Maurizio Lupi

De Wikipedia
Jump to navigation Jump to search
Lumbard ucidental Quest articol chì l'è scrivuu in lombard, grafia milanesa.
El Maurizio Lupi

El Maurizio Lupi (Milan, 3 de ottober del 1959) l'è on politegh italian.
L'ha movuu i sò primm pass in de la DC al princippi di Agn Novanta, per poeu passà a Forza Italia. Member de CL, l'è staa consilier comunal a Milan e poeu assessor sotta la prima gionta del Gabriele Albertini (1997-2001).
In del 2001 el ven eleggiuu in del Parlament con Forza Italia, e l'è confermaa anca in del 2006, 2008 (cont el Popol de la Libertà) e 2013 (semper cont el PdL). In de l'ultema ocasion, l'è anca eleggiuu vispresident de la Camera di Deputaa. El vegn nominaa minister di Trasport in del governo Letta. Despoeu la condanna del Berluscon per coruzzion, el presenta i sò dimission 'me minister, che però vegnen respingiuu. El 16 de november del 2013, insemma cont i olter minister del PdL, el passa in del noeuv partii ciamaa Noeuv Centerdestra, per segutà a sostegnì el governo Letta. El vegna confermaa in del sò roeul anca cont el noeuv governo Renzi. A bon cunt, el 20 de marz del 2015 el se dimett, per via del scandol di Grand Oeuver (anca se lu l'è minga indagaa).