Automotris FS ALn 663
| Automotris FS ALn 663 | |
|---|---|
| Automotrix | |
 Automotris in livrea originala | |
| Agn de costruzion | 1983-1993 |
| Agn de esercizi | 1983- |
| Quantitaa produxida | 124 |
| Costruidor | FIAT Ferroviaria |
| Capacitaa | 63 settaa |
| Scartament | 1'435 mm |
| Interperno | 15'940 mm |
| Pass di carrei | 2'450 mm |
| Classificazion di locomotive | (1A)(A1) |
| Diameter rœde motrix | 920 mm |
| Distribuzion | Meccanega cont giunt idraulich |
| Potenza oraria | 2 x 170 kW |
| Velocitaa massema omologada | 120-130 km/h |
| Alimentazion | Diesel |
L'automotris FS ALn 663 a l'è 'n automotris Diesel di Ferrovij del Stat Italian fada su in tra el 1983 e 'l 1993 de la FIAT.
Storia[Modifega | modifica 'l sorgent]
In del 1983 la FIAT ferroviaria la decid de fà su 'n automotris pussee moderna derivàda de l'automotris FS ALn 668 de la serie 1300 e 3000, ma cont 63 pòst settaa.
Di agn '80 a hinn staa mittuu in su tancc lign secondari di ferrovij italian e crompaa anca in di variant per di ferrovij in concession de la SNFT, de la Ferrovia Suzzara-Ferrara, de la Società Veneta, de la Alifana e dij Ferrovie Padane.
Hinn staa doperaa anca per di lign a longa percorrenza, per esempi la Cremona - Mantoa - Pesaro de la FER o la Roma - Termoli de Trenitalia.
De 'sta motris a hinn derivaa l'automotris Fiat M4 a scartament ridutt di Ferrovij de la Calabria, la ALn DAP per el trasport di detegnuu, l'automotris FSE Ad 81-88, doperada per el strapòrt local in Puja e i automotris ACT ALn 067-082, doperaa in Emilia-Romagna.
Configurazion[Modifega | modifica 'l sorgent]
A l'è 'n automotris a motor Diesel soralimentaa cont cambi meccanich classich. Gh'è 'na version pussee lenta, la serie 1000 che la riva finna a 120 km/h, cont el cambi adatt a la montagna e vuna pussee svelta, la serie 1100 che la riva finna a 130 km/h, cont el cambi de pianura. A l'è possibil cobbiànn finna a 3 e la gh'ha el banch de manoeuvra unificaa.
Ògni automotris l'è spartida in d'on ambient de prima class, de 12 segg, e dò de segonda class, tucc climatizzaa. I intèrni de la vettura hinn staa ispiraa ai carrozz MDVC.
Respett a la genitris 668 la gh'ha i comand faa appòsta per comandà anca la terza motris e di noeuv fanaj, che permetten de 'vègh no de quattà de ross quej de dree per respettà el regolament di segnaj.
Bibliografia[Modifega | modifica 'l sorgent]
- Oreste Santanera, Le ALn 668 e derivate. Quarant'anni di sviluppo delle automotrici Fiat in I Treni Fiat. Ottant'anni di contributo Fiat alla tecnica ferroviaria, Milano, Automobilia, 1997. 88-7960-045-1
- Angelo Nascimbene, La maturità delle ALn 668. Il restyling in ALn 663 (prima parte), in Tutto treno, 23 (2010), n. 245, pp. 29-36
- Angelo Nascimbene, La maturità delle ALn 668. Il restyling in ALn 663 (seconda parte), in Tutto treno, 23 (2010), n. 246, pp. 31-34, 39-40
- Angelo Nascimbene, La maturità delle ALn 668. Il restyling in ALn 663 (terza parte), in Tutto treno, 23 (2010), n. 247, pp. 29-34, 39-40
Vos corelaa[Modifega | modifica 'l sorgent]
Alter progett[Modifega | modifica 'l sorgent]
Wikimedia Commons el gh'ha dent imagin o alter archivi su Automotris FS ALn 663
