Carrozza vicinala a pianal rebassaa
| Carrozza vicinala a pianal rebassaa | |
|---|---|
| Caroza | |
 Carrozza in livrea XMPR | |
| Agn de projetazion | 1964 e 1982 |
| Agn de costruzion | 1965-1982 |
| Agn de esercizi | 1967- |
| Quantitaa produxida | 175 semipilota e 901 remorciaa |
| Costruidor | Sofer, Officine Galtarossa,
Officine Keller |
| Lungeza | 26'400 mm |
| Largeza | 2'855 mm |
| Alteza | 3'705 mm |
| Capacitaa | 100 a settà, 76 per i semipilota |
| Quota del pian del pestar | 601 mm o 1'181 mm |
| Scartament | 1'435 mm |
| Interperno | 19'000 mm |
| Pass di carrei | 2'400 mm |
| Massa a vœd | 42 t |
La Carrozza vicinala a pianal rebassaa (in italian: carrozza vicinale a pianale ribassato, breviaa PR) a l'è 'na carrozza passegee doperada di Ferrovij del Stat italian di agn '60 per el servizzi local e regional: Incoeu in tra i rotabil pussee vegg, a la soa epoca a hinn staa 'n cambiament important in del servizzi.
Storia
[Modifega | modifica 'l sorgent]Hinn staa i primm carrozz in Italia cont el pianal rebassaa, anca se domà in la part centrala, cont i estremm pussee volt e accessibij cont trii carrej. A hinn staa anca in tra i primm a vèss staa faa su in version semipilota.
A hinn staa faa su in trè ordinazion, cont di bej differenz in la costruzion, e hinn tipicament dividuu in dò serij:
- Serie 1965, cont 'na costruzion pussee antiga, frenada a cepp, e alimentazion di servizzi ausiliari cont on generator in sui ass, pussee rumoros. N'hinn staa faa su 165 e hinn ancamò in servizzi in Calabria
- Serie 1972, cont ona frenada pussee moderna a disch e 'n generator mìnga in su l'ass
La prima class de la serie 1965 a l'éra differenta de la segonda domà per el color di segg, inveci quèlla de la serie 1972 a l'éra ispirada ai treni de luss de l'epoca.
Dal 2000 on poo de PR a hinn staa revampaa, cont on cambi di finestritt, la gionta del condizionator, 'na restrutturazion di interni e per i semipilota de la gabina de guida.
I carrozz a pianal rebassaa pussee vegg a hinn, però, destinaa a vèss retiraa, perchè voramai tropp vegg per i standard de sicurezza e confront. In del 2015 la Trenord l'ha retiraa tucc i sò carrozz de la serie 1965 cont ona fèsta a la stazion de Milan Porta Garibaldi, insemma a la presentazion di noeuv treni Alstom.
Livrej
[Modifega | modifica 'l sorgent]Al principi del servizzi eren pintaa de gris ardesia, 'me tucc i carrozz FS de l'epoca. Dal 1981 a hinn mittuu in livrea navetta, doperada di MDVC appena faa. Cont l'adozion de la livrea XMPR a l'è mittuda.
I carrozz daa a Trenord e TiLo han ricevuu la soa livrea sociala.
Galleria di foto
[Modifega | modifica 'l sorgent]-
Carrozza PR in livrea Trenord -
Carrozza PR passanta in livrea XMPR -
Carrozza normala -
Carrozz in livrea TiLo -
Treno fermo, se pò notà el pianal rebassaa -
Treno in livrea navetta -
Carrozza semipilota -
Carrozza in livrea Trenord -
Treno de la linia S11 faa de PR -
Interni de la version mìnga revampada -
Interni de la version revampada -
Interni in del 1983
Bibliografia
[Modifega | modifica 'l sorgent]- Vittorio Mario Cortese, Carrozze a piano ribassato (prima parte), in "I Treni" n. 265 (dicembre 2004), pp. 10–17.
- Vittorio Mario Cortese, Carrozze a piano ribassato (seconda parte), in "I Treni" n. 266 (gennaio 2005), pp. 12–19.
Alter progett
[Modifega | modifica 'l sorgent]
Wikimedia Commons el gh'ha dent imagin o alter archivi su Carrozza vicinale a piano ribassato
