Stazion de Milan Porta Garibaldi passant

Quest articol chì l'è scrivuu in lombard, grafia milanesa.

	Stazion de Milan Porta Garibaldi passant
El pian di binari
Stat	Italia
Loeugh	Milan
Coordinaa	45°29′02.46″N 9°11′11.31″E
Lign	passant ferroviari de Milan
Binari	2

La stazion de Milan Porta Garibaldi passant a l'è 'na stazion del passant ferroviari de Milan, in corrispondenza cont la stazion de Milan Porta Garibaldi.

Storia

El primm cantier a l'è staa vert in del 1984 e l'è stada verta el 21 de dicember 1997, in la prima tratta del passant (Bovisa-Porta Venezia).

Struttur

L'è 'na stazion sotta terra cont du binari in parallel cont ona banchina a isola.

In sul binari 1 ghe passen i treni in direzion sud, vers Lod, Rogored, Trevij, Pioltell-Limit, Meregnan e Pavia, in sul binari 2 ghe passen i treni in direzion nord, vers Bovisa, Saronn, Seves, Meda, Gallaraa, Vares e Noara.

Moviment

La stazion a l'è servida domà di treni suburban de la Trenord, di lign S1, S2, S5, S6, S12 e S13.

Interscambi

• Stazion de Milan Porta Garibaldi

• Garibaldi FS

• Fermada del tram (Garibaldi FS, Lign 10 e 33)

Riferiment

• Stazione Porta Garibaldi