Servizzi ferroviari suburban de Milan
| Servizzi ferroviari suburban de Milan | |
|---|---|
| |
_II.jpg)
| |
| Tipolojia | Servizzi ferroviari suburban |
| Stats | Itàlia, Sguizzera |
| Territore | Lombardia, Piemont, Canton Tesin |
| Part de | Strapòrt a Milan e trasporto ferroviario in Lombardia |
| Linie | Linea S1, Linea S2, Linea S3, Linea S4, linea S5, linea S6, linea S7, linea S8, linea S9, Linea S11, linea S12 e Linea S13 |
| Operador | Trenord |
| N. stazion e fermade | 124 |
| Lungeza | 403 km |
| Passajer | 230 000 per dé 83 950 000 l'ann |
.svg)
| |
| istruzion | |
El servizzi ferroviari suburban de Milan a l'è on sistema de strapòrt publegh local de l'area metropolitana milanes. Al settember del 2016 a l'era componnuu de 12 lign, 11 gestii da Trenord (prima ciamaa Trenitalia-LeNord) e vona gestida da on'associazion temporanea de impres (ATI) fada-sù da Trenord e l'Azienda Trasporti Milanesi (ATM).
La red la conliga i center de l'area metropolitana e la cittaa de Milan indoe a gh'hinn interscambi cont i treni a media e longa percorrenza, la metropolitana e i lign urban de l'ATM.
El center del servizzi a l'è 'l passant ferroviari, ona galeria che la traversa la cittaa da nord-ovest a est, indoe a passen i "lign S" cont ona freguenza de ses menut. El passant el g'ha el compit de distribuì i passegger in su tuta la red metropolitana e i lign che a hinn insu la superficia.
La stazion cont el pussee grand numer de lign, indue se poden fà pussee scambi de lign a l'è la stazion de Milan Porta Garibaldi: chì a passen vott di vundes lign del servizzi.
I orari a hinn tucc cadenzaa e simmetrigh.
Red
[Modifega | modifica 'l sorgent]La red suburbana a l'è componnuda de 12 lign:
| Linia | Percors | Inaugurazion | Ultem slongament | Longhezza | Stazion | Gestor |
|---|---|---|---|---|---|---|
 |
Saronn ↔ Lod | 2004 | 2010 | 55,4 km | 25 | Trenord |
 |
(Marian ↔) Seves ↔ Rogored | 2004 | 2015 | - | 20 | Trenord |
 |
Saronn ↔ Milan Cadorna | 2004 | - | 23,6 km | 13 | Trenord |
 |
Camnagh ↔ Milan Cadorna | 2004 | 2006 | 21,2 km | 13 | Trenord |
 |
Vares ↔ Trevij | 2004 | 2009 | 92,6 km | 31 | ATI Trenord-ATM |
 |
Noara ↔ Limit-Pioltell (↔ Trevij) | 2004 | 2009 | 83,5 km | 25 | Trenord |
 |
Lecch ↔ Milan Porta Garibaldi (via Multee) | 2014 | 2014 | 57 km | 22 | Trenord |
 |
Lecch ↔ Milan Porta Garibaldi (via Carnaa) | 2009 | 2009 | 49,9 km | 13 | Trenord |
 |
Saronn ↔ Albairaa-Vermezz | 2004 | 2022 | 64,0 km | 24 | Trenord |
 |
Ciass ↔ Rò | 2008 | 2015 | 63,9 km | 18 | Trenord |
 |
Cormano-Cusano Milanino ↔ Melegnano | 2016 | 2024 | 22,4 km | 15 | Trenord |
 |
Garbagnate Milanese ↔ Bovisa-Politecnich ↔ Pavia | 2011 | 2024 | 39,0 km | 19 | Trenord |
Linia S1
[Modifega | modifica 'l sorgent]
La linia S1 del servizzi ferroviari suburban de Milan la conliga Saronn a Lod, a travers la cittaa de Milan dent el Passant ferroviari de Milan. El servizzi el vegn efettuaa da Trenord. I treni de la linia S1 a hinn regolaa a freguenza de mezz'ora, e entermettuu indel tocch da Saronn a la Bovisa cont i treni de la S3.[1]
Linia S2
[Modifega | modifica 'l sorgent]La linia S2 la conliga Seves a Rogored, percorend on tocch de la ferrovia Milan-Ass e a travers la cittaa de Milan dent el passant ferroviari de Milan. Domà duu tren, in di or de ponta de la matinna, a gh'hann comè capo-linia de partenza la stazion de Marian. I treni de la linia S2 a hinn regolaa a freguenza de mezz'ora (esclus la matinna, foeura di or de ponta), e entermettuu indel tocch da Seves a la Bovisa cont i treni de la S4, inscì da avegh quater tren per ora. El servizzi a l'è efettuaa domà in di dì de lavô, esclus el sabet; la sira el servizzi a l'è sostituì da i lign S1, S4 e S13[2]
Linia S3
