Elezzion ministrative de Milan del 2021

De Wikipedia
Salta a la navigazzion Và a cercà
Lombard Quest articol chì l'è scrivud in lombard, con la Noeuva Ortografia Lombarda
Elezzion ministrative de Milan del 2021
Stat Bandera de Italia Italia
Comun
Flag of Milan.svg
Milan
Data 3 e 4 de otober 2021
Giuseppe Sala.jpeg
Candidads Giuseppe Sala Luca Bernardo
Partid Europa Verda Independent
Coalizion Center-sinistra Center-destra
Voti 277'478
57,7 %
153'637
32,0 %
Sindegh de prima
Giuseppe Sala
Left arrow.svg 2016 2026 Right arrow.svg

I elezzion ministrative de Milan del 2021 gh'è stadr el 3 e 'l 4 de otober 2021 per catà foeura el sindegh de Milan per el mandad 2021-2026, oltra che i member del Consili Comunal e i noeuv President di Municipi cont i so Consili.

De solet i elezzion comunai in Italia se fann in tra el 15 de avril e 'l 15 de sgiugn, ma inn stade spostade del governo a causa del COVID-19.

Sistema eletoral[Modifega | modifica 'l sorgent]

Per el comun, el candidad sindegh el po vincer al prim turn cont el 50%+1 di vot valid, se nissun ja ciapa, a gh'è un ballotagg. Quell che 'l vensg el ciapa un premi de magioranza del 60% di scagn, ma domà se 'l ciapa almen el 40% di vot al prim turn. Domà i coalizzion che ciapen almen el 3% ciapen un scagn.

In di municipi, l'è assee ciapà el 40% al prim turn, e se gh'è un paregg el vinc el pussee sgiovin.

Scerna di candidad[Modifega | modifica 'l sorgent]

Center-destra[Modifega | modifica 'l sorgent]

El center-destra gh'ha mitud un poo a trovà un candidad: prima de la pandemia de COVID-19 el Giulio Gallera el somejava el candidad in pectore de la coalizzion, ma poeu l'è borlad un poo in desgrazzia[1], a eren stad parpognud prima el Paolo Veronesi[2], poeu el Paolo Del Debbio[3], poeu el Maurizio Lupi[4], poeu el Roberto Rasia Dal Polo[5], poeu l'Alberto Zangrillo[6], l'ex sgiugador de folball Franco Baresi[7] e anca el retor del Politecnegh Ferruccio Resta[8]. El pareva, in principi, sgiamò scernud l'Oscar di Montigny[9], imprenditor assee sostegnud de la Liga, ma l'è andad no ben, poeu l'ex sindegh Gabriele Albertini, che infin l'ha scernud de correr no e 'l somejava che l'havaria fad el vice-sindegh per la coalizzion[10], e infin a l'è stad catad foeura el Luca Bernardo, pediatra de l'Ospedal di Frati.[11]

Center-sinistra[Modifega | modifica 'l sorgent]

Per el center-sinistra la strada a l'è stada assee svelta: el sindegh che 'l sortiva Giuseppe Sala l'ha nonziad de candiàss ancamò a fin 2020, senza una lianza cont el Moviment 5 Stelle, e l'è stad bon anca de conciliàss con Europa Verda, che la voreva fà 'na candidatura autonoma dopo che 'l Sala l'ha fad tajà di piante per lassà spazzi a 'n noeuv campus del Politecnegh. El 12 de marz 2021 el Sala el s'è sgiontad a Europa Verda.[12]

Candidad[Modifega | modifica 'l sorgent]

Coalizzion Liste Candidad Note
Center-sinistra Partid Democrategh
Giuseppe Sala
Beppe Sala Sindegh [13][14]
Milan Unid - La Manzina per Sala [15]
I Reformista - Lavorom per Milan [16]
Europa Verda [17]
Milan in Salut [18]
Volt Italia [19]
Milan Radical
Center-destra Liga
Luca Bernardo
Fradej d'Italia
Forza Italia
Luca Bernardo Sindegh
Maurizio Lupi - Milan Popolar
Partid Liberal Europee
Moviment 5 Stelle
Layla Pavone
Mariani Sindegh Milan in Comun
Gabriele Antonio Mariani
[20]
Civega AmbientaLista [21]
Goggi sindegh Socialista per Milan
Giorgio Goggi
[22]
Milan Liberal [23]
Partid Comunista
Alessandro Pascale
[24]
Poder al Popol
Bianca Tedone
[24]
Partid Gay
Mauro Festa
[24]
Milan el scomincia chinscì
Bryant Biavaschi
Italexit
Gianluigi Paragone
[24]
Partid Comunista di Lavorent
Natale Azzaretto
[25]
Partid Comunista Italian
Marco Muggiani
Moviment 3V
Teodosio De Bonis

Programa[Modifega | modifica 'l sorgent]

Sala[Modifega | modifica 'l sorgent]

El programa del Sala a l'è fondad in sui robe fade in di cinch agn de prima, con l'idea de 'na "cità a quindes megnud" indova che i servizzi poden vesser pussee vesin al citadin, un des'centrament pussee fort e di roeul pussee per i municipi.

