Guerra del Kippur
|
Quest articol chì l'è scrivud in lombard, con la Noeuva Ortografia Lombarda |
La guerra del Kippur a l'è stada una guerra in tra Israell e 'na coalizzion araba fada su de Egit e Siria ma sostegnuda de la pupart del mond arab.
I arab hann tacad a sorpresa el territori israelian el 6 de otober 1973 e in principi inn stad bon de meter in dificoltà el Stat ebraich, che però poeu l'ha contratacad e l'è stad bon de otegnì pussee de spazzi in di Alture del Golan, menter l'Egit l'ha otegnud un quaj territori atorna al canal de Suez, menter Israell l'ha otegnud del territori oltra del canal e a la fin del conflit, el 25 de otober, l'era a 100 km del Cair e pront a tacàlla.
La guerra l'ha menad Israell a perder la soa concezzion de imbatibilità, havuda dopo de la guerra di ses dì, e a tratà a la pari con l'Egit, roba che l'ha menad in del 1979 a la pas, menter i arab hann capid che l'haveva pu de sens de provà a destrugà Israell cont i armi ma hann tacad a boicotà el petroli per i Stat filo-israelian.
Riferiment
[Modifega | modifica 'l sorgent]Alter proget
[Modifega | modifica 'l sorgent]
Wikimedia Commons el gh'ha dent imagin o alter archivi su Guerra del Kippur
