COVID-19

De Wikipedia
Lombard Quest articol chì l'è scrivud in lombard, con la Noeuva Ortografia Lombarda
I sintom de la malattia

COVID-19 a l'è 'n malagn infetiv respiratori che 'l vegn grazzia al coronavirus SARS-CoV-2, descovert a fin 2019 in d'un epidemia a Wuhan. Quell malann infetiv respiratori chì l'è el responsabil de la Pandemia de COVID-19 del 2019-2020.[1]

Se ritegn che 'l vegna di animai, inn staa sospetad un poo de bestie compagn di serpent, di tegnoeul o di pangolin, ma voramai la specie indova che l'è pussee spantegada a l'è quella di òmen. El period de incubazzion, in del che la malatia la pò spantegàss limitatament, el varia de 2 a 14 dì, cont di studi che parlen di pont de 24 dì. Per limitànn la circolazzion a inn importànt i mesure de netàss i man e quatàss el nas e la boca quand che 'l se stranuda e, se la gh'è 'n epidemia i mesure de distanziament social. In principi ostesgiada, incoeu squasi tut i autorità consilien de metèss la mascarina.

La malattia la causa di sintom compagn de quei de la gripa, cioè fever, toss e stà mal general[2] ma la pò menà anca a di robe pussee grame compagn de 'na polmonita che la pò menà al shock e a la mort[3][4]. In d'in quaj cas la gh'è stada anca la cagheta.

I prim vacin inn rivad a fin 2020 e inn no ancamò testad in su larga scala[5] e i cur a hinn domà sintomategh: Gh'è però di test per descovrìll.

Se stima che la gh'abia on tass de mortalità de circa el 4% in tra i cas rilevaa[6] e che circa el 10% de quei cont el virus rilevad finissen in terapia intensiva.

Vos corelade[Modifega | modifica 'l sorgent]

Riferiment[Modifega | modifica 'l sorgent]

  1. OMS
  2. Coronavirus Treatment Recovery
  3. Dipartiment de Giustizia
  4. covid19.hk Arqiviad qé: [1]
  5. WHO
  6. statistegh