Minuetto (treno)

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos.
Per avè on'ideja di alter vos senza font, vardee chichinscì.

I Minuetto, offizialment ALe/ALn 501-ALe/ALn 502, a hinn di convoeuj guidaa de automotris elettrich o a diesel, e donca classificaa 'me elettrotreni o autotreni. Hinn di variant di Alstom Coradia Meridian e han sostituii i automotris ALn 668 e i ALe 801 dal 2000.

Caratteristich[Modifega | modifica 'l sorgent]

Ogni Minuetto a l'è in composizion bloccada de dò motris e 'na carrozza che comunichen in tra de lor, e l'è possibil unì finna a trè treni insemma se gh'è la necessità. On Minuetto el costa pussee de 3 milion de Euro, el triplo de 'na veggia automotris ma in linia cont i prezzi di omologh europee.

El motor del Diesel a l'è compagn de quell del treno AV danes IC4, ma a l'è depotenziaa per adattàss al trasport regional de che l'è destinaa. In general a l'è progettaa per vess a bassa frequentazion e per garantì on bon confort ai viaggiator, che pòden salì in sul treno senza on desnivell grazia al pianal rebassaa: Per i orb a l'è disponibil el servizzi de indicazion in Braille.

El pò vess dotaa de sistema de straport per i biciclett e de pres elettrich ai tavolitt, che poeu han ispiraa anca i Vivalto.

Specifich[Modifega | modifica 'l sorgent]

I caratteristich comun a tucc i Minuetto a hinn:

Longhezza: 51'900 mm
Larghezza: 2'950 mm
Altezza: 3'820 mm
24 post in prima class e 122 in segonda
Quota del cammin: 600 mm
Velocità massima: 160 km/h elettrich, 130 km/h diesel

Operator[Modifega | modifica 'l sorgent]

I operator a hinn:

Trenitalia che la gh'ha 100 convoeuj elettrich e 104 diesel
Provincia de Trent, che la gh'ha 10 Minuetto diesel
Ferrovia Centrale Umbra, che la gh'ha 4 convoeuj elettrich ciamaa Pintoricchio
Ferrovia Sangritana, che la gh'ha 6 convoeuj elettrich ciamaa Lupetto
Gruppo Torinese Trasporti, che la gh'ha 10 Minuetto elettrich
Trasporto Ferroviario Toscano, che 'l gh'ha 4 treni elettrich ciamaa "Elfo"

In total gh'è 248 treni in tra Diesel e elettrich.