Rottol (Corp Sant)

Quest articol chì l'è scrivuu in lombard, grafia milanesa.

	«Oh Làmber, Ròttul, mia stagiun sgalisa!»
	(Franco Loi, I cart, 1973)

I Rottol (italian: Rottole) hinn ona localitaa de Milan, che la se troeuva in de la periferia nord-est (muncipi 2).

El sò nomm el riva, probabilment, de "rotta", in del sens de la rottura di argen per via de l'aqua.

Storia

El borgh di Rottol a l'era on paesorin de campagna che l'era denter ai Corp Sant de Porta Renza (in su la strada che la va a Carsenzagh). In di secol indree, a l'era cressuu intorna a la gesetta de San Carla (fada su in del Medioev e trada giò in del 1963).
I Rottol hann taccaa a cress quand che 'l comun de Milan l'ha scernii quell sit per mettegh el deposit de la ruera de Milan. De quell moment, gh'è vegnuu lì on mucc de gent per lavorà, e 'l borgh l'ha cambiaa tutt el sò aspett.