Cità di Studi
|
Quest articol chì l'è scrivud in lombard, con la Noeuva Ortografia Lombarda |
La Cità di Studi a l'è un quarter de Milan che 'l partegn al Municipi 3: in principi el nom l'indicava el compless di palazzi del politecnegh de Milan ma, cont el temp, el s'è slargad a tuta la zona, che in del menter l'ha vist vegnì anca i sed di facoltà sientifeghe de l'Università di Studi de Milan. Ligad ai università gh'è anca un ort botanegh.
Oltra ai università in la zona gh'è el Teater Leonard, l'Istitut di Tumor, la Cà Corbellini-Wassermann, i gese di sant Neree e Achillee, de san Pio X e del Sant Spirit e 'l Istitut neurologegh Carlo Besta.
L'è servida de la stazzion Piola de la linia verda del metrò: arent gh'è anca la stazzion de Lambraa (doperada di treni suburban, regionai e nazzionai e anca lee de la linia verda) e quella de Argonne de la linia bloeu. Gh'è anca varie linie de bus e tram.
Bibliografia
[Modifega | modifica 'l sorgent]- Ulderico Tegani, La "Città degli Studi" italiana, in Le Vie d'Italia e dell'America Latina, anno XXX, n. 7, luglio 1924, pp. 859-867.
Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Città Studi
