Jair Bolsonaro

De Wikipedia
Lumbard ucidental Quest articol chì l'è scrivuu in lombard, grafia milanesa.
El Bolsonaro in del 2019

Jair Messias Bolsonaro (Glicério, 21 marz 1955) l'è 'n politegh e militar brasilian, elegiuu el 28 ottober 2018 'me President del Brasil cont el Partii Social Liberal, contra del Fernando Haddad del Partii di Lavorent e President dal 1 de genar 2019 al 1 de genar 2023.

El gh'ha di idej de conservatorism societari, de militarism e de liberism, el sò minister de l'economia a l'è el Chicago Boy Paulo Guedes. L'è staa despess sociaa al Donald Trump e al popolism de destra.

Candidaa cont el Partii Social Liberal, l'ha poeu s'ceppaa con lor, e l'ha provaa a fà su la Lianza per el Brasil, de lu ciamaa "on partii conservator che 'l gh'ha respett per tucc i religion, el tegn de cunt i valor de la familia, el difend la legittima defesa, el possess e 'l port di armi cont di requisitt e 'l liber scambi con tutt el mond, senza 'na connotazion ideologica" con vari partii vesin, ma l'è rivada a nagot.

In del 2022 el se recandida, ma a l'è battuu del Lula.

Riferiment[Modifega | modifica 'l sorgent]

Alter progett[Modifega | modifica 'l sorgent]

Vos corelaa[Modifega | modifica 'l sorgent]