Segnaletega e allestiment de la Metropolitana de Milan

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
La stazion de Amendola-Fiera in del 1964

La segnaletega e allestiment de la Metropolitana de Milan, in italian segnaletica e allestimento della metropolitana milanese l'è 'n oeuvra de comunicazion visiva realizzada del Bob Noorda e del Franco Albini per dà on'identità precisa a la metropolitana milanesa.

L'è progettada per dà pussee informazion che la pò dà ai viaggiator, e per dà on'immagen coordinada a la linia di trasport milanesa.

El progett l'ha daa, in del 1964, ai scior Noorda e Albini, e all'azienda MM, el Premi Compass d'Or, e i studi e i sbozz hinn anmò espost in di musee de tutt el mond.

Origin del Progett[Mudifega | mudìfica 'l sorgènt]

La stazion de Cordusi con la banda rindondanta.

In del 1963, l'Albini l'ha parpognuu al Noorda de collaborà a la creazion de la M1, la linea rossa de Milan. L'è anmò on esempi pionieristegh de sistema unificaa de element architettonegh, grafegh e d'arredament.

La coerenza l'è dovuda anca a la collaborazion, forta e avuuda fin de subit, tra i dò progettista che, per el Noorda, l'ha consentii de avegh on progett innovativ sia in del disegn, sia in de la collaborazion.

Sta de fatt che el sò lavoraa l'è diventaa famos in tutt el mond, e doperà 'me esempi per ona motta de metropolitan de tutt el mond. Ha daa anca importanza al Noorda, cataa foeura per disegnà la segnaletega di metropolitan de Noeuva York e de San Paol del Brasil.

Stil[Mudifega | mudìfica 'l sorgènt]

Fermada Amendola

Fin dal inizzi, la M1 l'è stada caratterizada dal color ross, e poeu anca i olter lign han avuu on color proppi. Quell color lì l'è staa doperaa per i cartej e per i treni. La precision del Albini l'è stafa 'n poo el "fil conduttor" del progett: Sò hinn i corriman, el paviment negher e i orelogg.

I segnal hinn assee innovativ, e gh'han el nom de la fermada ripetuu, per fà che i passegger poeuden legg anca quand el treno l'è dré a movess.

El caratter[Mudifega | mudìfica 'l sorgènt]

Per la Metropolitana l'è staa dopera on noeuv caratter inventaaa e disegnaa a man dal Bob Noorda, che l'è ona version modifegada del Helvetica, ma con manch curv e i lign pussee bass, per avegh ona leggibilità pussee volta.

Ligamm de foeura[Mudifega | mudìfica 'l sorgènt]