Elserino Piol

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.

L'Elserino Piol (Limana, 8 de dicember del 1931) a l'è on ingegnee e imprenditor italian, pader del venture capitalist e pionee de Internet in Italia.

Biografia[Modifega | mudìfica 'l sorgènt]

El Piol l'ha studiaa 'me peritt elettronich, e l'ha scominciaa a lavorà 'me programmator di sched perforaa in del 1952 a la Olivetti Bull.

In del 1959 el deventa Direttor de la Division Commercial Elettronica de l'Olivetti Bull, che poeu la deventa la Division Elettronica, giudada dal Roberto Olivetti e de la Marisa Bellisario. Quand che gh'è la vendita de la Division ai american el resta in Italia e 'l deventa Direttor del Marketing, e in 'sta posizion el gestiss la sortida de la Programma 101 e de fàlla passà per calcolatris per vendela no ai american.

In di agn 1970 el se concentra in sul desvilupp di macchin contabil e telescrivent.

In di agn 1980 el cognoss Steve Jobs, che 'l domanda a la Olivetti de investì on milion in la Apple, ma el Carlo de Benedetti el refuda.

El lassa l'azienda in del 1996 comé Vicepresident.

De li el decid de dedicàss a l'investiment in di start up, comé Tiscali, Yoox Net-A-Porter Group e Vitaminic. L'unegh unicorn italian, ossia 'na start up valutada pussee de on miliard de dollar, a l'è sò.

Riferiment[Modifega | mudìfica 'l sorgènt]