Metropolitan in Lombardia
In del diritt italian, la metropolitana a l'è on'infrastruttura de strapòrt publigh che 'l gh'ha de respond ai requisitt de la nòrma UNI 8379; in Lombardia domà la cittaa de Milan la gh'ha di lign faa-sù comè se dis inde la legg chì.
A Bressa e anca per i lign pussee noeuv de Milan, a s'è deciduu de doperà on sistema de metropolitana lingera.
Alter cittaa lombard e i cittaa citaa de sora gh'hann, o gh'hann in progett de fà-sù, lign de strapòrt ferroviari a carater metropolitan putost che metrotranviari, pu o men simij ai metropolitan. On esempi a l'è 'l tram Bergom-Albin.
Stòria
[Modifega | modifica 'l sorgent]
In del 1964, depos i cittaa de Romma e de Napoli, anca Milan la ved nass la sò prima linia metropolitana, la rossa, e, subet depos, indel 1969, anca la segonda linia, la verda.
In del 1990, l'ann inquand in Italia a hinn staa gioeugaa i mondiaj de calz la vegn inaugurada la linia gialda de Milan.
In del 2013, a Milan la vegn inaugurada la linia M5 (intra i stazion de la via Bignami e del vial Zara[1]. A Bressa, la metropolitana a l'è stada inaugurada el 2 marz.
In del 2022 la derva la linia M4 de Milan, Intra i stazion de Linaa Reoport e Dateo.
Metropòlitan de tipo classigh
[Modifega | modifica 'l sorgent]| Cittaa | Longhezza | Lign | Stazion | Avertura | Vos |
|---|---|---|---|---|---|
| Milan | 84 km | 3 | 94 | 1964 | Metropolitana de Milan |
Milan
[Modifega | modifica 'l sorgent]
La metropolitana de Milan ha scominciaa i sò servizzi in del 1964 e incoeu, cont cinch lign ciamaa M1, M2, M3, M4 e M5 (anca se la M4, la bloeua, e la M5, la lilla, hinn metropolitan linger), a l'è la pussee longa de la Lombardia e de l'Italia.
La longhezza de la red di metropolitan "pesant" a l'è de pussee de 80 km la maggior part diquaj a hinn sota-terra. El rest a hinn sora-elevaa, in trincera putost che in su la superficia. El numer total di stazion a l'è 94, 19 diquaj a hinn foeura del comun de Milan.
I trii lign a hinn comunement ciamaa cont i color che i identifichen: "rossa" (M1), "verda" (M2) e "gialda" (M3). El color a l'è doperaa in di mapp, in di treni e denter i stazion.
Metropolitan de tipo linger
[Modifega | modifica 'l sorgent]| Cittaa | Longhezza | Stazion | Avertura | Vos |
|---|---|---|---|---|
| Milan | 12,9 km | 19 | 2013 | Metropolitana de Milan, M5 |
| Milan | 15 km | 21 | 2022 | Metropolitana de Milan, M4 |
| Bressa | 13,7 km | 17 | 2013 | Metropolitana de Bressa |
Milan
[Modifega | modifica 'l sorgent]
In del sistema de la metropolitana di Milano la linia 5 a l'è ona linia metropolitana lingera dervida per on tocch de 4,1 km in del 2013. In del 2014 la vegn inaugurada on'altra banda per ona longhezza totala de 6,1 km, menter la banda de la linia M5 da Garibaldi a San Sir Stadi a l'è stada finida in del 2015, inscì che l'è rivada a avegh ona longhezza 12,9 km.
Poeu, in del 2022, l'è rivada la linia 4, lingera anca lee, dervida per on tocch, da Linaa Reoport a Dateo. In del 2023 la vegn inaugurada on'altra banda da Dateo a San Babila, menter la banda de la linia M4 da chi a San Cristofen a l'è stada finida in del 2024, inscì che l'è rivada a avegh ona longhezza de 15 km.
Bressa
[Modifega | modifica 'l sorgent]
A Bressa, el 2 de marz 2013, a l'è intrada in lavô ona metropolitana lingera che la va a-travers tota la cittaa da sud-est a nòrd.
Metropolitan in costruzion
[Modifega | modifica 'l sorgent]A Milan l'è dree a vess costruii on slongament de la linia M1 vers la Bettola.
Parpoeust
[Modifega | modifica 'l sorgent]El s'è parlà anca di olter dò slongament: vun de la a M1 a Bagg, probabilment cont dò stazion, e vun de la M5 a Monscia.