Paolo Veronesi
|
Quest articol chì l'è scrivud in lombard, con la Noeuva Ortografia Lombarda |
El Paolo Veronesi (Milan, 7 de dicember 1961) a l'è un medegh e ricercator italian.
Biografia[Modifega | modifica 'l sorgent]
Fioeul de l'Umberto Veronesi, el se laurea in medesina e cerusia a l'Università di Studi de Milan in del 1986 e 'l se specializza poeu in cerusia recostrutiva e generala, disciplina de che l'è professor sociad in la midema università, indova che 'l gestiss anca el master de senologia.
L'è diretor de l'unità de cerusia senologega a l'Istitut Europee de Oncologia, roeull in del che l'ha contribuid al desvilup di tecnegh per la conservazzion di sen in di don malad de cancher e a la tecnega del linfonod sentinella, oltra che al studi del cancher ai mamell di omen.
Del 2006 l'è president de la Fondazzion Umberto Veronesi, che la se ocupa de divulgà i stil de vita pussee boni e la diagnosi precosa per sbassà la mortalità de cancher.