[Modifega | modifica 'l sorgent]La linia S3 la conliga Saronn a Piazzal Cadorna, percorend la ferrovia Milan-Saronn, che a l'è la pussee vegia de tuta la red di Ferovii Nord Milan. I treni de la linia S3 a hinn regolaa a freguenza de mezz'ora, e entermettuu indel tocch da Saronn a la Bovisa cont i treni de la S1, inscì da avegh quater tren per ora. La sira la linia chì la sostituiss la S1 insula banda istessa.[1]
Linia S4
[Modifega | modifica 'l sorgent]La linia S4 la conliga Camnagh-Lentaa a Piazzal Cadorna, percorend on tocch de ferrovia Milan-Ass de Ferrovienord. I treni de la linia S4 a hinn regolaa a freguenza de mezz'ora, e entermettuu indel tocch da Seves a la Bovisa cont i treni de la S2, inscì da avegh quater tren per ora. La sira la linia chì la sostituiss la S2 insula banda istessa.[2]
Linia S5
[Modifega | modifica 'l sorgent]La linia S5 la conliga Vares a Trevij a travers la cittaa de Milan. I convoj percorend el passant ferroviari de Milan e i ferovi Pòrto Ceresi-Milan e Milano-Trevij. Dal 2008 la linia a l'è gestida d'ona ATI fada-sù da Trenord e ATM[3]. Indela banda Rò - Trevij i servizzi a hinn entermettuu a chei de la linia S6, inscì da avegh quater tren per ora.[4]
Linia S6
[Modifega | modifica 'l sorgent]La linia S6 la conliga la stazione de Noara a chella de Trevij. El servizzi a l'è efettuaa da convoj Trenord che percoren la ferrovia Torin-Milan, el passant ferroviari de Milan e la ferrovia Milan-Venezia. El servizzi el finiss indela stazion de Trevij domà indel'ora de ponta, menter foeura di chì orari chì i treni a vengnen fermaa a Pioltell-Limed.[4] Indela banda Rò - Trevij i servizzi a hinn entermettuu a chei de la linia S6, inscì da avegh quater tren per ora.[4]
Linia S7
[Modifega | modifica 'l sorgent]La linia S7, fada comenzà dal 14 desember 2014,[5] la conliga la stazion de Lecch a chella de Milan Porta Garibaldi a travers Moltee con ona via desferenziada da la linia S8 che la fà el servizzi intra i cap-linia istess. La percor la linia Monscia-Moltee e on tocch de la linia Comm-Lecch. La S7 a l'è, a bon cunt, el potenziament del servizzi regional Milan-Moltee-Lecch che 'l gh'era prima, estes anca indi dì de festa cont on orari regolaa a ogn'ora.[6] I servizzi a g'hann freguenza de on'ora, cont on quaj rinforz a la mezz'ora on quaj period de ponta.[7]
Indel marz 2015 a l'è stada progetada la costrusion de la noeuva fermada Monscia Est Parch - che la sarà a circa mezza strada intra i stazion de Monscia Sobborghi e La Santa - che a l'è preveduu che la sarà dervida per el 2016.[8]
Linia S8
[Modifega | modifica 'l sorgent]La linia S8 la conliga la stazion de Lecch a chella de Milan Porta Garibaldi percorend la linia Milan-Carnaa-Lecch. I servizzi a g'hann cadenza oraria foeura di or de ponta de la matinna e de mezz'ora indel rest de la giornada.[9]
Linia S9
[Modifega | modifica 'l sorgent]La linia S9 la conliga Saronn a Albairaa. A l'è stada, in vorden de temp, la prima linia suburbana a intrà minga indel passant ferroviari. I convoj a percoren i lign Saronn-Seregn, Ciass-Milan, la linia de cintura milanes, la cintura sud e la linia Milan-Mortara. Grazie a l'istituzion de la linia S9, la cintura sud a l'è tornada, depos 10 agn, a vess anmò servida di treni in servizzi local.[10] La S9 la se entermett a la S11 intra i stazion de Seregn e Grech Pirelli, inscì da avegh on tren ogni quindes menut fin ai vott or de la sira.[11]
Linia S11
[Modifega | modifica 'l sorgent]La linia S11 la conliga la stazion de Ciass a chella de Rò, percorend la ferrovia Milan-Ciass, a travers i cittaa de Comm, Seregn, Monscia e Milan. La S9 la se entermett a la S11 intra i stazion de Seregn e Grech Pirelli, inscì da avegh on tren ogni quindes menut fin ai vott or de la sira.[12] La linia S11 a l'è stada slongada el 26 april 2015 da Milan Porta Garibaldi a Rò in ocasion de l'inizzi de Expo 2015.[13] Dal primm de noember, a la fin de la manifestazion, in di dì de lavô, esclus el sabet, la suguterà a andà fin a la stazion de Rò, menter el sabet e i dì de festa la tornerà a attestass a la stazion de Milan Porta Garibaldi.
