Và al contegnud

Red interurbana di tram de Milan

De Wikipedia
Lumbard ucidental Quest articol chì l'è scrivuu in lombard, grafia milanesa.
Tram Milan-Desi al Milanin.

El nom red interurbana di tram de Milan el se referiss a tutt i lign de tram interurban che in passaa conligaven la cittaa de Milan cont i paes pussee lontan de la sò provincia e cont ona quai cittaa vesina.

Diferentement di alter provinz lombard e piemontes, la costruzion di chesta red chì la gh'ha seguitaa minga on pian deciduu da la Provincia: la red a l'è vegnuda-sù perchè di privaa ottegniven i concession a i Deputazion provinciaj compettent. Per i primm agn de attivitaa, i lign a hinn staa esercitaa di vari societaa fin a la fin di agn trenta inquand, ecettuaa ona queigheduna, l'esercizzi di lign interurban che funzionaven anmò a l'è passaa a l'ATM de Milan.

Depos ona fila de desmission avegnii intra i agn sessanta e 'l prenzipi di agn vottanta e depos la sospension, in del 2011, del servizzi de la tramvia Milan-Desi, de la veccia red la gh'e restada domà la tramvia Milan-Limbiaa.

Struttura de la red[Modifega | modifica 'l sorgent]

Tranvii costruii da la ‘’Societaa Anonima di Omnibus’’ (SAO), poeu esercitaa da la Edison, poeu anmò da la ‘’Societaa Trazion Eletrica Lombarda’’ (STEL) e a la fin da l’ATM:

Lign di ‘’Tramvii Interprovinciaj Padan’’ (TIP), poeu gestii da la STEL e da ATM:

Alter tranvii:

La cittaa de Milan la gh'ha anca ona red de tram urbana. Sora el territòri provincial a gh’eren alter lign di tram. Monscia la gh’aveva ona red interurbana di per lee formada da lign che la conllgaven (in period divers) a Cusan, Caraa, Trezz e Bergom, Cantuu e Voggion. Lòd a l’era servida da lign di tram che rivaven da Bergom e da Soncin, esercitaa da la TIP. Poeu pasma Sant Angiol se incrociavan trii lign de tram: vuna che la rivava da Meregnan, derivazion de la Milan – Lòd, vuna che conligava l’andava a Pavia e vuna dirigiuda a Lòd.

Bibliografia[Modifega | modifica 'l sorgent]

  • Giovanni Cornolò, Fuori porta in tram. Le Tranvie extraurbane milanesi 1876-1980, Parma, Ermanno Albertelli Editore, 1980. (ISBN miga dispunìbil)

Vos ligaa[Modifega | modifica 'l sorgent]

Alter progett[Modifega | modifica 'l sorgent]