Müsega lumbarda

Quel articul chì l'è scrivüü in Lumbard, cun l'urtugrafia insübrica ünificada.

Ciamum müsega lumbarda la müsega cantada in Lumbard.
A considerum sia la müsega pupulara lumbarda (i canzun tradiziunaj che hinn nassüü in di secuj ma anca canzun püssee recent 'me O mia bela Madonnina) sia el revival del periud del "dopuguera" in pöö. In quel grüp chì gh'è dent gent artista 'me l'Enzo Jannacci e'l Nanni Svampa (prima cunt I Gufi e pöö deperlü) per la Lumbardia ucidentala e el Ravasio per quela urientala che hann faa sia canzun növ che recuperaa canzun pupular, anca sunaa in manera püssee muderna.

Incö

Fundamental a l'è staa a partì di agn '90 el sücess del Davide Van de Sfroos, sücess che l'ha ripurtaa la müsega lumbarda in di cà de la gent e grüp de giuin a duprà el Lumbard in di canzun. In del 1993 hinn nassu anca i Longobardeath, specializaa in musega Hard-Rock e Punk in Milanes. In del 2007-2008 el nass e 'l sortiss föra el prim demo de Dellino Farmer, che l'è deventaa famus per i so canzun rap in lengua lumbarda. Gh'hinn anca grüpp de gener müsegai diferent ch'hann faa sö di canzun cunt el test in lumbaart, cume i Furor Gallico cunt el bindell Curmisagios, o anca i Folkstone (una band folk-metal de Berghem) cunt Luna.

Ligam de föra

• Una lista de cantant lumbard Arqiviad qé: [1]
• Una lista de canzun pupular lumbard Arqiviad qé: [2]
• (IT) La musica in lingua lombarda - CSPL