Linia S12
[Modifega | modifica 'l sorgent]La linea S12, attivata nel 2016, congiunge la stazione di Milano Bovisa alla stazione di Melegnano, attraversando Milano lungo il passante ferroviario e la ferrovia Milano-Bologna. È l'unica linea suburbana a non aver mai adottato un orario cadenzato e strutturato sull'intero arco della giornata. Fu attivata nel 2016 con due coppie di corse nei giorni feriali, in orari di punta mattutina; era previsto il progressivo arricchimento dell'offerta del servizio. La linea era stata ideata come rinforzo negli orari di maggiore affluenza di pendolari, e pertanto costituito da corse non cadenzate, attive solamente nelle fasce orarie di punta lavorativa e studentesca.[senza fonte]
La linea è stata sospesa nel marzo 2020, a causa del crollo del numero di viaggiatori allo scoppio della pandemia di COVID-19,[54] e a lungo non riattivata, nonostante le proteste dei viaggiatori e degli enti locali dei territori interessati.[55] La riattivazione è avvenuta il 28 agosto 2023, con un'offerta iniziale di 4 coppie di treni. [73][74] È stato annunciato, a partire dai primi mesi del 2024, un progressivo arricchimento dell'offerta, andando così a ottenere, insieme alla S1, nelle stazioni della tratta servita, una frequenza di un treno ogni 15 minuti; a partire dal 10 giugno 2024 la linea S12 opererà dieci coppie di treni tra Cormano-Cusano e Melegnano, mentre una coppia sarà limitata alla tratta tra Cormano-Cusano e Milano Rogoredo
Linia S13
[Modifega | modifica 'l sorgent]La linia S13 la conliga Garbagnate Milanese, la stazion de la Bovisa a la stazion de Pavia, percorend el passant ferroviari e la ferrovia Milan-Pavia. La linia S13 a l'è nassuda comè slongament de la vegia linia S10, che la conligava la Bovisa a Rogored.[14]
Lign sopress
[Modifega | modifica 'l sorgent]Linia S10
[Modifega | modifica 'l sorgent]La linia S10, attiva dal 2004 al 2011, la conligava la stazion de Rogored cont la stazion de la Bovisa. A l'era ona linia de rinforz per tucc i lign che passaven indel passant ferroviari. A l'è stada slongada fin a Pavia cont el cambi d'orari del 2011, e a l'è stada renominada comè linia S13 inscì da minga andà a creà confusion cont la linia S10 del Canton Tesin in l'ottica de avè on'interazion di servizzi ferroviari in la region insubrega.
Linia S14
[Modifega | modifica 'l sorgent]La linia S14 la conligava, per el period de l'Expo 2015, la stazion de Rogored cont la stazion de Rò, inscì da servì, specialment, la Stazion de Rò Fera, a servizzi de l'esposizion universala. La linia la percoreva el passant ferroviari, e la serviva comè rinforz a tucc i alter lign che a gh'hinn per i conligament intra la cittaa de Milan e 'l loeugh espositiv. El servizzi a l'è staa efettuaa tucc i dì a cadenza de mezz'ora, per tuta la durada de l'esit.[6]
Stòria
[Modifega | modifica 'l sorgent]Princìpi
[Modifega | modifica 'l sorgent]Depos a l'avertura de la prima banda del passant ferroviari de Milan, da la Bovisa a Porta Venezia el 21 desember 1997, el Grupp Ferovie Nord Milan ha creaa on servizzi metropolitan, regolaa cont ona freguenza de quindes menut,[15] che l'è diventada de dees menutt a partì dal 22 mars.[16]
El 30 magg 1999, a l'è staa dervii el tocch da la stazion del Vial Lancetti a la stazion de Certosa inscì che l'era possibel el conligament cont la red FS; al temp istess i treni metropolitan a hinn staa slongaa vers Vares (a travers la Certosa), vers Saronn e vers Seves (a travers la Bovisa).[17]
El 30 giugn 2002 el passant l'è staa slongaa da Porta Venezia finna a Piaza Dateo e a l'è stada dervida la stazion de Villapizzon in su la banda de la Certosa.[18][17]
I Lign S
[Modifega | modifica 'l sorgent]_-_2004-12-24.png)
El nomm "servizzi ferroviari suburban" l'è staa doperaa formalment per la prima voeulta el 12 desember 2004, el dì istess de l'avertura de l'ultem tocch del passant ferroviari, fin a Porta Tosa.