A gh'è anca l'atenzion a l'ambient, con pussee piante in la cità e di zone senza veicoi che inquinen e 'l sgiontà insema di vari parch in d'un unegh parch metropolitan, pussee zone 30 e 'n slargà del straport publegh e de la mobilità compartida.

El parpoeun 'n ciapà 500 pussee de Ghisa per havégh 'na cità pussee segura, de investì in di presidi de polizzia e de fà su i Cà de la Salut, per fà pussee forta la sanità territorial.

Bernardo[Modifega | modifica 'l sorgent]

El Bernardo el parpoeu de meter al segur la cità a ciapà 600 pussee de Ghisa e a toeu via tucc i camp di zingher e i center sociai irregolar.

El voeur fà 'n sistema de jut ai disabel, cont un assessorad aposta e 'n toeu via di barrere architetoneghe e 'l tele-socors per i sgent a ris'c. Per la sanità territorial el voeur fà 'n pian per garantì un tot de dotor de bas in d'ogni rion.

El voeur sbassà i tasse e la burocrazzia, inscì de fà Milan 'na capital di "start-up", e 'l sostegn el des'centrament ai municipi e l'elezzion direta del Sindegh de la Cità Metropolitana de Milan.

Per la mobilità, el voeur toeu via l'Area C per tornà a Ecopass, scassà i ciclabil a ris'c e eletrifegà a la svelta el straport publegh, e de ativà la linia M4 subit de fà andà el metrò 24 ore in del fin de la setimana.

Pavone[Modifega | modifica 'l sorgent]

La Pavone la voeur una cità inclusiva, ecologega, che la consuma poch e conetuda ben, senza periferie problemateghe, assee incentrada in sui rion, inscì de evità trop de spostament. La voeur trasformà l'Area B in d'un sistema de pedagg per entrà in la cità, compagn del vegg Ecopass, e pussee de zone 30 e isole pedonai.[26]

Mariani[Modifega | modifica 'l sorgent]

El Mariani el voeur 'na cità pussee accessibel, che la costa manch, e con men de desuguajanze, senza speculazzion di cà.[27]

Goggi[Modifega | modifica 'l sorgent]

El Goggi el voeur dervì ancamò i Navili e dedicàgh 'n assessorad, dedicad anca ai ague, e 'l pensa che 'l saria assee per sistemà la viabilità del center de Milan.[28]

Pascale[Modifega | modifica 'l sorgent]

El Pascale el pensa che Milan el sibia ostagg del capitalismo e che 'l comun el gh'ha de jutà domà i aziende piscinine, a pat che ghe dann assee de dirit ai lavorent, e che i noeuve aziende gh'hann de vesser fade su del Consili Comunal, insema ai lavorent, che besogna sbassà i diferenze de redit in tra i zone e restruturà i cà del comun per dàj a la sgent, e tassà pussee i gran patrimoni.[29]

Tedone[Modifega | modifica 'l sorgent]

La Tedone la voeur un "Milan publegh", che 'l sibia no un "parch sgioeugh" per i sciori. La voeur anca men de precariad e de esternalizazzion di servizzi municipai.[30]

Festa[Modifega | modifica 'l sorgent]

El Festa el voeur un Milan gestid compagn de 'na granda azienda e che 'l sibia semper sensibel ai necessità di minoranze, inclusa quella LGBT, con de la formazzion per savé come tratàj, e fà di cà de recojenza per quei a ris'c e che besògna lavorà per dàgh a Milan 'n imagen miteleuropea e ciapà sgent e investiment de tuta Europa.[31]

Biavaschi[Modifega | modifica 'l sorgent]

El Biavaschi el voeur un Milan minga partid di ideologie, la vertura di Navili, la cità a 15 megnud e slargà la metropolitana verda fina in via Rivamont, di zone franche con i tasse pussee basse e 'n Milan che 'l scomincia di rion.[32]

Paragone[Modifega | modifica 'l sorgent]

El Paragone el parpoeu de sbassà i tasse, soratut ai sgioven e ai familie, de fermà la privatizazzion di aziende publeghe, de tutellà i aziende piscinine e i boteghe, de toeu via i aree B e C, di criteri noeuv per i cà popolar e de difender i sgent del perder la cà, pussee de sicurezza, soratut per i periferie, 'na sanità del territori pussee forta, el no a la certifegazzion verda del COVID-19 in la scoeula, 'na tassa de soggiorn per i obergh de luss e 'n evoluzzion tecnologega per l'ambient.[33]

