Elettrotreno FS ETR.700

Quest articol chì l'è scrivuu in lombard, grafia milanesa.

ETR.700
Eletrotreno
El treno a Lod
Agn de ordinazion	2004 (NS), 2017 (TI)
Agn de costruzion	2004-2007
Agn de esercizi	2012-2013 (Fyra) 2019- (Trenitalia)
Quantitaa produxida	19, 17 venduu a Trenitalia
Costruidor	AnsaldoBreda
Lungeza	200'900 mm
Largeza	2'870 mm
Alteza	4'080 mm
Capacitaa	500 incoeu (546 in la version olandesa)
Quota del pian del pestar	1'260 mm
Scartament	1'435 mm
Massa in servizi	485 t
Massa a vœd	423 t
Classificazion di locomotive	Bo'Bo' + 2'2' + Bo'Bo' + 2'2' + 2'2' + Bo'Bo' + 2'2' + Bo'Bo
Diameter rœde motrix	920 mm
Diameter rœde portador	850 mm
Sforz trazion massem	300 kN
Velocitaa massema omologada	250 km/h
Alimentazion	1,5 e 3 kV = 25 kV ~ 50 Hz

L'Elettrotreno FS ETR.700, in origin V250, a l'è 'n elettrotreno per i servizzi a alta velocità desviluppaa de la AnsaldoBreda in origin per el servizzi in Belgi e in di Pajes Bass e hinn staa poeu restituii e venduu a l'azienda ferroviaria italiana.

Storia[Modifega | modifica 'l sorgent]

El fiasch olandes[Modifega | modifica 'l sorgent]

In del 2004 on consorzi olandes in tra i Nederlandse Spoorwegen e la KLM el decid de crompà sedes elettrotreni per el sò servizzi de l'alta velocità Fyra e trii a hinn ordenaa de la Società Nazionala di Ferrovij del Belgi. Se pensava che 'l servizzi el saria scominciaa in del 2007 ma inveci i treni a hinn consegnaa in ritard e hinn provaa in del 2008 a Velim e in del 2009 riven per la prima voeulta in di Pajes Bass, indova che mostren di problema tecnegh e hinn menaa indree in Italia per di sistemazion. In del menter el servizzi l'è esercitaa con material ordenari e la linia l'è attrezzada con ETCS de nivell 2.

Tornen in l'orari olandes el 9 de dicember 2012 ma hinn sospenduu el 17 de sginee 2013 per di problema in su la nev e in del giazz. I dò aziend ferroviari fànn su 'na commission e deciden donca i olandes de fà 'na commission d'inchiesta e i belga de risolv el contratt e domandà on risarciment.

El 4 de giugn 2013 l'AnsaldoBreda l'ha nonziaa che l'avaria fà causa ai dò aziend perchè i convoeuj eren classifegaa 'me "accettabel" di NS e di alter aziend de certificazion terz e l'ha faa notà che i problema eren dovuu al mancaa respett di macchinista di indicazion per el meteo, tant de mandà el treno in frenatura automatega pussee de 'na voeulta ma che 'l macchinista l'ha menaa el treno ancamò a 250 km/h.

In del settember 2013 on rapport de 'n azienda independenta commissionaa di client el certifega la bontà di treni e 'l dis che in d'on para de agn sarien poduu deventà de bona qualità, ma l'azienda olandesa la se refuda e la cress l'ideja che i ferrovij di Pajes Bass voreven no l'alta velocità, tant che per sostituì i V250 ordenen di TRAXX che fann al massim i 160 km/h.

In del 2014 AnsaldoBreda la riva a 'n accord per la reconsegna di treni in cambi del rembors e 3,5 milion, per on massim de 21, per treno venduu a 'n oltra azienda. NS l'ha parlaa de 'n perd de vari milion ma, degià che l'ha dimostraa no la casualità, l'ha perduu la causa. On accord compagn l'è faa cont i ferrovij belga cont anca on pagament per fermà la causa contra l'azienda italiana.

El period italian[Modifega | modifica 'l sorgent]

In l'agost del 2017 a hinn venduu a Trenitalia des-sett de 'sti treni dopo de 'n appalt senza gara che 'l preved la manutenzion per cinch agn, prorogabij per alter cinch e hinn mittuu in del parch rotabil del servizzi Frecciargento, in principi per el servizzi in tra Milan e Ancona e poeu in tra la capital lombarda e Pescara e infinna per sostituì el Frecciabianca in tra Milan e Bari.

In del primm semester del 2020 a hinn squasi tucc in servizzi per fà pussee boni i conligament in tra la Puja e l'Altitalia in sostituzion del Frecciabianca e de fin 2019 tacchen a doperà la red AV quand che l'è possibel inscì de doperà al massim i potenzialità del treno.

Caratteristegh[Modifega | modifica 'l sorgent]

Ogni treno l'è faa su de vott carrozz e l'è progettaa per fonzionà a 1,5 kV e 3 kV in correnta continova e 25 kV 50 Hz in correnta alternada, l'è donca bona de circolà in su tutta la red italiana e in quej del Belgi e Pajes Bass.

La trazion a l'è distribuida in formazion MTMTTMTM, con M motris e T trainada senza motor. I motor a hinn asincron e raffreddaa a aqua e 'l tréno l'è dotaa de ETCS e di sistema de contròll locai.

I carrozz hinn faa su de allumini, foeura che quej con la gabina che hinn faa de azzal. Gh'hann 546 pòst a settà de che 127 de prima class.

Per via del sò mus particolar eren ciamaa del produttor "Albatros", menter i passionaa el ciamen "Multipla", perchè el regorda l'omonema auto de la FIAT.