Certosa de Milan
|
Quest articol chì l'è scrivud in lombard, con la Noeuva Ortografia Lombarda |
La Certosa de Milan a l'è una certosa sita in del quarter milanes de Garegnan, che un temp a l'era in la campagna pussee verta. Al dì d'incoeu, grazzia a la collaborazzion del Touring Club Italian, se po visitàlla liberament e a gratis.
Storia
[Modifega | modifica 'l sorgent]L'è stada fada su el 19 de setember 1349 del Giovann Vescont, e la gh'ha havud denter anca el Franzesch Petrarca, in l'estad del 1357. In del 1449 a l'è razziada di criminai del vesin Bosch de la Merlada e l'è recostruida de la Fabrega del Dom. In del 1779 l'Isep II d'Asborgh-Lorena el scassa i orden contemplativ e l'è doperada 'me caserma in l'ocupazzion napoleonega, la torna una gesa cont el tornà di austriegh, e l'è visitada anca del Lord Byron che 'l resta colpid di so afresch.
L'ha perdud cont el temp el cioster grand, che l'è stad sbatud sgiò di frances, e di alter toch, e ghe passa propi arent el cavalcavia che 'l conliga i autostrade di Lagh a la Turin-Milan, ma la resta comunque un pont de interess turistegh e coltural.
Art e architetura
[Modifega | modifica 'l sorgent]
In la literadura lombarda
[Modifega | modifica 'l sorgent]El Ferdinando Cesare Farra l'ha dedicad una soa lirega in milanes a la Certosa intitolada Garegnan, che la descriv la gesa a messedà latin e lombard.
Riferiment
[Modifega | modifica 'l sorgent]Ligam de foeura
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Certosa de Milan
