Autostrada

De Wikipedia
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
Autostrada in Germania

L'autostrada a l'è ona strada fada per favorì i grand fluss de comunicazion veicolar a volta velocità. La prima autostrada al mond a l'è stada la Autostrada di Lagh, in Lombardia.

Ogni Stat el gh'ha i sò legg in materia, però tipicament in autostrada a gh'è el diviett de circolazion a pedon e veicoli a bassa velocità, separazion in tra i carregiaa e on numer de corsij volt, almen 2 o 3.

Definizion[Mudifega | mudìfica 'l sorgènt]

Per la Convenzion de Vienna in sul Traffich Veicolar del 1968, ratificada de la pupart di Stat, on'autostrada a l'è ona strada fada per el traffich di auto, cont ona division in tra i carregiaa, senza incros a ras con alter strad, ferrovij o tramvij e segnalada come autostrada.

Limit de velocità[Mudifega | mudìfica 'l sorgènt]

Limit in autostrada per Stat

Ogni Stat el scerniss i sò limit in autostrada.

Tipicament a l'è intorna ai 100 km/h, o pocch pussee.

L'Italia, la Franza, la Danimarca, la Cechia, la Slovacchia, l'Ongheria e la Grecia i gh'ha on limit de 130 km/h.

Spagna, Portogall, Finlandia, Irlanda e Turchia i gh'ha on limit de 130 km/h.

La pupart di alter Stat la gh'ha 110 km/h 'me limit, foeura di Autobahn todesch, senza limit.

Pagament[Mudifega | mudìfica 'l sorgènt]

Barriera italiana de pagament

La pupart di autostrad a l'è a pagament, e gh'è pussee maner de pagàll.

On quaj Stat el gh'ha ona tariffa fissa per doperà i autostrad, e se dopera la vignetta autostradala per pagàlla: Per esempi in Ongheria e Svizzera a l'è inscì.

In d'on quaj alter el prezz a l'è in bas al percors, e gh'è di barrier per pagàlla, a man o cont di sistema digitai: inscì a l'è per esempi in Italia.

Vos correlaa[Mudifega | mudìfica 'l sorgènt]