Brera

De Wikipedia
Lumbard ucidental Quest articol chì l'è scrivuu in lombard, grafia milanesa.
Via Madonina a Brera

Brera (inscì anca in Italian; Braida in Latin) l'è on quarter del centro de Milan (Municipi 1), in posizion nòrd-est respett al Dòmm.
La soa via principal l'è la via Brera. L'è famos soratutt per la soa Pinacoteca, che la gh'ha dent ona mòtta de quader de pittor italian e forest. Insema a la pinacoteca la gh'è on'Accademia di Bei Art, on osservatòri astronòmigh, on òrt botanigh e ona biblioteca. Quei ròbb chì l'hann faa sì che 'l quarter el sia vun di sitt pussee a la mòda de Milan, oltra che on pont de retroeuv per i artista de tucc i gener.

El nòmm latin braida el voeur dì "camp voeui"; per on bell poo de temp el sitt l'è staa ministraa di fraa Umiliaa.