Porta Garibaldi (Milan)

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
Porta Garibaldi al dì d'incoeu (vista de cors Comm, foeura di Bastion)

Porta Garibaldi, giamò cognossuda 'me Porta Comasina (istess in Italian) l'è vuna di ses port principai de Milan.
La se troeuva in sui Bastion, a nord-ovest del centro, in su la strada che la menava a Comm (de quell lavorà chì el ghe vegn el nomm de Comasina, che 'l voeur dì "comasca").
Fada sui in del XVI secol, l'è stada fada su amò in tra el 1826 e 'l 1828 de l'architett Giacomo Moraglia, cont on stil neoclassegh e duu casett di dazzi ai lati. A nord-ovest la gh'è Porta Volta, a est inveci Porta Noeuva.
Duranta el Resorgiment, la gh'ha 'vuu on roeul de protagonista: in del Quarantott l'è stada vuna di primm port a vess conquistaa duranta i Cinch Giornad de Milan; in del 1859 l'è stada la porta indè che l'è passaa Giuseppe Garibaldi quand che l'è rivaa a Milan, dopp d'avè vinciuu a Vares e San Fermo. Per 'sta reson, gh'è staa cambiaa el nomm in Porta Garibaldi.
Al dì d'incoeu l'è vuna di poch port milanes a vess restaa in pee.

Vos corelaa[Modifega | mudìfica 'l sorgènt]