A hinn staa creaa sett lign S: a hinn staa nomeraa i conligament che a gh'eren gemò e la freguenza a l'è stada regolada a mess'ora. I lign a eren:[19]
Saronn ↔ Bovisa ↔ Milan Porta Vittoria (FNM)
Marian ↔ Bovisa ↔ Milan Porta Vittoria (FNM)
Saronn ↔ Bovisa ↔ Milan Cadorna (FNM)
Seves ↔ Bovisa ↔ Milan Cadorna (FNM)
(Vares ↔) Gallaraa ↔ Certosa ↔ Milan Porta Vittoria ↔ Pioltell-Limit (TI)
Nuara ↔ Certosa ↔ Milan Porta Vittoria (TI)
Bovisa ↔ Milan Porta Vittoria (FNM)
El sucesiv 24 desember l'è stada istuida la linia , gestida da TiLo cont ona freguenza de on'ora, in su on percors completameent noeuv, fora dal passant ferroviari.
El servizzi suburban chì el doveva vess diveers dal servizzi regional, ispiraa a la RER de Paris e a i S-Bahn di cittaa todesch, sguizzer e austriach.
I primm progett d'agn Votanta a voeureven fà passà in del passant tucc i sistem, regionaj e suburban (il passant l'era infatti ciamaa "comprensorial"). Pussee taard, però, per minga creà tropp trafich in del passant, a s'è deciduu de fà passà minga i treni regionai chì gh'inscì ma de lassaj in di stazion de coo.
I lign S dent el passant a riven a avegh ona freguenza media totala de sees menut per direzzion.
Cronologia del desvilupp de la red
[Modifega | modifica 'l sorgent]Desvilupp de la red in di agn
 |
 |
 |
|
- 2005
- El 5 de settember a hinn staa riorganizaa i servizzi seraj depos i noeuv or de sira e l'è stada creada l'inscì ciamada "X de la Bovisa" che permeteven de smezaa i cors senza cambiaa i corrispondenz possibel (in particolar, a hinn staa sopress i lign S4 e S1): tucc i mezz'or on tren de la S2 e vun de la S3 se sarïen incontraa a la Bovisa in su la stessa banchina inscì che i passegger podeven cambià el tren pussee fazilment.
Cont el completament del passant ferroviari e 'l slongament de la S1 a Lod, on quaj tren seral de la linia S2 l'è staa slongaa a Lod: el tren chì a l'è staa classificaa dumà "linia S".
- 2006
- El 19 de fevree ona quaj corsa de la linia S4 l'è stada slongada da Seves a Camnagh, inscì che 'l podarïa vess possibel on inter-scambi cont i treni regionaj Milan-Ciass[20];
- El 19 de giugn l'è stada dervida la fermada de Vial Romul, servida da la linia S9, 'due gh'è l'inter-scambi cont la linia M2 de la metropolitana[21].
- 2008
- Cont el cambi d'orari del 15 de giugn, i lign S1, S2, S6 e S10 a hinn staa slongaa da la stazion de Porta Vittoria a Rogored, inscì che 'l podarïa vess possibel on inter-scambi cont i treni regionaj e i treni nazionaj che vann a Genua, Bologna e Mantua[22];
- A partì dal primm de luj la linia S5 ha scominciaa a vess gestida da l'ATI Trenitalia-LeNord-ATM;
- A desember del 2008 a l'è staa potenziaa el servizzi sora la ferrovia Milan-Ciass: a la linia S9 e al tren regional Milan-Ciass hinn staa cambiaa i orari inscì che ghe sarïen poduu vess tren tra Milan e Seregn a on intervall regolar durant tutt el dì;
- El 14 desember la linia S10 la red celer ticines a l'è stada slongada da Ciass a Albaa[23][24].
- 2009
- El 22 de april a l'è stada dervida la stazion de Rò Fera, servida di lign S5 e S6[25];
- Cont el cambi d'orari, el 14 de giugn, a l'è stada dervida la fermada de Pregnana,[26] servida da la lignaa S6, cont fermada per domà vint tren al dì; 'l dì stess la stazion de Serenella l'ha cambiaa nomm in Garbagnaa Parch de le Groane[27];
- Cont el cambi d'orari, el 13 de desember, a hinn staa attivaa duu lign S noeuv (S8 e S11), menter a trii lign S l'è staa cambiaa el percors e hinn staa potenziaa: la linia S1 a l'è stada slongada (foeura di orari de ponta) fin a Lod, la linia S5 a l'è stada slongada fin a Treì e la linia S6 l'ha desmetuu de andà a Rogored, ma da Porta Vittoria l'è stada slongada fin a Pioltell-Limit (e in di orari de ponta fin a Treì)[28]; al temp stess i treni che se fermaven Pregnana hinn staa redobbiaa.
