord), sora el ramm vers Gessaa (Vimodron, Cassina Burrona, Cernusch, Villa Fiorida, Cassina de Pecci, Bussor, Villa Pompea, Gorgonzoeula, Cassina Antonietta e Gessaa) e sora el ramm vers Assagh (Assagh Milanfior Nord e Assagh Milanfior Forum) e i stazion Per, Rò Fera, Sest Rondò e Sest 1º Maggio FS de la linea M1. Inquand i stazion, che incoeu a hinn dree a vess faa-sù, finirann anca Sest Restellon e Monscia Bettola de la linia M1 e la stazion Linaa Aeroport de la linia M4 se aggionterann.
  26. 26,0 26,1 Progettazione degli APM (Automated People Mover) con trazione a fune: metodologia ed applicazione ad un caso studio in Torino (PDF), asstra.it, p. 31. URL consultato il 7 gennaio 2015.
  27. 27,0 27,1 Rete metropolitana e tratte ferroviarie urbane (PDF), atm-mi.it. URL consultato il 7 gennaio 2015.
  28. 28,0 28,1 28,2 Chiara Collazuol, Milano in tram: che storia!, milanofree.it. URL consultato il 7 gennaio 2015.
  29. Sora ona di duu, la Milan-Desi, el servizzi a l'è sospes in attesa de la costrusion d'ona metrotranvia sora on percors simil.
  30. ATM Per Milano (PDF), su atm.it, p. 14. URL consultato il 24 giugno 2015.
  31. «Milano in Tram, uno dei simboli della città protagonista all'aperitivo storico sui Navigli». Il Giorno, 13 giugno 2014. Indiriss Internet de la nutissia in data 7 gennaio 2015.
  32. Stefano D'Adda, Milano, gente che ama i tram, ecodallecitta.it, 5 novembre 2013. URL consultato il 7 gennaio 2015.
  33. Rapporto Pendolaria 2012 (PDF), legambiente.it, pp. 7-8. URL consultato il 14 gennaio 2015.
  34. «Passante, due linee del metrò e alta velocità Garibaldi, stazione da 25 milioni di passeggeri». Corriere della Sera, 24 febbraio 2014. Indiriss Internet de la nutissia in data 14 gennaio 2015.
  35. 35,0 35,1 Milano Centrale, grandistazioni.it. URL consultato l'11 gennaio 2015.
  36. 36,0 36,1 36,2 36,3 «Treni ad alta frequenza sulle nuove linee «S»». Corriere della Sera, 17 maggio 2004. Indiriss Internet de la nutissia in data 11 gennaio 2015.
  37. 37,0 37,1 37,2 Il Passante di Milano e le linee S, trasporti.regione.lombardia.it. URL consultato l'11 gennaio 2015.
  38. Passante ferroviario, trenord.it. URL consultato l'11 gennaio 2015.
  39. S come Suburbano, trasporti.regione.lombardia.it. URL consultato l'11 gennaio 2015.
  40. 40,0 40,1 Le linee S, trenord.it. URL consultato l'11 gennaio 2015.
  41. 41,0 41,1 Le Linee R, trenord.it. URL consultato il 12 gennaio 2015.
  42. 42,0 42,1 Il Servizio Ferroviario Regionale, trasporti.regione.lombardia.it. URL consultato il 12 gennaio 2015.
  43. Servizio Ferroviario Regionale, trasporti.regione.lombardia.it. URL consultato il 12 gennaio 2015.
  44. 44,0 44,1 44,2 Collegamenti e servizi Frecciarossa, trenitalia.com. URL consultato l'11 gennaio 2015.
  45. 45,0 45,1 Orari e Collegamenti, italotreno.it. URL consultato l'11 gennaio 2015.
  46. Milano Centrale, milanocentrale.it. URL consultato l'11 gennaio 2015.
  47. Frecciabianca, collegamenti e servizi, trenitalia.com. URL consultato l'11 gennaio 2015.
  48. 48,0 48,1 Viaggi internazionali, trenitalia.com. URL consultato l'11 gennaio 2015.
  49. 49,0 49,1 49,2 Malpensa Express, trenord.it. URL consultato il 12 gennaio 2015.
  50. 50,0 50,1 Storia, fnmgroup.it. URL consultato il 12 gennaio 2015.
  51. Alessandro Borella. «Bergamo -Aeroporto di Orio: il treno dei desideri è in ritardo». Il Giorno. Indiriss Internet de la nutissia in data 12 gennaio 2015.
  52. «Malpensa diventa più grande: un nuovo «satellite» da 35mila mq al Terminal 1». Corriere della Sera, 10 gennaio 2013. Indiriss Internet de la nutissia in data 9 gennaio 2015.
  53. Arrivare e parcheggiare, milanolinate-airport.com. URL consultato il 9 gennaio 2015.
  54. (IT) Il viceministro Nencini: “In arrivo 86 milioni per il treno Orio-Bergamo”, bergamonews.it. URL consultato il 27 magg 2016.
  55. 55,0 55,1 55,2 Storia, idroscalo.info. URL consultato il 9 gennaio 2015.
  56. «TomTom Traffic Index-Palermo è la città più congestionata d'Italia». Quattroruote, 22 marzo 2016.
  57. 57,0 57,1 «Inrix Traffic Scorecard-Milano resta la città più congestionata d'Italia». Quattroruote, 16 marzo 2016.
  58. Radiobus di Quartiere, atm-mi.it. URL consultato il 10 gennaio 2015.
  59. 59,0 59,1 Rete notturna, atm-mi.it. URL consultato il 10 gennaio 2015.
  60. Mauro Colombo, I trasporti pubblici milanesi: dal cavallo alla metropolitana, storiadimilano.it. URL consultato il 10 gennaio 2015.
  61. 61,0 61,1 61,2 L’esperienza milanese (PDF), webcache.googleusercontent.com, p. 2-6. URL consultato il 10 gennaio 2015.
  62. Milano in bici, comune.milano.it. URL consultato il 10 gennaio 2015.
  63. Ilaria Carra. «Bici elettriche e postazioni nelle periferie: il bike sharing punta a 50mila abbonati». La Repubblica, 10 marzo 2014. Indiriss Internet de la nutissia in data 10 gennaio 2015.
  64. Tariffe, bikemi.com. URL consultato il 10 gennaio 2015.
  65. MeglioInBici, comune.cernuscosulnaviglio.it. URL consultato il 4 april 2016.
  66. MeglioInBici, /bicincitta.tobike.it. URL consultato il 4 april 2016.
  67. Progetto "C'entro in bici", servizio di bike sharing a Magenta
  68. Chi siamo, atm.it. URL consultato l'11 gennaio 2015.
  69. Car Sharing, comune.milano.it. URL consultato l'11 gennaio 2015.
  70. Perché Twist interrompe il servizio di car sharing a Milano?
  71. «Milano diventa la capitale europea del car sharing». La Stampa, 11 gennaio 2014. Indiriss Internet de la nutissia in data 10 gennaio 2015.
  72. Car sharing a Milano: Atm vende GuidaMi a Aci Global, milanotoday.it. URL consultato il 12 ottobre 2016.
  73. Su questo fenomeno, si veda V. Brugnatelli, "Su un'apparente incongruenza nell'italiano parlato a Milano", ACME 33/3 (1980), 335-337
  74. Cesare Rimini, Tram e bus, quando il 'sesso' dà i numeri - 'Il' 27 e 'la' 60. Alla ricerca del perché a Milano ci sono mezzi pubblici maschili e femminili, su Corriere della Sera, 25 gennaio 2007. URL consultato il 16 marzo 2010 (archiviato dall'url originale il ).

