El venter de Milan
El venter de Milan l'è on romanz scrivuu del Camillo Cima cont el soranomm de Pinzo, sortii in del 1897.
El liber, giamò publicaa a pontad in sul giornal L'Uomo di Pietra in del 1879, a l'è el primm romanz scrivuu in lengua lombarda.
La trama[Modifega | modifica 'l sorgent]
El romanz, ambientaa in del 1878, el cunta su la storia d'amor desfortunada de la Peppinetta, ona tosa milanesa. A lee la ghe fa la cort el sur Gigio, el fioeu d'on becchee che l'ha faa fortuna e l'è deventaa ricch; ma lee la se inamora d'on soldaa originari de Venezzia. A on bell pont, però, la situazzion la cambia del tutt: el sciorett venezzian el scappa via de Milan, dopo de vess staa piccaa in strada del fradell de la Peppinetta; e 'l sur Gigio el moeur a l'improvisa la nott de Natal in Galleria, dopo d'avè pacciaa tutta la nocc per tirass su de la delusion d'amor.
La Peppinetta, desperada, la giura de avè pientaa lì de vorè sposass: e oviament, on para de mes dopo el salta foeura che la s'è giamò fidanzada cont on olter scior.
Tutta intorna a 'sta vicenda, el romanz el cunta su la vita de la città, cont el fermàss soratutt in del descriv i sò personagg, i sò negozzi e i sò restorant, quell che se mangiava e che se cusinava.