Piev de San Giulian

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
La gesa de San Giulian.

La Piev de San Giulian a l'era vuna di division religios e ministrativ del Milanes.
Nassuda e regordada giamò ai temp di longobard, la s'è slargada in di secoi, e l'ha tiraa denter anca i territori de la Badia de Viboldon.
L'è andada adree al destin de tutt i olter piev milanes: l'ha perduu i sò fonzion politegh in del 1797 e quei religios in del 1972, quand l'è stada sostituida de 'n distrett eclesiastegh.
A la fin del Settcent la gh'aveva dent i comun de San Giulian, Carpianell, Zived, Bustighera, Carpian, Arcagnagh, Zunigh, Scerr, Cives, Rancaa, Viboldon, Videsert, Colturan, Medeja, Robian, Meregnan, Mezan, Pedrian, Riozz, Santa Brera, Vizzoeu, Mercugnan, Canoeubi, Gavazz, Vijan, Bascapè, Trognan, Castell, Landrian, Sest, Mangialov, San Zen, Villarzin, Pairana, Torr Veggia, Vigonzon. Tanti de 'sti paes al dì d'incoeu a hinn in di provinc de Lod o de Pavia.