2023

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh denter un quajcoss pussee, preocupéves minga e provégh.

El 2023 a l'è un ann del secol quell de XXI.

Cossa gh'è capitad

Sginer

1 de sginer: la Svezzia la ciapa la presidenza de turno de l'Union Europea
1 de sginer: la Croazzia la taca a doperà l'Euro e la va dent a l'area Schengen
1 de sginer: el Luiz Inácio Lula da Silva el giura 'me president del Brasil
5 de sginer: obet del Papa Emerit Benet XVI
8 de sginer: la China la derva ancamò i so frontere, dopo de trii agn de sarradura per el COVID-19
8 de sginer: di sostenitor del Jair Bolsonaro salten el Congress, el Palazzi Presidenzial e la Cort Suprema Federal
13/14 de sginer: elezzion presidenziai in Cechia, vann al ballotagg el Petr Pavel e 'l Andrej Babiš
15 de sginer: darrer dì de legalità de la kuna croata
16 de sginer: i autorità italiane aresten el Matteo Messina Denaro a Palermo, inscì de meter fin a trent'agn de latitanza
28 de sginer: ballotagg di presidenziai ceche, el Pavel l'è elesgiud president
30 de sginer: a Peshawar un atentator el se fa s'ciopà in d'una moschea a fà centiner de vitime

Fevrer

3 de fevrer: i Stat Unid interceten un ballon spia chines e 'l sbaten sgiò el di dopo
5 de fevrer: prim turno di elezzion presidenziai de Ziper
6 de fevrer: gran terramot in tra Turchia e Siria, che 'l causa pussee de quarantamila mort
12 de fevrer: el Nikos Christodoulides l'è elesgiud president de Ziper
21 de fevrer: el Vladimir Putin el nonzia che la Russia la sospend el tratad New START contra el proliferà atomegh
25 de fevrer: el Bola Tinubu l'è elesgiud president de la Nigeria
26 de fevrer: a sorpresa la Elly Schlein la vinc i elezzion primarie del PD, inscì la deventa la prima secretaria dona del Partid
27 de fevrer: Regn Unid e Union Europea riven a 'n acord per l'Irlanda del Nord
28 de fevrer: du treni se s'centren a Tessaja, gh'è 57 mort

Marz

2 de marz: el Võ Văn Thưởng l'è elesgiud president del Vietnam
4 de marz: i Stat di Nazzion Unide firmen un tratad per tutellà i ocean del bordegament
5 de marz: per la prima voeulta in Estonia du partid de center-destra ciapen la magioranza assoluda
10 de marz: la China la elesg el Xi Jinping president per la terza voeulta, una roba mai capitada
10 de marz: Iran e Arabia Saudita derven ancamò i relazzion diplomateghe
10 de marz: la falliss la Silicon Valley Bank, la banca di Stat Unid pussee granda quella de sedes, a dà foeura la crisi pussee granda del crac del 2008
17 de marz: la Cort Penal Internazzional la dà foeura un mandad per arrestà el Vladimir Putin per crimen de guerra in Ucraina
19 de marz: UBS la nonzia de crompà Credit Suisse
27 de marz: massacher de la Covenant School in Tennessee

Avril

4 de avril: la Finlandia la va dent a la NATO
15 de avril: la Germania la smorza i so darrere centrai nuclear
25 de avril: in Kenyia l'è descoverta una seta suicida che la lassa pussee de 200 mort e de 600 desperdud

Masg

3 de masg: el sgioven Kosta Kecmanovič el copa des persone a scoeula in Serbia
5 de masg: l'OMS la deciara la fin de l'emergenza global COVID-19
6 de masg: el Carlo III e la mier Camilla inn incoronad a Westminster
7 de masg: la Siria la torna in la Liga Araba
16 de masg: la scomincia la fas pussee grama del deluvi in Emilia-Romagna

Sgiugn

11 de sgiugn: l'Honduras el derva la soa imbasciada in China dopo havé sarrad su i relazzion con Taiwan
13 de sgiugn: una barca la se reversa in Nigeria in del mez de 'n matrimoni, almen 106 mort
14 de sgiugn: funerai de Stat del Silvio Berlusconi al Dom de Milan
18 de sgiugn: el sotamarin Titan el s'ciopa e 'l copa tucc i cinch omen sora
23 de sgiugn: el Grup Wagner, formazzion mercenaria russa guidada de l'Evgenij Prigožin, la se ribella al governo per i scerne del ministeri de la defesa
25 de sgiugn: el Kyriakos Mitsotakis l'è fad prim minister de la Grecia dopo che el so partid, Noeuva Democrazzia, el vinc i elezzion

