Piev de Locaa

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
La gesa de San Lissander in del comun de la Piev.

La piev de Locaa l'è stada vuna di piev religios e ministrativ del Milanes.
El sò patron l'era el San Lissander.
On temp el capploeugh l'eva el paes de la Piev (come 'l sugeriss anca el nomm): a bon cunt besogna regordàss che fina al 1499 Locaa e la Piev faseven part de l'istess comun, e che domà dopo s'hinn dividuu. El comun de Locaa, feud di Trivolz, l'era pussee gross e important, e inscì la sede del capploeugh l'è restada lì.
La piev la confinava a sud e a ovest cont el vicariad de Binasch, a nord-ovest con la piev de Cesan Boscon, a nord cont el territori de Milan e con la piev de San Donaa, a est con la piev de San Giulian.
La tirava denter i comun de la Piev, Locaa, Fizzonasch, Pizzabrasa, Tolcinasch, Basej, Roman, Cassin Scanas, Overa, Quint, Pont Sest, Rozzan e Torrigg.