Azzaretto[Modifega | modifica 'l sorgent]

Azzaretto el voeur un Milan che 'l sibia no in man ai "poder fort" ma al popol, representad di assemblee di citadin, pussee spazzi de socialità e 'n straport publegh che 'l costa men.[34]

Muggiani[Modifega | modifica 'l sorgent]

El Muggiani el voeur "domignà el capitalismo" in su modell chines, cont el meter, per esempi, di limit in sui prezzi del vender di cà, meter pussee cà popolar e dà pussee lavorà publegh e esternalizà men i servizzi.[35]

De Bonis[Modifega | modifica 'l sorgent]

El De Bonis a l'è contrari al vacin contra el SARS-CoV-2, a la certifegazzion verda, al distanziament social e ai restrizzion contra el COVID-19, el stop al 5G e la contrarietà al bancomat, con la proposta de fà pagà men quei che doperen i contant.[36]

Resultad[Modifega | modifica 'l sorgent]

Comun[Modifega | modifica 'l sorgent]

Municipi[Modifega | modifica 'l sorgent]

Tucc i Municipi de Milan inn andad a la coalizzion de center-sinistra.

Riferiment[Modifega | modifica 'l sorgent]

  1. Gallera lancia un sondaggio: vuole diventare sindaco di Milano
  2. Chi è Paolo Veronesi
  3. Sindaco di Milano, Del Debbio: "Non mi candido"
  4. La Repubblica
  5. Chi è questo Rasia Dal Polo di cui tutti parlano a Milano
  6. Il Giorno
  7. Baresi: io candidato sindaco?
  8. “Fare il sindaco non mi compete”. Parla Ferruccio Resta (Politecnico di Milano)
  9. Di Montigny non si candida e dimostra che il centrodestra è una coalizione solo a parole
  10. Gabriele Albertini sul prossimo sindaco di Milano: "Il mio erede? Solo Silvio Berlusconi. Se avesse voglia..."
  11. Luca Bernardo candidato sindaco a Milano, ecco chi è lo sfidante di Sala
  12. Elezioni a Milano, torna la pace tra Sala e i Verdi
  13. "Elezioni Milano, ecco i giovani che guideranno la Lista Sala: Emmanuel Conte e Martina Riva" (in Italian), Milano Today (14 January 2021). 
  14. Comunali, Giro (Demos): presenti a elezioni Roma, Milano, Napoli e Torino (June 21, 2021).
  15. "Milano Unita: la lista di sinistra che appoggerà Sala nel 2021" (in Italian), Milano Today (24 December 2020). 
  16. Riformisti a Milano | Verso la lista liberaldemocratica a sostegno di Beppe Sala (June 5, 2021).
  17. "Elezioni comunali Milano 2021, torna la pace tra Sala e i Verdi" (in Italian), Milano Today (21 December 2020). 
  18. 'Milano in salute', Sala: "Una lista non in polemica con Regione Lombardia" - Italia.
  19. "Il partito europeista Volt correrà alle Comunali 2021 a Milano" (in Italian), Milano Today. 
  20. "Elezioni, Milano in Comune: sì a Gabriele Mariani come candidato sindaco" (in Italian), Affari Italiani (2 February 2021). 
  21. "5 Stelle con la sinistra anti Sala": l'appello della pentastellata Bedori insieme al candidato della sinistra radicale (it).
  22. Comunali Milano, Giorgio Goggi candidato sindaco dei socialisti: "Nella pandemia Sala non s'è visto".
  23. 7giorni. Elezioni comunali, Milano Liberale scende in campo al fianco dei Socialisti di Milano a sostegno del candidato sindaco Giorgio Goggi (it).
  24. 24,0 24,1 24,2 24,3 Senesi, Andrea (2021-03-07). Elezioni Milano, Bianca Tedone prima donna candidata sindaco con Potere al popolo: sfida a sette uomini (it).
  25. https://www.pclavoratori.it/files/index.php?obj=NEWS&oid=7042
  26. Corriere
  27. Eco di Milano
  28. Milano Today
  29. Eco di Milano e Provincia
  30. Intervista alla candidata Bianca Tedone
  31. Intervista al candidato sindaco Mauro Festa
  32. Elezioni Milano, il candidato sindaco Biavaschi: “La città riparta dai quartieri”
  33. Programma in pillone - Paragone Sindaco
  34. Il compagno Azzaretto è il nostro candidato sindaco di Milano
  35. Io, comunista candidato a Milano». Sfida elettorale del medico di Robbio
  36. Il medico candidato novax, no greenpass e (sul serio) "no bancomat"