Elettrotreno FS ETR.450

De Wikipedia
Lumbard ucidental Quest articol chì l'è scrivuu in lombard, grafia milanesa.
Elettrotreno FS ETR.450
Eletrotreno

Treno in corsa arent a Ancona
Agn de projetazion 1982
Agn de costruzion 1985-1992
Agn de esercizi 1988-2015
Quantitaa produxida 15
Costruidor Fiat Ferroviaria, Marelli
Capacitaa 390 post: 126 de prima class e 264 de segonda
Scartament 1'435 mm
Interperno 18'900 mm
Pass di carrei 2'450 mm
Massa in servizi 440 t
Classificazion di locomotive (1A)(A1) per cassa
Diameter rœde motrix 890 mm
Raport de trasmission 34/63
Potenza oraria su 8 element 5'568 kW
Potenza continuativa 5'008 kW
Sforz a l'aviament 208 kN
Velocitaa massema omologada 250 km/h
Alimentazion 3 kV CC

L'elettrotreno FS ETR.450 a l'è staa 'n elettrotreno a assett variabil a volta velocità faa su de la Fiat Ferroviaria, entraa in servizzi in su la tratta Milan-Roma in l'orari estiv del 1988 e l'è restaa in servizzi finna al 2015, quand che hinn staa tucc demolii, foeura che 'n unità preservada per el patrimoni istoregh.

Storia[Modifega | modifica 'l sorgent]

Ered del primm Pendolin, 'l entra in servizzi offizialment el 29 de magg 1988, cont dò cobbi non stop in tra Milan e Roma, cont on temp de percorrenza de 3 or e 58 menut. In principi l'era doperaa 'me treno a ses element domà de prima class, poeu hinn taccaa alter trii carrozz che gionten la segonda class.

Del 1989 al 1991 i servizzi hinn slargaa finna a Turin, Napoli, Salerno, Venezia, Bolzan e Ancona. Deventaa cont el temp el tren de ponta de la ferrovia italiana, l'è via via sostituii di noeuv Pendolitt e 'l pendolament, a causa de la difficoltà de toeu i pezz de ricambi, l'è tolt via in del 2004, che 'l sbassa el limit a 200 km/h. El servizzi in su la Roma-Milan l'è fornii in del 2007, ma el resta in servizzi Eurostar Italia in sui tratt de Roma a Ancona, Perugia e Tarent.

In del 2004 l'è doperaa anca per el servizzi TrenOK, primm esempi in Europa de treno a bass cost, che 'l resta in pee finna al 2007. Del 2010 a hinn doperaa per el servizzi InterCity, indova che despess fonzionen mal a causa de la scarsa manutenzion, e poeu mandaa in su la ferrovia Tirrenica Meridional per conligà Roma a Regg Calabria.

Voramai obsolett e sostituii di ETR.460, ETR.480 e ETR.600, in del 2013 Trenitalia la nonzia che sarann puu sottapognuu a revision generala e che donca 'sti treni sarien staa retiraa a la scadenza o quand che gh'è di guast assee gramm.

El doveva vess miss via el 9 de dicember 2014, cont on treno in tra Roma e Regg Calabria, che 'l s'è guastaa a Latina ma grazia ai treni straordinari l'è restaa in servizzi finna a l'ann noeuv. El 31 de marz 2015 el convoeuj 450.03 l'è portaa ai OGR per vess restaveraa e doperaa 'me mezz istoregh, i alter a hinn rottamaa.

Caratteristegh[Modifega | modifica 'l sorgent]

Faa su de noeuv carrozz e in quindes esemplar, l'era bon de rivà finna a 250 km/h e l'era dotaa de elettronega de potenza, el pendolament l'era elettro-idraulegh e bon de piegàss finna a 8°. Tucc i carrozz, foeura che voeuna, eren motorizzaa.

Bibliografia[Modifega | modifica 'l sorgent]

  • R. Romei, ETR 450 il valore di una esperienza, in La tecnica professionale, n.s. anno 6º, n. 5, maggio 1989, pp.  255-256.
  • C. Bianchi, C. Casini, A. Elia, P. Losa, ETR 450 il valore di una esperienza, in La tecnica professionale, n.s. anno 6º, n. 5, maggio 1989, pp.  257-….
  • G. Gomisel, R. Romano, L'equipaggiamento elettrico dell'elettrotreno ETR 450, in La tecnica professionale, n.s. anno 6º, n. 5, maggio 1989, pp.  280-….
  • Mario Meriana, Alberto Furregoni, Il "Pendolino", un progetto di successo in continua evoluzione, in La tecnica professionale, n.s. anno 12º, n. 12, dicembre 2005, pp.  25-36.
  • Vittorio Cervigni, FS a tutta velocità, in I treni oggi, anno 6º, n. 51, giugno 1985, pp. 21-23, ISSN 0392-4602.
  • Pietro Ferrari, Arrivano gli ETR.450, in I Treni Oggi, nº 76, Salò, ETR, novembre 1987.

Alter progett[Modifega | modifica 'l sorgent]

Vos corelaa[Modifega | modifica 'l sorgent]