Carrozza Eurofima

De Wikipedia
Salta a la navigazzion Và a cercà
Lumbard ucidental Quest articol chì l'è scrivuu in lombard, grafia milanesa.
Eurofima
Caroza
SNCB-NMBS Bm 61 88 21-70 645-3 Liestal 010809 IR91 VAUBAN Bruxelles-Midi-Chur.jpg
Carrozza in livrea franzesa taccada a 'n treno svizzer
Agn de projetazion 1973
Agn de costruzion 1972-1977
Agn de esercizi 1977-
Quantitaa produxida 500
Lungeza 26'400 mm
Largeza 2'825 mm
Alteza 4'050 mm
Scartament 1'435 mm
Interperno 19'000 mm
Pass di carrei 2'560 mm
Massa a vœd 42 t

La carrozza Eurofima a l'è 'na carrozza passegee finanziaa de l'Eurofima e doperaa di ferrovij nazionai italiann (FS), todesch (DB), belga (SNCB), franzes (SNCF), austriegh (ÖBB) e svizzer (FFS).

Storia[Modifega | modifica 'l sorgent]

Eren pensaa per el traffegh a longa percorrenza per sostituì i vegg UIC-X in di treni internazionai pussee de prestisg, degià che la pupart di treni che eren mìnga TransEuropeExpress eren faa cont di vegg carrozz ordinari.

In del 1972 el consorzi Eurofima el definiss on noeuv standard, con pussee confort e 'na velocità mìnima de 200 km/h.

Costruzion[Modifega | modifica 'l sorgent]

Eren faa su in azzal e lamera cont di finitur in veder-resina, tecnega poeu approfondida in di carrozz UIC-Z1.

Ògni carrozza la pò ospità in prima class 54 passegee in 9 scompartiment o 66 in segonda class in 11 scompartiment, pussee 18 strapontitt.

Gh'even anca i port a fir con la cassa a tegnuda ermetega, che la rendeva la carrozza pussee aerodinamega e la proteggeva i personn a bord di ond de pression in di tunnel.

Gh'even in principi ona livrea naranz cont di strisc gris, foeura che per la Germania, indova che eren in part coloraa TEE, e in Franza, indova che gh'even la livrea Corail. Incoeu hinn per la pupart cont i color nazionai.

Division[Modifega | modifica 'l sorgent]

  • Ferrovij Federai Austriegh: 25 de prima class e 75 de segonda class
  • Ferrovij Todesch: 100 de prima class
  • Ferrovij del Stat italian: 30 de prima class e 70 de segonda class
  • Società Nazionala di Ferrovij Franzes: 100 de prima class
  • Società Nazionala di Ferrovij Belga: 20 de prima class e 60 de segonda class
  • Ferrovij Federai Svizzer: 20 de prima class

Bibliografia[Modifega | modifica 'l sorgent]

  • Giuseppe Romolo Corazza, 500 carrozze "standard" per sei reti dell'Europa, in Ingegneria Ferroviaria, 29 (1974), n. 4, pp. 54–59

Alter progett[Modifega | modifica 'l sorgent]