Bibliografia[Mudifega | mudìfica 'l sorgènt]

  • Francesco Ogliari, Franco Sapi, Dall'omnibus alla metropolitana, ovvero Pagine di vita milanese all'ombra del tram. 1861-1961, Milano, 1961.
  • Celeste Baroni, I servizi di autobus in Milano, Milano, Tip. Pirola, 1928.
  • Francesco Ogliari, Storia dei Trasporti Lombardi, vol.1 - Dall'Omnibus alla Metropolitana, Milano, Cavallotti Editori, 1976.
  • Marco Bersa, Filovie e filobus a Milano. 1933-1986, Milano, Azienda Trasporti Municipali, 1986.
  • Giovanni Cornolò, Giuseppe Severi, Tram e tranvie a Milano. 1840-1987, Milano, Azienda Trasporti Municipali, 1987.
  • Giuseppe Severi, Roberto Vasini, Autobus a Milano, Milano, Azienda Trasporti Municipali, 1988.
  • Giuseppe Severi, Roberto Vasini, Metropolitana a Milano, Milano, Azienda Trasporti Municipali, 1989.
  • Gianni Pola, Alfredo Panarese, Marco Bersa, Filovia\\ - La Filovia Milanese tra Storia e Innovazione, Milano, Azienda Trasporti Milanesi Spa, 2009.

Ligamm de foeura[Mudifega | mudìfica 'l sorgènt]