Autotreni FS ATR 365 e 465

Quest articol chì l'è scrivuu in lombard, grafia milanesa.

Autotreni FS ATR 365 e 465
Autotreno
Sosta a la stazion de Cagliari de dò ATR 365 in livrea DTR
Agn de ordinazion	2010
Agn de costruzion	2012
Agn de esercizi	2015-
Quantitaa produxida	6 ATR 365 e 2 ATR 465
Costruidor	CAF
Lungeza	76'000 mm (trii cass)
Capacitaa	200 pòst a settà (3 cass) 278 pòst a settà (4 cass)
Scartament	1 435 mm
Potenza oraria	2'292 kW
Velocitaa massema omologada	160 km/h
Alimentazion	Diesel

I Autotreni FS ATR 365 e ATR 465 a hinn di convoeuj a assett variabel desviluppaa de la CAF per la red ferroviaria principal de la Sardegna.

Storia

'Sti tréni hinn staa ordenaa de la Region in del 2010 cont on orden de cinch treni con opzion, doperada, per alter trii, pagaa 57 milion de euro, de che 53 pagaa del Stat e che 'l gh'ha dent anca la manutenzion per cinch agn.

La gara l'è vengiuda de la CAF, ma la società che l'ha perduu l'ha da su recors al TAR, che 'l nulla la gara, che però l'è confermada del Consili de Stat.

El primm convoeuj a quatter cass l'è staa provaa a Fiorenza per l'omologazion a fin 2014.

In del 2015 hinn entraa in servizzi effettiv in su la ferrovia Ozieri Chilivani-Porto Torres Marittima e in su la ferrovia Cagliari-Golfo Aranci ma senza pendolament, che 'l sarà attivaa dòpo de l'adeguament de la linia e l'installazion de SCMT.

Tecnega

Hinn formaa de dò motris de testa con la gabina e 'na motris in del mezz sènza gabina (365) o de dò motris in del mezz (465). Cont el pendolament attiv el pò piegàss finna a 6° per lat, inscì de podè fà di servizzi regionai svelt.

Hinn dotaa de servizzi de informazion ai passegee, telecamber a circuitt saraa, sistema anti incendi, toalett per i disabil e pittura anti bordegament.