Folkstone

Quel articul chì l'è scrivüü in Lumbard, cun l'urtugrafia insübrica ünificada.

I Folkstone henn una band folk metal de Berghem. La so müsega la mett insema elemencc che vegnen dela tradiziun folk e del metal/rock e i so test henn suratüt ispiraa a temategh del dì d’incö, che i henn staa vivüü de i cumpusitur.

Storia[Modifega | modifica 'l sorgent]

I Folkstone i henn nassüü ai inizi del 2004, quand che l’è vegnüü fö el prim demo Briganti di Montagna (in lumbaart: Brigancc de brigh) ind el 2007. Spunciaa del sücess che i hann avüü, i scumenza la scritüra del prim CD: Folkstone, cumpagnaa da un tour che 'l le poterà anca a l'ester.

Dopu di cambiamencc ind la furmaziun, i Folkstone püblican el növ album Damnati ad Metalla ind el 2010.

El 2011 l’è un ann de stantaa per i Folkstone. El batarist Fore e’l bassist Ferro lassen el grupp, chest ültem lassand un mesagg per i fans ins el sit üficial del grupp, e i vegnen sustitüì de Edoardo Sala e Spugna, che pöi al sarà anca lü sustitüì de Federico Maffei. El növ album Sgangogatt al ven fö ind el magg del 2011: l’è una regolta de bindel tradiziunai e uriginai in ciav medieval. La ven anca registrada in stüdi una versiun acüstega dela canzun Vortici Scuri (da Damnati ad Metalla), che se pö scargaa giò ins el lur sit web. Al ven föra anca el DVD del Feuertanz Festival 2010 indue han törüü part.

In del 2012 i Folkstone se ventüren in Svezia per l’incisiun del nöf album, Il Confine, che ‘l ven föra el 16 marz 2012. L’album gh’ha la particularità de vess staa co-prudütt de i fans del grupp bergamasch. .^[1]. El grupp ha defatt lassaa i fans de preurdenaa el disch senza vegh scultaa nagott de chel. Püssé de 400 fans han respondüü al’apel e han ciapaa una majeta cume premi. ^[2] La data che l’ha vert el növ tour l’è stada chela del 16 marz al "Live Club" de Trezz.

I Folkstone i henn tra gli organizzatur del Fosch Fest^[3], festival folk metal indue gh’henn tücc i ann. Ind la V ediziun, chela del 2013, lassan spazi ad olter band Folk-Metal.

El 3 nuvember del 2012 el grupp l'ha seraa sö el tour a Villafranca De Verona, indue l’è staa anca registraa el lur prim DVD.

Furmaziun[Modifega | modifica 'l sorgent]

Nünch[Modifega | modifica 'l sorgent]

Lore - cantant, cornamusa, rauschpfeife
Federico - bass, cor
Roby - cornamusa, vus, bombarda, rauschpfeife
Teo - cornamusa, bombarda, ghironda, rauschpfeife, cor
Edo - bataria, percussiun
Andreas - cornamusa, rauschpfeife, percussiun, vus
Maurizio - cornamusa, flöt, cittern, rauschpfeife, cor
Luca - ghitara, cor
Silvia - arpa, tamburell, percussiun

Ex member[Modifega | modifica 'l sorgent]

Clara - arpa
Becky - arpa
Ghera - ghitara
Spugna - bass
Nottola – ghitara eletrega
Ferro - bass, cori
Fore - bataria, percüssiun
Walter – ghitara, cor

Discugrafia[Modifega | modifica 'l sorgent]

Briganti di Montagna (demo, 2007)
Folkstone (2008)
Damnati ad Metalla (2010)
Sgangogatt (Acoustic Collection, 2011)
Il Confine (2012)

Test de "Lüna"[Modifega | modifica 'l sorgent]

El grupp ha faa sö una canzun in lumbaart, ciamada "Lüna" (Il confine, 2012). Te'l chì el test:

S'ciaröss de lüna, sberlüss de stele
s'encanta l'aria, se sliga'l vent.
Sgörless le foie, sömea ca i löcia
Fregoi de eta, falie d'arzent.

A s'va par ol senter, i pass arent al cör
S'engropa 'n poo la vus, s'entorcia fo i penser
Ma resta amò l'amur, l'amur al stanta a mör!
I pass sora 'l senter, i pass arent al cör.

La nocc serena, la te cunsula
L'anima en pena, con tanta pass.
El sonch ca regna, despuss ai frassen
Te smorsa l'ansia, ca ve de lons.

La val sbasida, la nina ‘l sère
S'ciaröss de lüna, sberlüss de stele
E lü ‘l refiada, en de la so cüna
Sberlüss de stele, s'ciaröss de lüna.^[4]