- 2010
- El primm de fevree duu cobbi de tren de la linia S10 a hinn staa slongaa da la Bovisa a la stazion de Malpensa-Aeroport[29]. Modell:Cn;
- El 13 de giugn la linia S1 a l'è stada slongada da la stazion de Rogored a Lod, per tutt el dì (da i ses or de la matinna a i noeuv or de la sera), e l'è andada a sostituì el tren regional che 'l serviva la banda chì[30].
- 2011
- El 26 de marz a l'è stada sarada-su la vegia stazion de Affer, sostituida da ona noeuva stazion che la se troeuva visin a la fermada de Affer FN de la metropolitana milanes: el deventava inscì possibel l'inter-scambi cont la linia M3 de la metropolitana e i lign suburban S2 e S4[31];
- El primm de magg a l'è finii el procediment de fusion di duu societaa LeNord e Trenitalia in Trenitalia-LeNord, che 'l g'ha depos cambiaa el nom in Trenord e che ha scomincià a gestì i lign suburban[32];
- El 12 de giugn, la linia S9 a l'è stada slongada da San Cristofen a Albairaa. Oltra, a l'è stada dervida la stazion de Cesan Madernu (lign S2 e S4), che a l'è andada a sostituì la vegia[33].
- El 11 de desember a l'è stada pientada-sù la noeuva linia S13 da la Bovisa a Pavia, che a l'è andada a sostituì la linia S10, che invece a l'è stada sopressa[34].
- 2012
- El 9 de desember, la linia S9 l'è stada slongada da la stazion de Seregn a Saronn, cont l'avertura di noeuv stazion e fermaa de Barucana, Cerian-Soree, Cerian Groane e on tocch noeuv de la stazion de Cesan Madernu[35][36];
- Cont el slongament de la S9, l'è staa modificaa anca el servizzi seral de tant lign, in particolar quej che passen de Saronn e Cesan Madernu (lign S1, S2, S3, S4 e S13)[37][38].
- 2013
- El 9 de giugn a l'è staa dervida la stazion de Piev, servida da la linia S13[39]; el 22 del mes istess a l'è stada dervida la noeuva fermada de Cesan Madernu Groane, servida da la linia S9[40];
- Insemma al cambi de l'orari, el 15 de desember i treni de la linia S4 che partiven o rivaven a la stazion de Meda a hinn staa deviaa vers Camnagh; a partì dal dì istess, la lignaa S2 l'è stada limitada a Seves, inscì che 'l sarïa deventaa possibel fà i lavor de potenziament infrastrutural de la ferrovia Milan-Ass.[41]
- 2014
- El 25 de ottober a l'è stada dervida la noeuva stazion de Bruzzan in sostituzion de la vegia, longh la linia S2 e S4[42];
- Cont el cambi de orari del 14 desembre 2014, depos i lavor de renovament infrastruttural, a l'è stada integrada in del servizzi suburban la linia ferroviaria Lecch-Milan Porta Garibaldi via Moltee e a l'è stada ciamada linia S7. Cont el nomm noeuv el servizzi a l'è staa potenziaa cont tren cont la freguenza de on'ora[6]. Cont el cambi d'orari istess, alter duu tren de la linia S6 hann scominciaa a fermass a Pregnana[6], e la fermada di Rò Fera Milan ha cambiaa el nomm in "Rò Fera Expo Milan 2015"[43].
- 2015 - prima de l'Expo
- In ocasion de EXPO Milan 2015 a l'è scominciaa, el 26 de april, el potenziament del servizzi[44].La linia S2 ha scominciaa ancamò a fà tutt el sò percors, menter la linia S11 a l'è stada slongada da Milan Porta Garibaldi a Rò. A l'è stada, oltra, pientada-sù la noeuva linia S14 intra i stazion de Rò e Rogored. El dì istess a l'è intraa in servizzi la noeuva stazion de Corman-Cusan Milanin, servida di lign S2 e S4, che ha sostituii i stazion de Corman-Brusô e de Cusan Milanin[45];
- El 9 de magg a l'è stada, poeu, attivada la stazion de Forlanin, che permett l'inter-scambi tra i lign S5, S6 e S9[46].
