Afnio

De Wikipedia
Va a: navegá, truvá
Chest artícol a l'è scricc in Lumbàrt Orientàl, ortograféa unificàda Lombard oriental
Aspèt de l'afnio

L'àfnio l'è 'n elemènt chìmich enserìt endèla tàola periòdica dei elemèncc col sìmbol Hf. El g'ha nömer atòmich 72, che völ dì che 'l nùcleo de 'n àtom de àfnio el g'ha 72 prutù. El sò nòm el l'ha ciapàt de la paròla latina Hafnia, che l'ìa 'l nòm antich de la cità de Copenhagen, endoche endel 1923 el chìmich ungherés György Hevesy e 'l fìzich todèsch Dirk Coster i g'ha scuprìt chèsto elemènt.

Se 'l càta sóta fùrma de sich izòtopi stàbii, dei quài chèl che en natüra el bónda de piö l'è el 180Hf (35,1% del totàl) piö giü radioatìf, el 174Hf che 'l g'ha 'n perìot de smezamènt de 2 × 1015 agn.

L'è 'n metàl de aspèt arzentàt piötòst fàcil de laorà. l'è però difìcil de separà del zircònio al qual el se 'nsomèa 'n gran fés del pónt de vìsta de le caraterìstiche chìmiche e fìziche, la diferènsa piö marcàdsa l'è 'ndèla densità, che l'è a l'endópe de chèla del zircònio.