Trenitalia

Quest articol chì l'è scrivuu in lombard, grafia milanesa.

Trenitalia a l'è la società de straport ferroviari di Ferrovij del Stat Italian. L'è l'azienda pussee importanta di straport passegee in Italia. L'è posseduda al 100% del Governo italian e l'è fioeula de la legg europea in su la deregolamentazion di ferrovij.

Storia

A l'è stada fada su per respettà ona norma europea che la proibiss al midemm gestor de gestì la red e 'l straport, e donca el Stat Italian, in del 2000, l'ha spartii i Ferrovij del Stat Italian in Trenitalia e in Red Ferroviaria Italiana. In pratica la division a l'è domà formal, perchè i Ferrovij del Stat Italian che possieden sia Trenitalia sia RFI, a hinn in man al governo.

Straport passegee

Servizzi regionai

I treni regionai a hinn quej treni che conlighen i città de 'na Region o di region arent. A hinn gestii principalment de la Trenitalia in tutta Italia foeura che in Lombardia, indova che gh'è la Trenord, società per mità de la Trenitalia. A gh'è anca i regionai velos, che fermen no in di stazion men important.

I biliett di treni regionai a hinn no ligaa a 'n treno specifich ma a la tratta, e i gh'ha de vess validaa cont la validatora de la stazion o in sul treno. Pòden no vess prenotaa e ciappài online el mena a nissuna reduzion del prezzi.

Servizzi longa distanza

Per savenn pussee, varda l'articol Le Frecce.

A gh'è trè servizzi a longa distanza:

Frecciarossa e Frecciargento, a volta velocità
Frecciabianca, treni a velocità normal ma a volt comfort
I InterCity, a velocità normal

I InterCity connetten i città pussee grand e passen anca per quej medij, e gh'è anca la version notturna e l'Eurocity che 'l conliga l'Italia cont l'ester.

La linia a volta velocità a l'è longa circa 1000 km e l'è gestida di elettrotreni e treni faa apposta.

I treni di Le Frecce a hinn a mercaa, ossia el sò guadagn a l'è tutt dovuu del prezzi di biliett, foeura che per quej situazion indova che 'na Region la scerniss de finanzià el rivà di Fresc in dèl sò territori, inveci i InterCity a hinn sussidiaa del Stat e hinn consideraa servizzi universal.

Servizzi internazional

Trenitalia la gestiss e l'ha gestii anca di servizzi de straport internazional:

TiLo, servizzi regional in tra el Tesin e la Lombardia, incoeu la quota italiana a l'è de la Trenord.
Thellō, società che la conliga la Franza a l'Italia, principalment Paris a Venezia e Milan a Marseja.
Tucc i tratt italian di treni Italia-Svizzera

Foeura de l'Italia

First Trenitalia, consorzi cont la First Rail che 'l lavora in del Regn Unii, che l'ha otegnuu la linia de la costa ovest
TX Logistik, operator merci todesch, al 100% de la Trenitalia
TrainOSE, operator nazional grecch, al 100% de la Trenitalia

Material rotabil

Incoeu

Storich

Per material rotabil storich Trenitalia intendom sia el material di FS passegee sia quell de la Trenitalia.

Locomotiv elettrich
- Locomotiva FS E.491
- Locomotiva FS E.454
Locomotiv diesel
- Locomotiva FS D.461
Locomotiv a vapor

Riferiment

Vos correlaa

Alter progett

Wikimedia Commons el gh'ha dent imagin o alter archivi su Trenitalia