Piev de Legnan
La piev de Legnan l'è stada ona piev religiosa de l'Arcidiocesi de Milan.
El sò patron l'era San Magn.
Al contrari de la pupart di piev, quella chì la gh'eva minga di fonzion civil, ma domà religios: de fatti l'era vuna de quei piev nassuu in del Cincent, despoeu del Concili de Trent, per sostituì di vegg piev che ormai aveven perduu importanza (in del noster cas, quei de Parabiaj e de Olgiaa). In ogni cas boeugna savè che i fonzion civil hinn staa conservaa de Parabiaj e Olgiaa.
La comprendeva i parocchi de Legnan, Parabiaj, Arlun, Canegraa, Cantaloeu, Casorezz, Scerr, Rescaldina, San Giorgg, San Vitor, Ambold e Villastanza.