Luj

1 de luj: la Spagna la ciapa la presidenza de turno de l'Union Europea
9 de luj: la Noeuva Zelanda e l'Union europea firmen un tratad de liber scambi
14 de luj: el sindacad di autor e scritor de Hollywood el nonzia una greva contra l'AI generativa e i salari bass
20 de luj: scomincen i mondiai del folball feminin in Australia
26 de luj: golpe in Niger che 'l met su 'me president l'Abdourahamane Tchiani

Avost

8 de avost: gran foeugh in di Hawaii, che lassen mort 98 persone
20 de avost: finissen i mondiai del folball feminin, la Spagna la bat l'Inghilterra 1-0
23 de avost: el sgolater con sora i leader del Grup Wagner el se s'centra vesin Tver' e moeuren
31 de avost: el brusa un palazzi a Johannesburg, 77 mort e 85 ferid

Setember

1 de setember: elezzion presidenziai a Singapore, l'è elesgiud el Tharman Shanmugaratnam
8 de setember: gran terramot in Maroch, che 'l lassa squasi 3'000 mort
19 de setember: l'Azerbaigian el lancia una gran ofensiva armada contra el Nagorno-Karabakh, che 'l nonzia che 'l se desligarà e 'l se integrarà in del Paes
30 de setember: elezzion parlamentar in Slovachia, el partid SMER del Robert Fico el riva prim

Otover

7 de otover: Hamas el taca Israell a sorpresa e 'l scomincia un conflit, el Stat ebraich el deciara el stat de guerra che 'l gh'era no de la Guerra del Kippur
14 de otover: in Australia i citadin bocen in d'un referendum una reforma che gh'havaria dad pussee de dirit ai indigen
14 de otover: elezzion parlamentar in Noeuva Zelanda, che inn vinciude del Partid Nazzional
15 de otover: el president de l'Azerbaigian İlham Əliyev el tira su la bandera del Paes in su Step'anakert, veggia capital de l'Artsakh ciapada in d'una ofensiva anti-terrorism
17 de otover: una bomba la s'ciopa in l'ospedal Al-Ahli de Gaza e 'l lassa in tra i 100 e i 500 mort
22 de otover: elezzion federai svizzer, l'Union Democratega de Center la guarna la soa magioranza
25 de otover: la tempesta Otis la colpiss el Messich e la lassa almen 350 mort

November

1 de november: inconter de vari governi a Londra in sui ris'c de l'intelligenza artificial, 28 firmen una prima proposta de regolamentazzion
2 de november: i Beatles dann foeura un noeuv album a doperà la vos restaverada del John Lennon e la ghitarra del George Harrison, che inn mort
7 de november: el premier portoghes Antonio Costa el se dimet per un scandol de corruzzion
9 de november: i cerusegh del NYU Langone Health nonzien el prim traspiant de oeugg intregh
17 de november: la temperadura del pianeta la passa per la prima voeulta i 2° sora quella prima de l'industria
19 de november: el Javier Milei l'è elesgiud president de l'Argentina
22 de november: Israell e Hamas aceten una tregua de quater dì

Dicember

3 de dicember: el Venezzuela el vota, in d'un referendum simbolegh, a favor de ciapàss l'Esequibo, in man a la Guyana
6 de dicember: Google el dà foeura el so modell de intelligenza artificial
16 de dicember: el moeur l'emir del Kuwait, el va in sul trono el Misha'al Al-Ahmad Al-Jaber Al Sabah
17 de dicember: elezzion in Serbia per el Parlament, el vinc el partid sortent del president Vučic
18 de dicember: el Papa Franzesch el dà foeura la deciarazzion Fiducia supplicans, che ghe permet ai pret de dà una benedizzion ai cobie omosessuai
20 de dicember: elezzion del parlament de la Republega Democratega del Congo
21 de dicember: un sgioven el fa una strage a colp de fusil a l'Università Carolina de Praga che la lassa sedes mort

Chi l'è che gh'è nassud

Questa sezzion chì l'è ancamò voeuda. Juta a scrivela

Chi l'è che gh'è mort