Bob Noorda

De Wikipedia
Lumbard ucidental Quest articol chì l'è scrivuu in lombard, grafia milanesa.
El scior Noorda in de la M1, che l'ha progetaa

El Bob Noorda (Amsterdam, 15 de luj del 1927Milan, 11 de genar del 2010) l'è staa on designer olandes naturalisaa italian. Dai agn '60 l'è diventaa vun di protagonista del rinnovament del design e de la grafica italiana.

Biografia[Modifega | modifica 'l sorgent]

Despoeu el servizzi militar in Indonesia (in quij agn colonia di Paes Bass), el torna ad Amstedam a la fin di agn 40, per finì de studià al Instituut voor Kunstnijverheidsonderwijs, indoa che 'l se diploma in del 1950.

El Noorda, de scoeura fonzionalista, l'ha lavoraa 'me liber professionista in de la capital olandesa, per poeu fà san Martin in Lombardia, a Milan, in del 1954.

Rivaa in de la capital lombarda, 'l s'è on poo faa on nomm, e l'ha lavoraa per la Pirelli (i reclamm), La Rinascente ('n tra el 1963 e 'l 1964) e anca l'Olivetti. A la Pirelli l'è entraa in contatt cont i designer famos Walter Ballmer, Aldo Calabresi, Max Huber, Lora Lamm, Bruno Munari, Raymond Savignac, Albe Steiner, Antonio Boggeri e Pino Tovaglia.

In del 1964 l'ha lavoraa a la Metropolitana Milanesa, iningurada in del november del 1964. L'ha lavoraa a la segnaletega e all'allestiment general, e per quell l'ha vengiuu el Compass d'Or. Despoeu l'ha progettaa anca la Metropolitana de New York e poeu quella de San Paol.

L'ha poeu disegnaa, insemma al Pino Tovaglia, al Bruno Munari e al Roberto Sambonet, el stemma de la Region Lombardia, doperà ncamò incoeu 'me Bandiera mia offiziala de la Lombardia.