Cloro

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental
Aspèt del clòro al stat lìquit

El clòro l'è 'n elemènt chìmich enserìt endèla tàola periòdica dei elemèncc col sìmbol Cl. El g'ha nömer atòmich 17, che völ dì che 'l nùcleo de 'n àtom de clòro el g'ha didisèt prutù. El fà part de la categurìa dei alògen.

A temperadüra e presiù stàndard el clòro el se prezènta come 'n gas, coi àtomi ligàcc a du a du (fùrma diatòmica), che g'ha culùr vért che tìra al zalt, dò ólte e mèza piö gréf de l'ària. L'è vilinùs fés e 'l g'ha 'n udùr che stoféga.

Enséma al sodio el fùrma la molécola del sal de cuzìna (cloruro de sodio: NaCl), e 'n chèsta fùrma l'è cunusìt zamò de l'antichità (alméno a pàrter del 3000 prìma del Signùr).