Gianluigi Paragone
|
Quest articol chì l'è scrivud in lombard, con la Noeuva Ortografia Lombarda |
El Gianluigi Paragone (Vares, 7 de avost 1971) a l'è un politegh e sgiornalista italian, senator del 2018.
Originari de 'na familia del Sannio, el scomincia a seguì i atività de la Liga Nord 'me sgiornalista fina a deventà diretor de La Padania in del 2005, roeull che 'l tegn fina al 2007, quand che 'l passa a Libero e del 2009 al 2017 a l'è ativ in la television.
In del 2017 el se svesina al Moviment 5 Stelle grazzia a la campagna contra el decret Lorenzin per i vacin obligatori e 'l se candida con lor, tant de vesser elesgiud. El se slontana del Moviment in del 2019, quand che 'l fa su el governo Conte II cont el Partid Democrategh e a sginer 2020 a l'è casciad via del partid. A sgiugn 2020 el fa su Italexit, el so moviment con l'obietiv de fà sortì l'Italia de l'Union europea. El nonzia de candidàss in di elezzion ministrative de Milan del 2021, sostegnud de la soa lista e anca de Grande Nord, e 'l entra no in consili per poch.
Riferiment[Modifega | modifica 'l sorgent]
Alter proget[Modifega | modifica 'l sorgent]
Wikiquote el gh'ha dent citazzion de o su Gianluigi Paragone
Wikimedia Commons el gh'ha dent imagin o alter archivi su Gianluigi Paragone