- 2015 - depos l'Expo
- A partì dal primm de noember 2015, subet depos la fin de Expo, el servizzio a l'è staa depontenziaa. La linia S14 Rò-Rogored a l'è stada sopressa comè 'l diseva el programm, menter la linia S11 a l'è stada parzialment mandada-indree da Rò a Porta Garibaldi (e dumà on tren su duu el va innanz fin a Rò, e dumà in di dì de lavô intra i sett or de la matinna e i noeuv or de la sira)[47];
- El 13 de desember la stazion de Rò Fera Expo Milan 2015 ha ciappaa el noeuv nomm de "Rò Fera"[48].
- 2016
A partì dal 12 de settember a l'è stada pientada-sù la linia S12 che la conliga la stazion de Meregnan a chella de laBovisa a travers el passant ferroviari de Milan[49].
Servizzi
[Modifega | modifica 'l sorgent]Mezz doperaa
[Modifega | modifica 'l sorgent]Per i servizzi hinn doperaa:
- TAF
- TSR
- Composizion con Locomotiva FS E.464
- Autotreno TN ATR 125
- Autotreno TN ATR 115
Biliett
[Modifega | modifica 'l sorgent]
Per viaggià sora i lign del servizzi ferroviari suburban de Milan a l'è sufficient comprà on biliett putost che on abbonament ferroviari varid per quel tocch emetuu da Trenord.[50]
Per i viagg tra i stazion in del comun de Milan a hinn varid i biliett putost che i abbonament urban, anca se hinn staa emetuu da l'ATM.
A partì dal primm de fevree del 2011 a hinn intraa in vigor i noeuv tariff integraa, ciamaa IoViaggio Ovunque in Lombardia, che permetten de viaggià in su tucc i mezz de straport de la Lombardia cont on prezzi fiss. L'abonament chì el pò vess giornalier, pluri-giornalier (duu, trii putost che sett dì), mensil, trimestral putost che annual.[51]
Progett
[Modifega | modifica 'l sorgent]Progett futur
[Modifega | modifica 'l sorgent]I progett futur, anca se dichiaraa publegament, gh'hann anmò minga ona scadenza certa.
- Avertura de la noeuva fermada de San Giulian Zivid, longh la linia S1[52].
- Radobbi Seves - Camnagh longh la linia S4 e avertura de la noeuva fermada in mezz de Barlassina e radobbi Seves - Meda longh la linia S2[53].
- Costruzion del binari trii intra Affer e Corman-Cusan Milanin e pientament de la linia S12 intra i stazion de Corman-Cusan Milanin e Meregnan[54].
- Fin del quadruplicament Rò - Parabiai e del triplicament Parabiai - Gallaraa (efettuazion lavô bloccaa da ona sentenza del Consej de Stat e posticipaa a datta da definiss anmò)[55].
- Costrusion de la stazion de Nervian, intra Parabiai e Vanzagh-Pojan, da fass depos el quadruplicament Rò - Parabiai[56].
- Pientament d'on conligament dirett Milan Central - Rò Fera - Malpensa, pensaa per l'Expo 2015 e da fass depos el quadrupliament Rò - Parabiai[57].
- Slongament de la linia S13 da la Bovisa a Saronn[58].
- Avertura di noeuv fermad de Milan Tibaldi, Milan Porta Romana (chesta chì in sostituzion de chella che la gh'è giamò), longh la linia S9[59][60].
- Quadruplicament Monscia - Ciass inscì da podè avè sora la ferrovia istessa sia i treni di lign S9 e S11 e i treni regionaj, longa-distanza e de mercanzii (che doerïen vess semper pussee inquand el sarà dervii la galeria de bas del San Gottard[53].
- Radobbi de la linia Albairaa - Mortara inscì da fà andà i treni suburban fin a Biagrass, almen cont ona freguenza oraria[53].
- Pientament de la linia S14 Rogored - Magenta, depos el potenziament de l'infrastruttura, cont regolazion 10' / 20' respett a la linia S6[53].
- Pientament de la linia Rogored - Parabiai cont regolazion 10' / 20' respett a la linia S5, e slongament de la linia S11 a Parabiai, depos el quadruplicament Rò - Parabiai[53].
- In faa de valutazion: mandà-indree el capo-linia de la linia S5 da vares a Gallaraa; el servizzi intra i fermad in mezz el sarïa efettuaa di lign S40 e S50 sora l'assa Malpensa - Gallaraa - Vares - Mendrisi[53].
- Quadruplicament Rogored - Pavia; slongament de la linia S2 a Piev cont regolazion 15' respett a la S13; avertura de la fermada de Poasch longh i lign S2 e S13[53].
