Internet Archive

De Wikipedia
Lombard Quell articol qì l'è scrivud in Lombard, cond l'ortografia Scriver Lombard.
Ol logo

Ol Internet Archive l'è una biblioteca dijitala non profit qe la g'ha come obietiv qell de consentir un "acess universal a la conoscenza".[1][2] La dà un spazio dijital permanent per l'acess a di collezion de material dijital qe i g'ha dent, tra l'olter, sit web, audio, imajin in moviment (video) e liber. Internet Archive l'è stait fondad da Brewster Kahle ind el 1996 e al fa part de la IIPC (International Internet Preservation Consortium).[3] Come jonta a la so funzion principala de arqiviazion, Internet Archive l'è un'organizazion qe la circa de rivar a l'obietiv de hir-ga Internet libera e dervida, e l'è un'associazion non profit recognossida in manera ofiçal ind i Stats Unids.

I ofiç aministrativ i è a San Francisco, e i data center i è a San Francisco, a Redwood City, e a Mountain View, in California. La plœ granda collezion dijital de la biblioteca l'è l'arqivio web, una sorta di racolta di "fermi imajin" del World Wide Web catalogads segond la data ind la qual i è stait ciapads. Per sicureza g'è un mirror de l'arqivio ind la Bibliotheca Alexandrina in Ejit. L'è permetid a tœts ol caricar e ol scaricar del material dijital da e verso i so server a costo zero.

Al permet anc l'acess a un di plœ grands projets de arqiviazion dijital di liber, l'è part de la American Library Association e l'è recognossid in manera ofiçal dal stat de la California come biblioteca pubblica.[4] La socetaa la g'ha 200 lavorador, e tants de lor i è dree a scanerizar di volœm cartacei ind i center specializads. L'ofeç principal de San Francisco al g'ha trenta lavorador. Internet Archive al g'ha un budget de circa 10 milioni de dollari l'ann qi veng ind la plœ part da una varietaa di fonts: i solds di servizi del web crawling, collaborazion varie, donazion, e la Kahle-Austin Foundation.[5]

Ligam de fora[Modifega | modifica 'l sorgent]

Riferiments[Modifega | modifica 'l sorgent]

  1. (EN) Internet Archive Frequently Asked Questions
  2. (EN) Internet Archive: Universal Access to all Knowledge
  3. (EN) Members Arqiviad qé: [1] (International Internet Preservation Consortium)
  4. (EN) Internet Archive officially a library.
  5. (EN) CabinetMagazine.org