Vladimir Vladimirovič Putin

De Wikipedia
(Rimandaa da Vladimir Putin)
Va a: navegá, truvá
Lumbard ucidental Quest articol chì l'è scrivuu in lombard, grafia milanesa.
El scior Putin in del 2006.

El Vladimir Vladimirovič Putin (Владимир Владимирович Путин; Leningrad, sett de ottober del 1952) l'è on politegh e ex agent segrett russ.
L'ha lavoraa in del KGB, con di incaregh anca in de la Germania de l'Est. Con la fin de la Guerra Freggia l'ha scomenciaa a fà el politegh, anca con l'aiutt del sindegh de San Pederburgh, l'Anatolij Sobčak. In tra i sò vari incaregh gh'è staa quell de direttor del FSB, i noeuv servizzi segrett de la Russia.
La soa cariera politega, scomenciada in di primm Agn Novanta[1], l'è stada svelta: l'è devegnuu primm minister del sò paes in tra el 1999 e 'l 2000 (sotta la presidenza del Boris El'cin). Ai dimission de l'El'cin, l'è deventaa president (prima ad interim, poeu confermaa in di elezzion), per poeu restàll per i vott agn sucessiv. Già che la Costituzzion Russa la dis che ona persona la pò 'vèggh domà duu mandaa de fira 'me president[2], l'ha vuttaa a fà elegg el sò sucessor Dmitrij Medvedev, che l'ha nominaa primm minister l'istess dì del sò insediament, in del 2008. In del 2012 l'è tornaa a vess president de la Republega.
L'è consideraa vun di omen pussee potent del mond.

Curiosità[Mudifega | mudìfica 'l sorgènt]

El Putin el fa judo de quand che l'era on giovinott. [1]

El gh'ha el dan quell di vott, vun di grad pussee alt del judo [3]

Per on giornal russ el gh'ha di origin talian, pussee precisament de Vicenza [4]

Riferiment[Mudifega | mudìfica 'l sorgènt]

  1. 1,0 1,1 http://eng.putin.kremlin.ru/bio
  2. http://www.dirittorusso.it/costituzione/capo_iv.htm
  3. http://it.rbth.com/articles/2012/10/12/a_putin_lottavo_dan_di_judo_18191.html
  4. http://ricerca.repubblica.it/repubblica/archivio/repubblica/2005/12/07/putin-lo-zar-che-venne-da-vicenza.html