- Per cercà de mïorà la puntualitaa del servizzi de la linia S9, mudament de la fermada de Baruccana in pont de incros; e poeu radobbi de la banda Seregn - Baruccana[53].
- Pientament de la linia S17 longh el vegg raccordi ferroviari Garbagnaa - Ares, cont fermad a Garbagnaa, Garbagnaa Ovest e Lainaa, cont freguenza de mezz'ora e coincidenza cont i lign S1 o S3[53].
- Regolazion de freguenza a mezz'ora de tuta la linia S7, almen intra Milan e Besana[53].
- Potenziament infrastruttural de la stazion de la Bovisa cont la costrusion de pussee binari per fagh andà pussee servizzi che riven da Porta Garibaldi e da la Central (via Porta Garibaldi)[53].
- Slongament de la linia S8 a la Bovisa; mandà-indree el capo-linia da Lecch a Cernusch-Meraa, e pientament d'on servizzi regional per i fermad in mezz[53].
- Mudament de la linia R Milan Porta Garibaldi - Carnaa - Bergom in linia S18 con la Stazion de Bergom Ospedaa; slongament da Porta Garibaldi a la Bovisa del capo-linia e mandà-indree l'alter da Bergom a Paderno d'Adda (e piantament d'on servizzi regional per i fermad in mezz)[53].
- Mandà-indree 'l capo-linia de la linia S9 da Albairaa a San Cristofen e slongament da Saronn a Busti Grandi[53].
- Pientament de la linia S16 Albairaa - San Cristofen - Lambraa - Rò[53].
- Avertura di fermad Monscia Est (longh i lign S7, S8 e S18) e Monscia Ovest (longh i lign S9 e S11)[53].
Mapp di lign
[Modifega | modifica 'l sorgent]-
Linia S1 -
Linia S2 -
Linia S3 -
Linia S4 -
Linia S5 -
Linia S6
-
Linia S7 -
Linia S8 -
Linia S9 -
Linia S11 -
Linia S13
Vos ligaa
[Modifega | modifica 'l sorgent]Nòt e alter progett
[Modifega | modifica 'l sorgent]
- ↑ 1,0 1,1 Trenord, Orario 14 giugno 2015, quader S1-S3
- ↑ 2,0 2,1 Trenord, Orario 14 giugno 2015, quader S2-S4
- ↑ Linea S5 Varese - Milano Passante - Treviglio. Trasporti Lombardia. URL consultad in data 9 dicembre 2014.
- ↑ 4,0 4,1 4,2 Trenord, Orario 14 giugno 2015, quader S5-S6
- ↑ [1]
- ↑ 6,0 6,1 6,2 6,3 Infrastrutture e Mobilità Regione Lombardia. Regione Lombardia, Tavolo territoriale SFR. 26-27 novembre 2014. URL consultad in data 15 dicembre 2014.
- ↑ Trenord, Orario 14 giugno 2015, quader 171
- ↑ Nuova stazione Monza Est Parco - http://www.mbnews.it/2015/03/monza-treno-pendolari-parco-fermata-ferroviaria-monza-est-parco/
- ↑ TrenordOrario 14 giugno 2015, quader S8
- ↑ Canale, p. 18
- ↑ Regione Lombardia - Le tappe delle linee S
- ↑ Regione Lombardia - Le tappe delle linee S
- ↑ La linea S11 sul sito di Trenord, il gestore della linea
- ↑ Trenord - La linea S13
- ↑ Il Passante è una realtà, in "I Treni" n. 190 (febbraio 1998), p. 5
- ↑ Passante in crescita, in "I Treni" n. 193 (maggio 1998), p. 4
- ↑ 17,0 17,1 Canale, op. cit., p. 16
- ↑ Il Passante si allunga..., in "I Treni" n. 240 (settembre 2002), p. 5.
- ↑ Canale, op. cit.., p. 18
- ↑ S4 in Brianza, in "I Treni" n. 281 (maggio 2006), p. 8
- ↑ Nuova fermata a Milano, in "I Treni" n. 283 (luglio 2006), p. 5
- ↑ Passante quasi finito, in "I Treni" n. 306 (luglio 2008), p. 5
- ↑ Bitensioni in Italia, in "I Treni" n. 312 (febbraio 2009), p. 8
- ↑ La Bellinzona-Chiasso arriverà a Como e ad Albate
- ↑ RFI S.p.A. Circolare Compartimentale CC MI 13/2009. p. 2.
