Partii Comunista (Italia)
| Partii Comunista | |
|---|---|
| Partito Comunista | |
.svg) | |
| Guida | Marco Rizzo |
| Stat |  |
| Fondazion | 3 de luj 2009 |
| Ideolojia | Comunism Euroscetticism |
| Collocazion | Estrema sinistra |
| Jornal | La Riscossa |
| Organizazion di joven | Front de la Gioventura Comunista |
| Color | Ross |
| $fine | |
El Partii Comunista (Partito Comunista in italian) a l'è on partii de ispirazion marxista fondaa el 3 luj 2009 e guidaa del Marco Rizzo di temp de la soa nassita.
Storia
[Modifega | modifica 'l sorgent]Origin
[Modifega | modifica 'l sorgent]El Rizzo el troeuva consens in di aree de estrema sinistra dòpo vèss staa per on poo de temp in polemica cont l'Oliviero Diliberto e l'Armando Cossutta, mèmber 'me lu del Partii di Comunista Italian, per via di referéndum sindacai e l'intervent italian in la guerra del Kosovo. Rizzo el deventa donca la guida de l'area contraria a l'unità comunista cont el center-sinistra.
In del 2009, dòpo del falliment elettoral del PdCI el va in lotta diretta cont la presidenza del Partii, e 'l 24 de giugn a l'è casciaa via del partii.
Comunista - Sinistra Popolara
[Modifega | modifica 'l sorgent]El 3 de luj 2009 nassen i "Comunisti - Sinistra Popolare", che recoeujen di adesion in del mond de la sinistra.
El 21 de genar 2012 a l'è giontada la scritta "Partito Comunista".
Ai elezion politegh italian del 2013 el partii el se presenta domà a l'ester, senza ciappà nissun segg.
Partito Comunista
[Modifega | modifica 'l sorgent]El 17 de genar 2014 la se reunìss a Roma la Convention del Partii che la rielegg Rizzo segretari e la cambia nomm in Partito Comunista.
In del referendum costituzional del 2016 el se s'cera per el No, con l'opinion che la reforma la fuss fonzionala domà ai padron.
El 21 de genar 2017 el Rizzo a l'è anmò rielegiuu segretari. A marz organizzen ona manifestazion contra de l'Union europea.
Al principi del 2018 Rizzo nonzia che 'l partii el correrà indeperlu in di elezion politegh italian del 2018, senza poeu ottegnì nissun segg.
In di referendum abrogativ in su la giustizia del 2022, se s'ceren per el no.
Coalizion ross-bruna
[Modifega | modifica 'l sorgent]El 4 de luj 2022 l'è nonziaa de la sezion de Milan che 'l secretari Rizzi l'è staa casciaa via del partii, dopo che l'ha nonziaa 'na lianza con vari soggett sovranista per i elezion del 2023. El partii, poeu, el deciara che l'è no inscì, e che l'è stada 'na deciarazion de 'na minoranza contraria a la noeuva lianza ross-bruna, che la se concretizzarà el 25 del mes in Italia Sovrana e Popolar
Ideologia
[Modifega | modifica 'l sorgent]El partii a l'è de ideologia marxista-leninista revoluzionaria e 'l refuda i tesi revisionista e reformista.
Consideren i elezion domà 'me 'na part de la soa attività politega che la gh'ha de compìss anca con di àlter mezz.
El Partii el ved 'me figur positiv del comunism italian l'Antonio Gramsci e 'l Pietro Secchia e 'l ved mal l'Enrico Berlinguer e 'l Palmiro Togliatti. E 'l ved cont favor la figura de Stalin, senza deciaràss stalinista.
Rappòrt
[Modifega | modifica 'l sorgent]El Partito a l'è dal 2013 member de l'Iniziativa di Partii Comunista e Operari d'Europa e dal 2017 de l'Inconter Internazional Partii Comunista e Operari.
El gh'ha di bon rappòrt cont el Venezuela del Nicolas Maduro, el Partii Comunista de Grecia e 'l Partii Comunista di Popoi de Spagna.
Organizzazion giovanil
[Modifega | modifica 'l sorgent]El Front de la Gioventura Comunista a l'è staa l'organizzazion giovanil del Partii: Nassuda in principi 'me organizzazion independenta in del 2016 el fa on patt de azion cont el Partito Comunista e 'l mantegn 'na soa autonomia de tesserament e de organizzazion, ma poeu in del 2020 hann s'ceppaa el patt.
In del 2021 la nass la Federazion de la Gioventura Comunista, fada su al post del Front.
Riferiment
[Modifega | modifica 'l sorgent]- “ ITALIA FUORI DALL’UNIONE EUROPEA. ASSEMBLEA NAZIONALE DEI LAVORATORI. Arqiviad qé: [1]
- Welfare, al via il referendum Damiano apre su precari e lavori usuranti
- Rizzo espulso dai Comunisti Italiani a causa del piduista Valori Arqiviad qé: [2]
- 21 Gennaio 1921 nasce il PCd’I, 19 gennaio 2014 ricostruito il PC. Arqiviad qé: [3]
- Marco Rizzo: ecco i candidati sindaco del Partito Comunista
- Un no comunista alla riforma costituzionale
- Il Partito Comunista e i lavoratori in piazza: l’UE non è riformabile Arqiviad qé: [4]
- IL PARTITO COMUNISTA CORRERA’ CON IL PROPRIO SIMBOLO ALLE ELEZIONI POLITICHE. Arqiviad qé: [5]
- Costruire il PARTITO COMUNISTA usando ‘anche’ le elezioni. Arqiviad qé: [6]
- 22 gennaio 1891 – 22 gennaio 2013 IN ONORE DEL COMPAGNO ANTONIO GRAMSCI: NON CEDEREMO ALLE ILLUSIONI Arqiviad qé: [7]
- Intervento del compagno Marco Rizzo al congresso del PCPE, Madrid 10/12 Giugno 2016. Arqiviad qé: [8]
- SOLIDARIETA’ CON LA REPUBBLICA BOLIVARIANA DEL VENEZUELA. Arqiviad qé: [9]
- UNA NUOVA FASE E NUOVE SFIDE PER IL FGC. IL COMITATO CENTRALE ELEGGE LA NUOVA SEGRETERIA
- ELEZIONI STUDENTI: VITTORIA COMUNISTA A MILANO. BARLOCCHI (FGC) ELETTO PRESIDENTE.