Linaa

De Wikipedia
Lumbard ucidental Quest articol chì l'è scrivuu in lombard, grafia milanesa.

Linaa (Linate) a l'è ona frazion del comun milanes de Pes'cera Borromee.

Stòria[Modifega | modifica 'l sorgent]

Linaa, borgh agricol de origin antiga, on temp l'era dividuu in Linaa de Sora e Linaa de Sòtta. El paes el faseva part de la Piev de Mezzaa.
In del period napoleònigh (1808-1816), el comun l'è staa unii a quell de Milan: dòpo che i Austriach hinn tornaa in Lombardia, Linaa l'ha trovaa de noeuv l'autonomia, che però l'è finida del tutt in del 1841, con l'union al comun de Mezzaa.
In del 1916 la sede del comun l'è stada spostada de Mezzaa a Linaa, che l'ha taccaa a ciamàss Linaa al Lamber. A l'inizzi del XX secol Linaa de Sora l'è stada scancellada per fà pòst al primm aereopòrt de Milan.
In del 1933 Linaa l'è stada unida al comun de Pes'cera. Al dì d'incoeu Linaa, a causa de l'aereopòrt, l'è separada del rest del comun: el center abitaa inveci l'è taccaa al quarter Pont Lamber de Milan.

Vos correlaa[Modifega | modifica 'l sorgent]