Evgenij Prigožin
|
Quest articol chì l'è scrivud in lombard, con la Noeuva Ortografia Lombarda |
L'Evgenij Prigožin (in russ: Евге́ний Ви́кторович Приго́жин; Leningrad, 1 de sgiugn 1961 – Tver', 23 de avost 2023) a l'è stad un imprenditor, politegh e oligarca russ, capo de la compagnia militar privada Wagner Group e considerad a longh vesin al president Vladimir Putin.
A l'era cognossud in del mond 'me el "coeugh del Putin" perchè l'haveva lavorad in del mond del catering e de la restorazzion per el Putin e per l'oligarchia russa, ma el controllava una red de varie aziende, anca cusade de havé interferid in di elezzion americane del 2016 e de havé provad a fàll in quelle del 2018, e per quella reson chi inn stade sanzionade di Stat Unid e lu l'era ricercad. L'è stad sanzionad de l'UE dopo che l'è scominciada l'Invasion russa de l'Ucraina
In del 2014 el fonda el Wagner Group e l'amet de havéll fad in del 2022, in del mez de l'invasion de l'Ucraina. Per di font compagne de Bellingcat, The Insider e Der Spiegel i azzion del grup inn ben coordenade cont el ministeri de la defesa e i servizzi secret militar russ. El 23 de sgiugn del 2023 el se ribella a la leadership militar russa e 'l riva minga deslongh de Mosca, ma a la fin, dopo de 'na mediazzion del Lukašenka, el se retira e 'l va in esili in Bielorussia, in cambi i autorità russe el cusen no per i so azzion, che includen havé ciapad Rostov in sul Don.
El so reoplan el s'è s'centrad el 23 de avost del 2023 vesin a Tver', e i autorità russe hann did che l'era su e l'è mort
Riferiment[Modifega | modifica 'l sorgent]
- Case against Prigozhin will be dropped and he will be sent to Belarus, Kremlin spokesperson says
- Chi è Yevgeniy Prigozhin, lo “chef di Putin”
Alter proget[Modifega | modifica 'l sorgent]
Wikiquote el gh'ha dent citazzion de o su Evgenij Prigožin
Wikimedia Commons el gh'ha dent imagin o alter archivi su Evgenij Prigožin