- ↑ Impianti FS, in "I Treni" n. 317 (luglio 2009), p. 6
- ↑ Nuovo nome, in "I Treni" n. 317 (luglio 2009), p. 7
- ↑ Linee S in crescita, in "I Treni" n. 322 (gennaio 2010), p. 8
- ↑ Da Rogoredo a Malpensa, in "I Treni" n. 324 (marzo 2010), p. 7
- ↑ Trenord - Dal 13 giugno in vigore il nuovo orario estivo: potenziata la S1 Saronno-Lodi e velocizzati 18 collegamenti sulla Milano-Piacenza Arqiviad qé: [2]
- ↑ Sergio Viganò, Metropolitane in crescita, a Milano..., in "I Treni" n. 337 (maggio 2011), pp. 20-25
- ↑ Giancarlo Scolari, Nasce Trenord, in "I Treni" n. 338 (giugno 2011), pp. 16-17
- ↑ Trenord - Cesano Maderno: apertura nuova stazione Arqiviad qé: [3]
- ↑ Trenord - S13 al via, 66 corse sulla linea Pavia-Milano Bovisa Arqiviad qé: [4]
- ↑ Trenord. Il nuovo servizio S9. URL consultad in data 8 dicembre 2012.
- ↑ Infrastrutture e Mobilità Regione Lombardia. Saronno – Seregno: riqualificazione della linea ferroviaria. URL consultad in data 13 agosto 2012.
- ↑ Trenord - NUOVI ORARI S1-S3 A PARTIRE DAL 9 DICEMBRE Arqiviad qé: [5]
- ↑ Trenord - LINEA MILANO-SEVESO-CAMNAGO/MARIANO-ASSO: NOVITA' DAL 9 DICEMBRE Arqiviad qé: [6]
- ↑ Impianti FS, in "I Treni" n. 361 (luglio-agosto 2013), p. 8
- ↑ Trenord - APERTURA NUOVA FERMATA S9 "CESANO MADERNO-GROANE" Arqiviad qé: [7]
- ↑ http://www.trenord.it/it/orari/novit%C3%A0-nuovo-orario.aspx Arqiviad qé: [8]
- ↑ Trenord - Sabato 25 ottobre viene attivata la nuova stazione di MILANO BRUZZANO Arqiviad qé: [9]
- ↑ Rete Ferroviaria Italiana, Circolare territoriale TO 39/2014.
- ↑ http://www.trenord.it/it/media-news/avvisi/cambio-orario-26-aprile-2015.aspx Arqiviad qé: [10]
- ↑ Trenord - Domenica 26 aprile apre la nuova stazione di Cormano-Cusano Milanino Arqiviad qé: [11]
- ↑ 9 maggio 2015: apertura stazione di Milano Forlanini. 9 maggio 2015. URL consultad in data 9 maggio 2015.
- ↑ Principali NOVITA' AL SERVIZIO FERROVIARIO da domenica 1 novembre. 1º novembre 2015. URL consultad in data 5 novembre 2015.
- ↑ Rete Ferroviaria Italiana, Circolare territoriale MI 49/2015.
- ↑ LINEA “S12” POTENZIAMENTO MELEGNANO - MILANO BOVISA [dal 12 settembre 2016]. Trenord. URL consultad in data 7 settembre 2016.
- ↑ Trenord. Passante ferroviario Trenord
- ↑ Infrastrutture e Mobilità Regione Lombardia. Io viaggio ovunque in Lombardia. URL consultad in data 11 giugno 2013.
- ↑ Il Cittadino - Stazione di San Giuliano, c’è l’ok Arqiviad qé: [12]
- ↑ 53,00 53,01 53,02 53,03 53,04 53,05 53,06 53,07 53,08 53,09 53,10 53,11 53,12 53,13 53,14 53,15 Proposta di Programma Regionale Mobilità e Trasporti 2015-2020
- ↑ Infrastrutture e Mobilità Regione Lombardia. In stazione a Melegnano nuovo parcheggio da 80 posti. 2 novembre 2015. URL consultad in data 3 novembre 2015.
- ↑ Italferr - Comunicato stampa per il quadruplicamento Rho-Parabiago Arqiviad qé: [13]
- ↑ g.somazzi. Ferrovia: più fermate a Legnano e una nuova stazione. LegnanoNews, 27 settembre 2014. URL consultad in data 22 gennaio 2015.
- ↑ Infrastrutture e Mobilità Regione Lombardia. Expo, Del Tenno: ecco come potenzieremo le ferrovie. URL consultad in data 5 agosto 2013.
- ↑ Giorgio Stagni - Il servizio ferroviario regionale - Quello che si farà
- ↑ msrmilano.com - Progetti S9 Arqiviad qé: [14]
- ↑ Urbanlife - Gli svaniti: la stazione Tibaldi di Milano
