Borgh San Gottard

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

El Borgh San Gottard, ciamaa anca domà el Borgh o el borgh di formaggiatt (Borgo San Gottardo) l'è on vegg rion de Milan, situaa lì indove adess el gh'è el cors San Gottard, in de la zona sud de la città.
L'era vun di vari borgh milanes che se trovaven foeura di bastion (in quell cas chì, quei de Porta Cicca), donca in l'estrema periferia de la città. Per quest, la gent che la ghe viveva la gh'aveva minga ona bella reputazion; in fond, a l'era quasi on alter paes respett a Milan.
I primm cà hinn del 1600-1700, anca se la gesa de San Gottard al Cors l'esisteva giamò in del 1250 (anca se la forma del dì d'incoeu l'è del 1896): per quest, anca se l'è in periferia, el borgh el gh'ha on'aria puttost veggia. L'era conossuu anca 'me borgh di formaggiatt perchè chichinscì gh'era ona motta de caser indove 'l se faseva marudà el formagg (soratutt grana e gorgonzoeula). Fina al 1936 el ghe passava el tramm "Gamba de Legn", che 'l menava la gent de Milan a Pavia.

Ligamm de foeura[Mudifega | mudìfica 'l sorgènt]